Yôsuê 21:1 - Nau Brah Ndu Ngơi 2023

¹ Rnôk nây, phung kôranh ndŭl mpôl phung Lêvi hăn ma kôranh ƀư brah Y-Êlêasar, ma Y-Yôsuê kon bu klâu Y-Nun jêh ri ma phung kôranh ndŭl mpôl ma lĕ ndŭl mpôl phung Israel,

Yôsuê 21:1 Iomraidhean Croise

Nau Ntơm 49:7

Di bu rak rtăp ma nau khân păng ji nuih, yorlah păng dŭt janh ƀai ngăn! Di bu rak rtăp ma nau khân păng ji nuih, yorlah nau nây djơh mhĭk ngăn! Gâp mra nkhah khân păng du luh tă ngih Y-Yakôb, Jêh ri mprơh khân păng bơh tâm phung ƀon lan Israel.

Nau Ngluh Êjipt 6:14

Aơ jêng kôranh ndŭl mpôl tâm lĕ noi deh ƀon lan Israel. Phung kon bu klâu Y-Ruben, kon bu klâu bôk rah Y-Israel, jêng: Y-Hanŏk, Y-Palu, Y-Hêsron, jêh ri Y-Karmi. Nây jêng ndŭl mpôl Y-Ruben.

Nau Ngluh Êjipt 6:25

Y-Êlêasar, kon bu klâu Y-Arôn, nđăp du huê tâm phung kon bu ur Y-Putiel, jêh ri deh Y-Phinêas ma păng. Aơ jêng lĕ phung kôranh ndŭl mpôl bơh noi bunuyh Y-Lêvi, tĭng ndŭl mpôl Y-Lêvi.

Nau Kơp Bunuyh 35:1

Tâm neh lâng Môap dăch dak krong Yurdan, tâm tra đah Yêrikô, Brah Yêhôva lah ma Y-Môis:

Nau Kơp Bunuyh 35:8

Lĕ ƀon toyh khân may sŏk tă bơh drăp ndơn phung ƀon lan Israel gay ăn ma phung Lêvi, ndŭl mpôl geh âk neh khân may mra sŏk âk lơn; jêh ri ndŭl mpôl geh djê̆ neh khân may mra sŏk djê̆ lơn. Ăp ndŭl mpôl mra ăn ma phung Lêvi lĕ ƀon toyh veh tĭng nâm drăp ndơn khân păng geh jêh.”

Yôsuê 14:1

Aơ jêng drăp ndơn ma phung ƀon lan Israel sŏk dơn tâm bri Kanaan, tĭng nâm kôranh ƀư brah Y-Êlêasar, Y-Yôsuê, kon bu klâu Y-Nun, jêh ri phung kôranh ndŭl mpôl tâm lĕ ndŭl mpôl phung ƀon lan Israel tâm pă jêh ma khân păng.

Yôsuê 17:4

Khân păng hăn panăp kôranh ƀư brah Y-Êlêasar, panăp Y-Yôsuê, kon bu klâu Y-Nun, jêh ri kôranh chiă uănh jêh ri lah pô aơ: “Brah Yêhôva ntăm jêh ma Y-Môis ăn ma hên du kô̆ drăp ndơn nđâp ma phung oh nâu hên.” Pônây, Y-Yôsuê tông bâr Brah Yêhôva ntăm ăn ma khân păng du kô̆ drăp ndơn tâm ban ma phung oh nâu mbơ̆ khân păng.

Yôsuê 19:51

Nĕ jêng lĕ drăp ndơn kôranh ƀư brah Y-Êlêasar, Y-Yôsuê, kon bu klâu Y-Nun, jêh ri phung kôranh ndŭl mpôl lĕ ndŭl mpôl Israel nchroh n'hôr tâm pă ta ƀon Silô, ta Ngih Bok Nau Tâm Rƀŭn Brah Yêhôva. Pônây, khân păng tâm pă bri lôch jêh.