Yôsuê 22:5 - Nau Brah Ndu Ngơi 2023

⁵ Ƀiălah njrăng hom ƀư tĭng nau vay ntăm jêh ri nau vay bơh Y-Môis, oh mon Brah Yêhôva ntăm jêh ma khân may, gay ăn khân may yơk rŏng ma Yêhôva Brah Ndu khân may, hăn tâm trong Păng, djôt prăp lĕ nau vay Păng ntăm, tâm rnglăp đah Păng, jêh ri pah kan ma Păng ma lĕ nuih n'hâm jêh ri ma lĕ huêng khân may.”

Yôsuê 22:5 Iomraidhean Croise

Nau Mprơ Ơm 106:3

Ueh maak yơh mbu nơm djôt prăp nau di Jêh ri ƀư ƀaƀơ nau sŏng srăng!

Nau Mprơ Ơm 78:7

Gay ma kon sau khân păng geh nuih n'hâm rnơm nsing tâm Brah Ndu, Mâu chuêl ôh lĕ kan Păng, Ƀiălah djôt prăp lĕ nau vay Păng ntăm;

Nau Ngluh Êjipt 15:26

Brah Ndu lah: “Tơlah khân may gŭ iăt nanê̆ bâr Yêhôva Brah Ndu khân may, ƀư nau di tanăp măt Gâp, rkêng tôr iăt lĕ nau vay ntăm jêh ri djôt prăp dĭng lĕ nau vay dăp bơh Gâp, pôri Gâp mâu mra ăn tât ôh ma khân may du ntil nau ji tâm lĕ ntil nau ji Gâp hŏ ƀư jêh ma phung Êjipt. Gâp jêng Brah Yêhôva, Nơm ƀư bah nau ji khân may.”

Nau Ngluh Êjipt 20:6

Ƀiălah Gâp mra ăn nau yô̆ tât rbăn rô̆ ma lĕ phung rŏng ma Gâp jêh ri djôt prăp lĕ nau vay ntăm bơh Gâp.

Nau Ngluh Êjipt 23:13

Ăn may blau njrăng lĕ nau Gâp lah jêh ma may. Mâu dơi nkah tay ôh tât amoh phung brah êng, mâu đŏng ăn bu tăng nau nây tă bơh trôm mbung may lah amoh phung brah nây.”

Nau Ngluh Êjipt 23:25

Yơk mbah hom ma Yêhôva Brah Ndu khân may; Păng mra ăn nau ueh uĭn tâm piăng let may sa, tâm dak khân may nhêt, jêh ri sŏk lơi nau ji kuet der ngai bơh khân may.

Nau Hôr 4:23

Mât njrăng hom nuih n'hâm may ăn ueh rlau lơn, Yorlah lĕ tu nau rêh luh tă bơh păng.

Êsai 55:2

Mâm ƀư khân may mplơ̆ prăk gay rvăt ndơ mâu jêng piăng let ôh? Mâm ƀư khân may djôt nau pah kan khân may nơm rgâl sŏk ndơ mâu blau hơm ôh? Njrăng iăt Gâp, sa hom ndơ kah, Jêh ri ƀư maak huêng khân may nơm ma ndơ sa kah.

Yêrêmi 12:16

Tơlah khân păng gơih nti trong ƀon lan Gâp, ton tâm amoh Gâp pô aơ: ‘Ngăn yơh Brah Yêhôva gŭ rêh mro mrăng!’ — nâm bu phung khân păng hŏ nti ăn ma ƀon lan Gâp ton tanăp brah Baal — pôri nôk nây khân păng mra dơi nâp ta nklang phung ƀon lan Gâp.

Mathay 22:37

Brah Yêsu plơ̆ lah: “‘Ăn may yơk rŏng ma Kôranh Brah jêng Brah Ndu may ma lĕ nuih n'hâm, ma lĕ huêng, jêh ri ma lĕ nau mĭn.’

Mathay 4:10

Brah Yêsu lah ma păng: “Hơi Satan, rŭch plơ̆ hom! Yorlah geh nau nchih jêh pô aơ: ‘Ăn may yơk mbah ma Kôranh Brah jêng Brah Ndu may, jêh ri knŏng pah kan knŏng du huê Păng dơm yơh.’ ”

Mathay 6:24

“Mâu geh mbu nơm dơi pah kan ma bar hê kôranh; yorlah mra tâm rmot ma kôranh aơ jêh ri rŏng ma kôranh ri, mâu lah yơk ma kôranh aơ jêh ri mưch ma kôranh êng. Khân may mâu dơi ôh pah kan ƀă ma Brah Ndu jêh ri pah kan ƀă ma prăk ndô ndơ ôh.

Luka 1:74

Pô aơ nôk he dơi kơl rklaih tă bơh ti phung rlăng, Păng mra ăn ma he dơi pah kan ma Păng mâu geh nau klach ôh,

Yôhan 12:26

Tơlah mbu nơm pah kan ma Gâp păng tĭng Gâp; jêh ri ta ntŭk Gâp gŭ, bunuyh pah kan ma Gâp ăt mra gŭ ta nây lĕ. Tơlah mbu nơm pah kan ma Gâp, Mbơ̆ Gâp mra yơk ma păng.

Yôhan 14:15

“Lah khân may rŏng ma Gâp, khân may mra djôt prăp lĕ nau vay Gâp.

Kôranh Oh Mon 11:23

Tơlah păng tât jêh ta nây jêh ri saơ nau yô̆ Brah Ndu ăn. Păng răm maak jêh ri nsŭk nsôr lĕ rngôch bunuyh nâp nuih n'hâm tĭng Kôranh Brah;

Kôranh Oh Mon 27:23

Yorlah măng ndơh, geh du huê tông mpăr Brah Ndu, Nơm gâp jêng bunuyh ma Păng jêh ri pah kan, tâm mpơl ma gâp jêh ri lah:

Samƀŭt Pôl Njuăl Ăn Ma Phung Nsing Ta Ƀon Rôm 1:9

Brah Ndu, Nơm gâp pah kan ma lĕ nuih n'hâm tâm nau mbơh nkoch Nau Mhe Mhan Ueh Kon Păng, jêng mbơh nkoch ma gâp kah gĭt ma khân may ƀaƀơ ăp tơ̆ gâp mbơh sơm

Samƀŭt Pôl Njuăl Ăn Ma Phung Nsing Ta Ƀon Rôm 12:9

Ăn nau rŏng khân may jêng ngăn. Tâm rmot hom ma nau mhĭk, ndrel ma nau ueh.

Samƀŭt Pôl Njuăl Ăn Ma Phung Nsing Ta Ƀon Rôm 8:28

He gĭt lĕ rngôch nau rgum ƀư khlay ma phung rŏng ma Brah Ndu, nâm bu ntĭt ma phung bunuyh dơi kuăl tĭng nâm nau mĭn Păng ŭch.

Nau Vay Nkah Tay 10:20

Ăn khân may klach yơk ma Yêhôva Brah Ndu khân may, pah kan ma Păng, gŭ êp Păng jêh ri khân may mra ton ma amoh Păng.

Nau Vay Nkah Tay 11:1

“Ăn khân may yơk rŏng ma Yêhôva Brah Ndu khân may ƀaƀơ, jêh ri djôt prăp lĕ nau Păng ntĭm nti, jêh ri nau vay Păng dăp, nau vay Păng ƀư jêh ri nau vay Păng ntăm.

Nau Vay Nkah Tay 11:13

Pônây tơlah khân may tông ngăn lĕ nau vay ntăm bơh gâp ntĭnh ma khân may nar aơ, rŏng ma Yêhôva Brah Ndu khân may jêh ri pah kan ma Păng ma lĕ nuih n'hâm, ma lĕ huêng khân may,

Nau Vay Nkah Tay 11:22

Yorlah tơlah khân may njrăng ƀư tĭng lĕ nau vay ntăm bơh gâp ntĭnh ma khân may ƀư, rŏng ma Yêhôva Brah Ndu khân may, hăn tâm trong Păng jêh ri gŭ êp tâm rnglăp đah Păng,

Nau Vay Nkah Tay 13:4

Ăn khân may hăn tĭng ndô̆ Yêhôva Brah Ndu khân may, klach yơk ma Păng, djôt prăp lĕ nau vay Păng ntăm, tông bâr tĭng nau Păng ngơi, pah kan ma Păng jêh ri gŭ tâm rnglăp đah Păng.

Nau Vay Nkah Tay 4:29

Ƀiălah bơh ntŭk nây đŏng khân may mra joi Yêhôva Brah Ndu jêh ri ndah nâm jŏ khân may joi Păng ma lĕ nuih n'hâm, ma lĕ huêng, pôri khân may mra tâm mâp đah Păng.

Nau Vay Nkah Tay 4:4

Ƀiălah khân may jêng phung gŭ răp jăp đah Yêhôva Brah Ndu khân may, ăt hôm e rêh kŏ tât ta nar aơ.

Nau Vay Nkah Tay 4:6

Pôri, ăn khân may djôt prăp jêh ri ƀư tĭng nâm lĕ nau ntăm ƀư jêh ri nau vay, yor tă bơh nau nây phung ƀon lan mra saơ nau blau mĭn jêh ri nau gĭt rbăng khân may. Lah tăng lĕ nau vay dăp aơ khân păng mra lah: ‘Knŏng geh phung ndŭl mpôl toyh aơ nanê̆ jêng du phung ƀon lan blau mĭn jêh ri gĭt rbăng!’

Nau Vay Nkah Tay 4:9

Ăn khân may njrăng hom jêh ri chiă mât njrăng huêng khân may, lơi chuêl moh nau măt khân may saơ jêh, jêh ri du bông nau rêh lơi ăn lĕ nau nây du bơh nuih n'hâm khân may. Ƀiălah nti hom nau nây ma phung kon jêh ri ma phung sau khân may.

Nau Vay Nkah Tay 5:10

Ƀiălah Gâp mra ăn nau yô̆ tât rbăn rô̆ ma lĕ phung ma lĕ phung rŏng ma Gâp jêh ri djôt prăp lĕ nau vay ntăm bơh Gâp.

Nau Vay Nkah Tay 6:17

Njrăng hom jêh ri djôt prăp ma lĕ nau vay ntăm, nau mbơh jêh ri nau vay dăp bơh Yêhôva Brah Ndu hŏ ntĭnh jêh ma khân may.

ហេឞ្រើ 12:15

Njrăng hom klach lah khân may roh nau Brah Ndu yô̆, klach lah geh reh tăng hon, ƀư nau uh ah jêh ri ƀư ƀơ̆ ƀơch ma âk bunuyh tâm khân may.

Yakơ 1:12

Ueh maak yơh ma mbu nơm nsrôih dơn nau rlong uănh; yorlah lôch jêh dơn nau rlong uănh, khân păng mra dơn đon hađăch nau rêh, Brah Ndu ton jêh ma phung rŏng ma Păng nơm.

Yakơ 2:5

Khân may iăt hom, hơi phung oh nâu gâp rŏng: Mâu di hĕ Brah Ndu săch jêh phung o ach ta neh ntu aơ gay ƀư ma khân păng jêng ndrŏng tâm nau chroh, jêh ri dơn ƀon bri hađăch Păng ton jêh ma phung rŏng ma Păng?

Yôsuê 23:8

Ƀiălah tâm rnglăp hom đah Yêhôva Brah Ndu khân may, nâm bu khân may ƀư jêh tât ta nar aơ.

Nau Tâm Mpơl 15:3

Khân păng mprơ nau mprơ Y-Môis, oh mon Brah Ndu, jêh ri nau mprơ Kon Biăp pô aơ: “Ơ Kôranh Brah Ndu Geh Lĕ Nau Brah! Kan May dŭt toyh jêh ri khlay ngăn! Ơ Hađăch lĕ rngôch rnôk n'ho ro, Trong May jêng sŏng srăng jêh ri nanê̆ ngăn!

I Samuel 12:20

Y-Samuel plơ̆ lah ma phung ƀon lan: “Lơi klach ôh! Ngăn, khân may lĕ ƀư jêh lĕ rngôch nau mhĭk aơ; ƀiălah, khân may lơi chalơi ôh Brah Yêhôva, ƀiălah ăn lĕ nuih n'hâm pah kan ma Păng,

I Samuel 12:24

Knŏng khân may klach yơk ma Brah Yêhôva, sŏk lĕ nuih n'hâm răp jăp pah kan ma Păng. Uănh hom lĕ nau kan toyh Păng hŏ ƀư jêh ma khân may!

I Samuel 7:3

Nôk nây, Y-Samuel lah ma lĕ rngôch ngih Israel: “Tơlah khân may plơ̆ sĭt tay ma Brah Yêhôva ma lĕ nuih n'hâm khân may, mƀăr lơi phung brah mâu năl jêh ri rup brah bu ur Astarôt tă bơh khân may. Mƀŏng hom nuih n'hâm khân may ma Brah Yêhôva jêh ri knŏng pah kan du huê Păng dơm, ri mơ Păng mra tâm rklaih khân may tă bơh ti phung Philistin.”