Yôsuê 23:2 - Nau Brah Ndu Ngơi 2023

² Y-Yôsuê kuăl rgum lĕ rngôch phung Israel, phung kôranh bu ranh, phung kôranh chiă uănh, phung kôranh phat dôih, jêh ri kôranh tahan khân păng jêh ri lah pô aơ: “Aƀaơ ri gâp lĕ ranh, gŭ rêh jŏ năm jêh.

Yôsuê 23:2 Iomraidhean Croise

I Phung Hađăch 1:1

Hađăch Đavit hŏ ranh jêh, nđâp lah bu ntâk ăn păng ma âk phôi, păng ăt mâu răm lĕ.

I Phung Hađăch 8:1

Nôk nây, hađăch Salômôn kuăl rgum phung bu ranh Israel, lĕ rngôch phung kôranh ndŭl mpôl jêh ri kôranh rnăk vâl phung ƀon lan Israel plơ̆ sĭt ta Yêrusalem, gay tung Hip Nau Tâm Rnglăp Brah Yêhôva tă bơh ƀon Đavit, jêng Siôn.

I Nau Rêh Jêng 23:2

Y-Đavit rgum lĕ rngôch phung kôranh chiă uănh Israel ndrel ma phung kôranh ƀư brah jêh ri phung Lêvi.

I Nau Rêh Jêng 27:27

Y-Simei, bunuyh Ramat, djôt kan chiă uănh lĕ đang krăk ƀâu; jêh ri Y-Sapdi, bunuyh Sêpham, djôt kan chiă uănh jay ndrănh tâm đang krăk ƀâu;

I Nau Rêh Jêng 28:1

Y-Đavit kuăl rgum lĕ rngôch phung kôranh toyh phung Israel văch ta ƀon Yêrusalem geh phung kôranh ndŭl mpôl, phung kôranh mpôl pah kan ma hađăch, kôranh chiă uănh toyh ma du rbăn nuyh tahan jêh ri di rhiăng nuyh tahan, phung kôranh mât uănh drăp ndơn jêh ri mpô mpa hađăch rong, phung kon bu klâu hađăch, ndrel ma phung kôranh bu char jêh ri phung tahan janh ktang.

Nau Vay Nkah Tay 31:28

Rgum hom tanăp gâp phung kôranh bu ranh tâm phung ndŭl mpôl jêh ri phung kôranh chiă uănh khân may; gâp mra ngơi sŏng lĕ nau ngơi aơ ma khân păng jêh ri kuăl trôk jêh ri neh gay mbơh nau tâm rdâng đah khân păng.

Yôsuê 13:1

Tơlah Y-Yôsuê ranh jêh, gŭ rêh jŏ năm jêh, Brah Yêhôva lah ma păng pô aơ: “May ranh jêh, gŭ rêh jŏ năm jêh, bi ma bri neh gay ma pĭt in hôm âk ngăn.

Yôsuê 23:3

Khân may hŏ saơ jêh lĕ nau Yêhôva Brah Ndu khân may ƀư jêh ma lĕ rngôch phung ƀon lan aơ yor khân may, Yêhôva Brah Ndu khân may sâm tâm lơh an jêh ma khân may.

Yôsuê 24:1

Y-Yôsuê tâm rƀŭn lĕ rngôch phung ndŭl mpôl Israel ta ƀon Sichem, jêh ri păng kuăl rgum phung bu ranh, phung kôranh chiă uănh, phung kôranh phat dôih jêh ri phung kôranh tahan Israel, jêh ri mpơl măt khân păng nơm panăp Brah Ndu.

I Samuel 12:2

Aƀaơ, hađăch nĕ mra chiă uănh khân may. Bi gâp hŏ ranh jêh, sŏk ndra jêh, phung kon bu klâu gâp gŭ ndrel ma khân may. Gâp hŏ chiă uănh khân may ntơm bơh gâp hôm kon se jê̆ tât ta nar aơ.