Yôsuê 23:1 - Nau Brah Ndu Ngơi 2023

¹ Tơlah Brah Yêhôva ăn nau mpăn rlêk ma phung Israel jŏ jêh, mâu hôm geh phung rlăng gŭ văr jŭm khân păng, jêh ri tơlah Y-Yôsuê lĕ ranh, gŭ rêh jŏ năm jêh,

Yôsuê 23:1 Iomraidhean Croise

Nau Ntơm 25:8

Y-Abraham tăch n'hâm jêh ri păng khĭt ranh jong rêh, dơi maak tâm nau rêh, jêh ri păng sĭt ndrel ma chô yau păng.

I Phung Hađăch 1:1

Hađăch Đavit hŏ ranh jêh, nđâp lah bu ntâk ăn păng ma âk phôi, păng ăt mâu răm lĕ.

I Nau Rêh Jêng 23:25

Yorlah Y-Đavit lah pô aơ: “Yêhôva Brah Ndu phung Israel ăn jêh nau đăp mpăn ma phung ƀon lan Păng, jêh ri Păng gŭ tâm ƀon Yêrusalem n'ho ro,

I Nau Rêh Jêng 27:1

Aơ jêng samƀŭt nchih amoh phung ƀon lan Israel, phung kôranh ma noi deh, kôranh ma du rbăn nuyh jêh ri du rhiăng nuyh jêh nây phung kôranh pah kan ma hađăch lĕ rngôch ntil tâm phung kan tahan; tĭng nâm mpôl lăp jêh ri luh ăp khay lĕ du năm, ăp mpôl geh bar rmưn puăn rbăn nuyh.

II Nau Rêh Jêng 14:1

Y-Abija khĭt hăn gŭ ndrel phung chô yau păng jêh ri bu tâp păng tâm ƀon Đavit. Kon bu klâu păng jêng Y-Asa chiă uănh thoi păng. Tâm rnôk rô̆ păng chiă uănh, n'gor bri nây geh nau đăp mpăn tâm jât năm.

II Nau Rêh Jêng 14:5

Păng chalơi đŏng lĕ rngôch ntŭk prêh klơ jêh ri nơng ƀư brah nhhơr ndơ ƀâu kah luh tă bơh lĕ ƀon phung Yuđa. Bri dak nây geh nau đăp mpăn dôl păng chiă uănh.

II Nau Rêh Jêng 20:30

Pôri, ƀon bri hađăch Jôsaphat gŭ đăp mpăn, yorlah Brah Ndu ăn ma păng tâm nau mpăn rlêk puăn njônh.

Nau Mprơ Ơm 46:9

Păng ăn lôch rklăk nau tâm lơh kŏ tât ta nglĕ dŭt rplay neh. Nkê̆ch pă lơi na, sreh lơi tak ăn âk gâl Jêh ri su lơi ma ŭnh lĕ ndeh seh.

Êsai 63:14

Brah Huêng Ueh Brah Yêhôva hŏ ƀư ăn jêh ma phung ƀon lan Păng gŭ rlu, Tâm ban ma phung mpô mpa rong jŭr hăn ta rlŭng joi ntŭk rlu. May njŭn jêh phung ƀon lan May Gay amoh May dơi chrêk rmah.

Nau Vay Nkah Tay 31:2

Păng lah: “Nar aơ gâp geh du rhiăng bar jât năm, mâu hôm dơi hăn luh lăp ôh, jêh ri Brah Yêhôva hŏ lah jêh ma gâp: ‘May mâu mra rgăn ôh dak krong Yurdan aơ.’

Yôsuê 11:23

Pônây Y-Yôsuê pit sŏk lĕ n'gor tĭng nâm lĕ nau Brah Yêhôva ntĭnh ntăm jêh ma Y-Môis, jêh ri ăn bri nây ma phung Israel jêng drăp ndơn, tĭng nâm nau tâm pă ma ăp ndŭl mpôl khân păng. Jêh nau nây, n'gor geh nau đăp mpăn, mâu hôm geh nau tâm lơh.

Yôsuê 13:1

Tơlah Y-Yôsuê ranh jêh, gŭ rêh jŏ năm jêh, Brah Yêhôva lah ma păng pô aơ: “May ranh jêh, gŭ rêh jŏ năm jêh, bi ma bri neh gay ma pĭt in hôm âk ngăn.

Yôsuê 21:44

Brah Yêhôva ăn ma khân păng tâm lam ntŭk dơi geh tâm nau mpăn rlêk, di tĭng nâm Păng ton jêh ma phung chô yau khân păng, mâu geh ôh phung rlăng dơi dâk tanăp khân păng. Brah Yêhôva jao jêh lĕ rngôch phung rlăng nây tâm ti khân păng.

Yôsuê 22:4

Aƀaơ ri, Yêhôva Brah Ndu khân may ăn jêh ma phung oh nâu khân may rlu đăp mpăn di tĭng nâm nau Păng ton jêh ma khân păng. Pônây plơ̆ sĭt hom ma ngih khân may tâm n'gor neh jêng ndơ khân may, Y-Môis, oh mon Brah Yêhôva ăn jêh ma khân may ta kơh đah ri dak krong Yurdan.

I Samuel 12:2

Aƀaơ, hađăch nĕ mra chiă uănh khân may. Bi gâp hŏ ranh jêh, sŏk ndra jêh, phung kon bu klâu gâp gŭ ndrel ma khân may. Gâp hŏ chiă uănh khân may ntơm bơh gâp hôm kon se jê̆ tât ta nar aơ.