Yôsuê 22:6 - Nau Brah Ndu Ngơi 2023

⁶ Jêh nây Y-Yôsuê ăn nau ueh uĭn ma khân păng jêh ri ăn khân păng sĭt. Lĕ rngôch sĭt ma ngih bok khân păng nơm.

Yôsuê 22:6 Iomraidhean Croise

Nau Ntơm 14:19

jêh ri ăn nau ueh uĭn ma Y-Abram. Păng lah: “Dăn ma Brah Ndu Dŭt Prêh, Nơm rhăk njêng trôk jêh ri neh ntu, Ăn nau ueh uĭn ma Y-Abram!

Nau Ntơm 47:10

Y-Yakôb ăn nau ueh uĭn ma Pharaôn jêh nây hăn du luh tă bơh păng.

Nau Ntơm 47:7

Jêh nây, Y-Yôsep njŭn Y-Yakôb mbơ̆ păng tât tâm mâp đah Pharaôn. Y-Yakôb ăn nau ueh uĭn ma Pharaôn.

II Samuel 6:18

Tơlah Y-Đavit hŏ nhhơr ndơ ƀư brah gŭch jêh ri ndơ ƀư brah ma nau đăp mpăn lôch jêh, hađăch sŏk amoh Brah Yêhôva ma phung tahan gay ăn nau ueh uĭn ma phung ƀon lan;

II Samuel 6:19

jêh ri păng tâm pă ma lĕ rngôch phung Israel, ma lĕ bu klâu nđâp bu ur, ăp nơm du glo piăng let, du mlay puăch, jêh ri ƀănh play krăk ƀâu. Pakơi nây, ăp nơm sĭt ma ngih păng nơm.

II Samuel 6:20

Y-Đavit tâm ban lĕ plơ̆ sĭt gay ăn nau ueh uĭn ma phung ngih păng nơm. Ƀiălah kon bu ur Y-Sôl jêng H'Mikal văch chuă Y-Đavit jêh ri ngơi: “Nar aơ hađăch phung Israel ƀư chrêk ma lơp păng nơm ngăn, tơlah gŭ săk hưl tra năp măt phung oh mon bu ur, ƀư nâm bu du huê bunuyh dơm dam!”

I Phung Hađăch 8:66

Lăp nar rơh pham, hađăch ăn phung ƀon lan hăn sĭt. Khân păng ăn nau ueh uĭn ma hađăch jêh nây hăn sĭt rlet ngih vâl khân păng nơm, nuih n'hâm hâk răm ngăn yor lĕ nau ueh Brah Yêhôva hŏ ƀư jêh ma Y-Đavit, oh mon Păng, jêh ri ma Phung ƀon lan Israel Păng.

II Nau Rêh Jêng 30:18

Yorlah geh âk bunuyh, tâm phung ƀon lan phung Êphraim, Manasê, Isakar, jêh ri Sabulôn ê hŏ ƀư kloh khân păng nơm ôh, ƀiălah ăt khân păng sa rƀŭn Nau Găn, mâu tĭng kơt ôh nau vay bu hŏ nchih jêh. Yor nây Y-Hêsêkia mbơh sơm ma khân păng pô aơ:

Nau Ngluh Êjipt 39:43

Y-Môis treng uănh lĕ rngôch nau kan jêh ri aơ khân păng hŏ lôch jêh nau nây tĭng nâm nau Brah Yêhôva ntĭm nti jêh. Pôri Y-Môis ăn nau ueh uĭn ma khân păng.

Luka 2:34

Y-Simêôn ăn nau ueh uĭn ma khân păng jêh ri lah ma H'Mari, mê̆ kon se jê̆ pô aơ: “Kon se jê̆ aơ dơi lah nal gay ƀư ma âk bunuyh tâm phung Israel mƀăr nau nsing mâu lah dâk rêh tay, jêh ri jêng du nau tâm mbên ƀư nau tâm rdâng.

Luka 24:50

Pakơi nây, Păng leo phung oh mon văch dăch ƀon Bêthani jêh ri păng yơr ti klơ ăn nau ueh uĭn ma khân păng.

Yôsuê 14:13

Y-Yôsuê ăn nau ueh uĭn jêh ri ăn ma Y-Kalep, kon bu klâu Y-Jêphunê, ƀon Hêbron jêng drăp ndơn păng.

Yôsuê 24:28

Y-Yôsuê đă phung ƀon lan sĭt; lĕ rngôch bunuyh plơ̆ sĭt da dê tâm drăp ndơn khân păng nơm.

I Samuel 10:25

Y-Samuel rblang ma phung ƀon lan gĭt nau vay jêh ri kan hađăch. Păng nchih lĕ nau nây tâm du ndrom samƀŭt jêh ri dơm panăp Brah Yêhôva. Jêh nây Y-Samuel ăn lĕ rngôch phung ƀon lan ăp nơm hăn sĭt ma ngih vâl păng nơm.

I Samuel 13:2

Y-Sôl săch pe rbăn nuyh Israel: bar rbăn nuyh gŭ n'hanh păng ta Mikmas jêh ri klơ yôk Bêthel, bi du rbăn nuyh gŭ ndrel ma Y-Jônathan ta Gibêa tâm n'gor Benjamin. Păng mplơ̆ sĭt phung ƀon lan hôm e, ăp nơm sĭt ma ngih vâl khân păng nơm.

I Samuel 2:20

Y-Êli ăn nau ueh uĭn ma Y-Êlkana jêh ri H'Anna pô aơ: “Dăn ma Brah Yêhôva ăn ma bu ur nây deh kon ma may, gay sâm ntrok đah kon păng hŏ dăn jêh ri nhhơr ma Brah Yêhôva!” Jêh nau nây, khân păng hăn plơ̆ sĭt ngih vâl khân păng nơm.