Yôsuê 21:8 - Nau Brah Ndu Ngơi 2023

⁸ Phung ƀon lan Israel nchroh n'hôr ăn ma phung Lêvi lĕ ƀon nây ndrel ma lĕ ndrêch gơ̆ gŭ văr jŭm păng, di nâm Brah Yêhôva ntăm jêh ma Y-Môis.

Yôsuê 21:8 Iomraidhean Croise

Nau Ntơm 49:5

Y-Simêôn jêh ri Y-Lêvi jêng oh nâu. Đao khân păng jêng ndơ tâm lơh ƀư nau djơh mhĭk.

Nau Ntơm 49:7

Di bu rak rtăp ma nau khân păng ji nuih, yorlah păng dŭt janh ƀai ngăn! Di bu rak rtăp ma nau khân păng ji nuih, yorlah nau nây djơh mhĭk ngăn! Gâp mra nkhah khân păng du luh tă ngih Y-Yakôb, Jêh ri mprơh khân păng bơh tâm phung ƀon lan Israel.

Nau Hôr 16:33

Bu rhuăt nau tâm nchroh tâm ntôr ao, Ƀiălah ăp nau ton ƀư bơh Brah Yêhôva.

Nau Hôr 18:18

Nau sŏk nchroh dơi ƀư ăn lôch nau tâm rlăch Jêh ri rblang ta nklang phung geh nau dơi toyh.

Nau Kơp Bunuyh 32:2

Pôri khân păng văch lah ma Y-Môis, ma kôranh ƀư brah Y-Êlêasar, jêh ri ma phung kôranh chiă uănh pô aơ:

Nau Kơp Bunuyh 33:54

Nchroh n'hôr hom gay tâm pă n'gor tĭng nâm ndŭl mpôl khân may. Ndŭl mpôl âk lơn ăn khân may ăn drăp ndơn toyh lơn; hôm ma ndŭl mpôl djê̆ ăn khân may ăn drăp ndơn jê̆ lơn. Ăp nơm mra dơn kô̆ păng nơm tĭng nâm nau nchroh n'hôr păng geh dơi. Ăt tĭng ăp ndŭl mpôl phung chô yau khân may gay tâm pă n'gor.

Nau Kơp Bunuyh 35:3

Khân păng mra dơi gŭ tâm ƀon, bi neh jŭm lĕ ƀon nây mra prăp ăn mpô mpa rong, lĕ ndơ jêh ri lĕ rngôch mpô mpa êng êng.

Yôsuê 18:6

Pônây, khân may nchih hom rup neh tâm pơh kô̆ neh jêh ri djôt leo rup nây sĭt ma gâp ta aơ jêh ri gâp mra nchroh n'hôr ma khân may ta aơ tanăp Yêhôva Brah Ndu he.

Yôsuê 21:3

Pônây, phung ƀon lan Israel tông tĭng nâm nau Brah Yêhôva ntăm, sŏk tâm drăp ndơn khân păng lĕ ƀon pakơi aơ jêh ri lĕ ndrêch gơ̆ văr jŭm ƀon gay ăn ma phung Lêvi.

Yôsuê 21:7

Phung kon sau Mêrari tĭng nâm ăp ndŭl mpôl khân păng, geh jât ma bar rplay ƀon bơh ndŭl mpôl Ruben, ndŭl mpôl Gat, jêh ri ndŭl mpôl Sabulôn.

Yôsuê 21:9

Phung ƀon lan Israel sŏk lĕ ƀon, geh bu răk tâm dâng aơ, bơh ndŭl mpôl Yuđa jêh ri ndŭl mpôl Simêôn gay ăn ma khân păng.