Yôsuê 22:10 - Nau Brah Ndu Ngơi 2023

¹⁰ Tơlah khân păng tât jêh tâm n'gor neh dak krong Yurdan tâm bri Kanaan, phung Ruben, phung Gat, jêh ri du n'gul ndŭl mpôl Manasê ndâk ta nây du nơng ƀư brah toyh ngăn ta meng kơh dak krong Yurdan.

Yôsuê 22:10 Iomraidhean Croise

Nau Ntơm 12:7

Brah Yêhôva tâm mpơl ma Y-Abram jêh ri lah: “Gâp mra ăn n'gor aơ ma noi deh May.” Ta aơ, Y-Abram ndâk du mlâm nơng ƀư brah ăn ma Brah Yêhôva, jêng Nơm hŏ tâm mpơl ma păng.

Nau Ntơm 12:8

Bơh ntŭk nây, păng hăn tât ta nkual klơ dor yôk mpeh luh nar Bêthel, jêh nây ndâk ngih bok ta vah vang Bêthel mpeh nhâp nar, jêh ri Ai mpeh luh nar. Păng ndâk đŏng ta nây du mlâm nơng ƀư brah ăn ma Brah Yêhôva jêh ri kuăl mbơh sơm ma amoh Brah Yêhôva.

Nau Ntơm 28:18

Ang ôi taơ, Y-Yakôb dâk ơm ôi, păng sŏk du mlâm lŭ dâm bôk păng nơm ndâk ƀư meh jêh ri nkhŭt dak ngi ta klơ meh nây.

Êsai 19:19

Tâm nar nây, mra geh du nơng ƀư brah prăp ma Brah Yêhôva ta nklang bri Êjipt, jêh ri du meh n'gâng prăp ma Brah Yêhôva ta n'har neh păng.

Yôsuê 22:11

Tơlah phung ƀon lan Israel tăng bu nkoch ma phung Ruben, phung Gat, jêh ri du n'gul ndŭl mpôl Manasê ndâk jêh du nơng ƀư brah ta n'gor neh Yurdan tâm bri Kanaan, panăp phung ƀon lan Israel

Yôsuê 22:9

Pônây, phung Ruben, phung Gat, jêh ri du n'gul ndŭl mpôl Manasê tâm nkhah đah phung ƀon lan Israel ta ƀon Silô tâm bri Kanaan, gay plơ̆ sĭt ma bri Gilêat, jêng kô̆ neh khân păng nơm hŏ pit sŏk jêh tĭng nâm nau Brah Yêhôva ntăm jêh ma Y-Môis.