Yôsuê 23:12 - Nau Brah Ndu Ngơi 2023

¹² Tơlah khân may plơ̆ nuih n'hâm jêh ri tâm rnglăp đah phung ndŭl mpôl êng hôm gŭ ta nklang khân may jêh ri khân may tâm gŭ ur sai đah phung nây, mâu lah tâm rnglăp ndrel ma khân păng,

Yôsuê 23:12 Iomraidhean Croise

Nau Ntơm 2:24

Yor ri, bu klâu mra chalơi mê̆ mbơ̆ gay tâm krêp đah ur păng, jêh ri lĕ bar hê jêng du nglay săk.

Nau Ntơm 34:3

Nuih n'hâm Y-Sichem ŭch kơnh ma H'Dina, kon bu ur Y-Yakôb. Păng rŏng ma bu ur nây jêh ri ngơi rdơ̆ rbăn bonh leng ma H'Dina.

I Phung Hađăch 11:2

Khân păng jêng phung ntil mpôl Brah Yêhôva lah jêh đah phung Israel pô aơ: “Khân may lơi tâm gŭ ur sai ôh đah khân păng, yorlah nanê̆ khân păng mra nsŭk nuih n'hâm khân may tĭng ndô̆ phung brah khân păng.” Ƀiălah, Y-Salômôn ăt rŏng klâng phung bu ur nây.

I Phung Hađăch 11:4

Di ngăn, tơlah Y-Salômôn ranh jêh, phung ur hađăch nsŭk nuih n'hâm hađăch hăn tĭng phung brah êng. Nuih n'hâm hađăch mâu hôm răp jăp ôh đah Yêhôva Brah Ndu păng nơm nâm bu Y-Đavit, mbơ̆ hađăch,

Nau Mprơ Ơm 125:5

Bi ma phung ŭch tĭng ndô̆ nau kue, Brah Yêhôva mra mprơh khân păng ndrel ma phung ƀư mhĭk. Ăn nau đăp mpăn gŭ ta phung Israel!

Nau Mprơ Ơm 36:3

Lĕ nau ngơi tă bơh mbung păng jêng nau mhĭk jêh ri nau ndơm da dê; Păng chalơi jêh nau rêh tâm nau blau mĭn jêh ri chalơi nau ueh.

Êsai 1:4

Rêh ni yơh ma bri dak ƀư nau tih, Phung ƀon lan ƀư nau tih jâk jêr Noi deh ƀư mhĭk, Phung kon gŭ ƀư nau ƀơ̆ ƀơch! Khân păng chalơi jêh Brah Yêhôva, Mưch rmot ma Nơm Kloh Ueh Israel, Plơ̆ jêng bu êng jêh ri nkhah du.

Êsêkiêl 18:24

Ƀiălah tơlah bunuyh sŏng srăng chalơi nau sŏng srăng păng jêh ri ƀư tih, ƀư nau ƀơ̆ ƀơch nâm bu phung ƀai hŏ ƀư, bunuyh nây dơi geh nau rêh lĕ? Mâu, mâu geh du ntil nau sŏng srăng păng hŏ ƀư dơi kah gĭt tay. Yor nau mâu răp jăp jêh ri nau tih păng hŏ ƀư yor nây păng mra khĭt.’

Sôphôni 1:6

Nđâp phung lĕ chalơi jêh mâu tĭng Brah Yêhôva, Phung mâu ŭch joi Brah Yêhôva, jêh ri mâu ôp ôh Păng.

Mathay 12:45

păng hăn ro jêh ri sŏk tay pơh brah mhĭk êng janh ƀai lơn, ndrel lăp gŭ ta nây. Pôri, tâm nau pakơi bunuyh nây jêng djơh lơn ntơm saơm. Phung ndŭl mpôl ƀai aơ mra jêng tâm ban lĕ.”

Yôhan 6:66

Ntơm nau nây, âk phung oh mon plơ̆ rŭch, mâu hôm tĭng Păng ôh.

Samƀŭt Pôl Njuăl Ăn Ma Phung Nsing Ta Ƀon Rôm 12:9

Ăn nau rŏng khân may jêng ngăn. Tâm rmot hom ma nau mhĭk, ndrel ma nau ueh.

Nau Vay Nkah Tay 6:15

yorlah Yêhôva Brah Ndu may, Nơm gŭ ta nklang may, jêng Brah Ndu blau ntôn. Njrăng hom klach lah Yêhôva Brah Ndu may mra ji nuih ma may jêh ri ƀư rai lơi may bơh klơ neh.

Nau Vay Nkah Tay 7:3

Lơi tâm gŭ ur sai đah khân păng ôh, lơi ăn phung kon bu ur khân may ma phung kon bu klâu khân păng jêh ri lơi sŏk phung kon bu ur khân păng ma phung kon bu klâu khân may,

Nau Vay Nkah Tay 7:4

yorlah khân păng mra ƀư ma phung kon khân may chalơi Kôranh Brah gay pah kan ma phung brah êng, ƀư ma Brah Yêhôva ji nuih ma khân may jêh ri ƀư rai ro khân may.

Yôsuê 23:11

Pônây, njrăng hom mât mray khân may nơm gay yơk rŏng ma Yêhôva Brah Ndu khân may.

I Yôhan 2:9

Mbu nơm lah păng gŭ tâm nau ang, ƀiălah păng tâm rmot ma oh nâu păng, păng ăt gŭ tâm nau ngo.

Phung Kôranh Phat Dôih 14:3

Mê̆ mbơ̆ păng lah: “Tâm nklang phung mpôl băl may mâu lah tâm lĕ phung ƀon lan he, mâu geh du huê bu ur druh may ŭch kŏ tât may sŏk du huê ur tă bơh phung Philistin mâu geh ôh nau koh ntâu?” Y-Samsôn lah ma mbơ̆ păng: “Dăn mbơ̆ nđăp păng ma gâp, yorlah păng tâm di ngăn đah gâp.”

Phung Kôranh Phat Dôih 3:6

Khân păng sŏk kon druh phung nây ƀư ur, văng kon bu ur khân păng nơm đah kon bu klâu phung nây, jêh ri pah kan ma brah phung nây.