Yôsuê 23:10 - Nau Brah Ndu Ngơi 2023

¹⁰ Du huê tâm phung khân may dơi mprơh du rbăn bunuyh phung khân păng, yorlah Yêhôva Brah Ndu khân may jêng Nơm sâm tâm lơh an ma khân may tĭng nâm nau păng ton jêh ma khân may.

Yôsuê 23:10 Iomraidhean Croise

II Samuel 23:8

Aơ jêng amoh phung tahan janh ktang Y-Đavit: Lor lơn geh Y-Jôsep-Basêbet, bunuyh Tachêmôn, jêng kôranh ma pe nuyh tahan janh ktang; păng nơm hŏ sŏk tak jêh ri nkhĭt pham rhiăng nuyh tâm du tơ̆.

I Nau Rêh Jêng 5:20

Dôl khân păng tâm lơh, khân păng vơl dăn ma Brah Ndu, jêh ri yorlah khân păng geh nuih n'hâm rnơm nsing ma Păng, pôri Păng kơl rklaih an, jao phung Hagrit jêh ri lĕ rngôch phung tĭng păng tâm ti khân păng.

I Nau Rêh Jêng 5:22

Geh âk ngăn bunuyh lĕ cha lôt khĭt, yorlah nau tâm lơh nây luh tă bơh Brah Ndu. Khân păng pit in neh phung nây jêh ri gŭ ta nây ma tât nôk bu nhŭp njŭn leo khân păng ƀư dĭk bu.

Nau Mprơ Ơm 35:1

Ơ Brah Yêhôva, dăn tâm rlăch đah phung tâm rlăch đah gâp, Dăn tâm lơh đah phung tâm lơh tâm rdâng đah gâp.

Nau Mprơ Ơm 46:7

Brah Yêhôva ma phung tahan gŭ ndrel ma hên; Brah Ndu Yakôb jêng ntŭk hên nde krap. (Sêla)

Nau Ngluh Êjipt 14:14

Brah Yêhôva mra tâm lơh an ma khân may, bi khân may ăn gŭ rklăk.”

Êsai 30:17

Du huê thăm rmat, du rbăn nuyh nchuăt du; Prăm nuyh thăm rmat, khân may nchuăt da dê Kŏ tât nôk khân may hôm klen Tâm ban ma n'gâng n'ha kơ ta klơ n'gơn yôk, Tâm ban ma n'ha kơ ta klơ gôl.”

Kan Lêvi 26:7

Khân may mra tĭng lơh phung rlăng jêh ri khân păng mra prah ma đao gưm tanăp khân may.

Kan Lêvi 26:8

Prăm nuyh tâm phung khân may mra tĭng lơh du rhiăng nuyh; du rhiăng nuyh khân may mra tĭng lơh du rmưn nuyh, jêh ri phung rlăng đah khân may mra prah cha lôt ma đao gưm tanăp khân may.

Sakari 12:8

Tâm nar nây, Brah Yêhôva mra ƀư Nơm king n'gang ma phung gŭ ta ƀon Yêrusalem. Nôk nây, phung ra ai ngăn tâm phung khân păng mra jêng nâm bu Y-Đavit; ngih Y-Đavit mra jêng nâm bu Brah Ndu, jêh ri mra jêng nâm bu tông mpăr Brah Yêhôva hăn lor panăp khân păng.

Samƀŭt Pôl Njuăl Ăn Ma Phung Nsing Ta Ƀon Rôm 8:31

Pôri, moh nau he mra lah ma lĕ nau nây? Tơlah Brah Ndu gŭ mpeh ma he, mbu mra tâm rdâng đah he?

Nau Vay Nkah Tay 20:3

Păng mra lah: ‘Hơi phung Israel, iăt hom! Nar aơ khân may mra tâm lơh đah phung rlăng. Lơi rdja ôh nuih n'hâm, lơi klach ôh, lơi râm sâr, lơi krit kir, dôl tâm rdâng đah khân păng,

Nau Vay Nkah Tay 20:4

yorlah Yêhôva Brah Ndu khân may, jêng Nơm hăn ndrel ma khân may, gay hăn lơh phung rlăng jêh ri rklaih khân may.’

Nau Vay Nkah Tay 28:7

Brah Yêhôva mra ƀư ma phung rlăng hao tâm rdâng đah khân may mra roh rai tanăp khân may. Khân păng mra tât lơh khân may bơh du trong, pôri khân păng nchuăt du pơh trong bơh khân may.

Nau Vay Nkah Tay 3:22

Lơi klach ôh ma khân păng yorlah Yêhôva Brah Ndu khân may mra tâm lơh an ma khân may.’

Nau Vay Nkah Tay 32:20

Păng lah: “Gâp mra pôn muh măt Gâp Gay saơ moh nau mra jêng kêng lôch dŭt khân păng, Yorlah khân păng jêng noi deh tih mhĭk ngăn, Jêng phung kon mâu geh nau răp jăp ôh.

Nau Vay Nkah Tay 32:30

Mâm ƀư du huê dơi mprơh du rbăn nuyh, Jêh ri bar hê ƀư ma jât rbăn nuyh nchuăt du, Tơlah Lŭ Toyh mâu tăch ôh khân păng, Jêh ri Brah Yêhôva mâu ôh jao khân păng?

Yôsuê 10:42

Y-Yôsuê nhŭp lĕ phung hađăch nây jêh ri pit sŏk bri khân păng knŏng hăn lơh du tơ̆ dơm, yorlah Yêhôva Brah Ndu phung Israel tâm lơh an ma phung Israel.

Yôsuê 23:11

Pônây, njrăng hom mât mray khân may nơm gay yơk rŏng ma Yêhôva Brah Ndu khân may.

Yôsuê 23:3

Khân may hŏ saơ jêh lĕ nau Yêhôva Brah Ndu khân may ƀư jêh ma lĕ rngôch phung ƀon lan aơ yor khân may, Yêhôva Brah Ndu khân may sâm tâm lơh an jêh ma khân may.

Phung Kôranh Phat Dôih 15:15

Păng saơ du mlâm nting kang seh bri mhe khĭt, păng yơr ti kuăn sŏk ndơ nây jêh ri dong nkhĭt du rbăn nuyh phung Philistin.

Phung Kôranh Phat Dôih 3:31

Pakơi Y-Êhut, geh Y-Samgar, kon bu klâu Y-Anat. Păng sŏk du mlâm mâng ntrŭt ndrôk dong nkhĭt prao rhiăng nuyh phung Philistin. Pôri păng ăt jêng nơm rklaih Phung ƀon lan Israel.

I Samuel 14:6

Y-Jônathan lah ma bunuyh ndăm tuy ndơ păng tâm lơh: “Kay lŏng, he hăn tât ta pôih phung mâu geh koh ntâu aơ. Klăp lah Brah Yêhôva mra ƀư ăn ma he. Nđâp tơlah djê̆ bunuyh mâu lah âk bunuyh, mâu geh du ntil ndơ king ôh Brah Yêhôva ƀư ma he dơi tâm lơh.”