Yôsuê 2:6 - Nau Brah Ndu Ngơi 2023

⁶ Ngăn ya, bu ur nây leo jêh khân păng hao klơ chor ngih, pôn khân păng tâm dâng mbŭch tơm mhay păng lăk klơ chor ngih.

Yôsuê 2:6 Iomraidhean Croise

II Samuel 11:2

Du mhaơ ri, Y-Đavit dâk tă bơh sưng bê̆ch păng nơm jêh ri hăn nsong pâl klơ chor ntŭk ngih hađăch. Ntơm bơh chor ngih nây, hađăch saơ du huê bu ur ueh ngăn dôl gŭ ŭm.

II Samuel 17:19

Bu ur păng sŏk ndơ nkŭm put lơi bâr ntu dak nây, jêh nây sui ba ta klơ aơ gay bu mâu gĭt ôh ma nau nây.

I Phung Hađăch 18:13

Tơlah H'Jêsêbel nkhĭt phung nơm mbơh lor Brah Yêhôva, gâp hŏ leo pôn jêh du rhiăng nuyh nơm mbơh lor Brah Yêhôva tâm bar trôm lŭ, ăp trôm prăm jât nuyh, djôt leo piăng let jêh ri dak nhêt gay siăm ma khân păng. Mâu hĕ bu nkoch nau nây ma kôranh gâp gĭt lĕ?

I Phung Hađăch 18:4

Tơlah H'Jêsêbel nkhĭt phung nơm mbơh lor Brah Yêhôva, Y-Apdia sŏk djôt du rhiăng nuyh nơm mbơh lor pôn tâm bar trôm lŭ, ăp trôm prăm jât bunuyh, sŏk piăng let jêh ri dak nhêt siăm ma khân păng).

II Phung Hađăch 11:2

Ƀiălah H'Jôsêba, kon bu ur hađăch Jôram jêh ri jêng ruh Y-Ahasia, nhŭp rdu Y-Jôas, kon Y-Ahasia, tă bơh phung kon bu klâu hađăch, bu ŭch nkhĭt, jêh nây rdu pôn păng tâm jrô bê̆ch ndrel ma bunuyh sâm mpu. Pônây bu hŏ pôn Y-Jôas ndâp măt H'Athali, jêh ri bu mâu dơi nkhĭt ôh păng.

Nau Ngluh Êjipt 2:2

Bu ur nây ntreo jêh ri deh ma du huê kon bu klâu. Saơ kon se jêng ueh, mê̆ păng djôt pôn păng tâm pe khay.

Yêrêmi 36:26

Hađăch ntrŭnh ăn ma Y-Jêrahmel, kon bu klâu Y-Hammêlek, ăn ma Y-Sêraya, kon bu klâu Y-Asriêl, jêh ri Y-Sêlêmia, kon bu klâu Y-Apdel, hăn nhŭp kôranh nchih samƀŭt Y-Baruk jêh ri nơm mbơh lor Y-Yêrêmi; ƀiălah Brah Yêhôva pôn bar hê nây.

Mathay 24:17

mbu gŭ ta klơ chor ngih, lơi trŭnh sŏk ndơ dŏng tâm ngih;

Nau Vay Nkah Tay 22:8

Lah khân may ƀư du mlâm vâl mhe, ăn khân may ƀư mâng rgong jŭm chor vâl gay lơi ăn geh bunuyh tŭp tă bơh klơ chor vâl tât geh nau tih nkhŭt mham ta vâl khân may.

Kôlôh 3:3

yorlah khân may khĭt jêh, nau rêh khân may pôn jêh ndrel ma Brah Krist tâm Brah Ndu.

ហេឞ្រើ 11:23

Yor ma nau chroh, nôk bu mhe deh ma Y-Môis, mê̆ mbơ̆ păng pôn păng tâm pe khay, yor ma saơ kon nây ueh, mâu klach ôh ma samƀŭt nau ntrŭnh bơh hađăch.

Yakơ 2:25

Tâm ban kơt nây đŏng, mâu di hĕ bu ur văng tĭr H'Rahap dơi kơp sŏng srăng tă bơh nau păng kan, nôk păng vơt rom phung mbơh jêh ri njŭn khân păng hăn sĭt trong êng?

Yôsuê 2:5

Nôk kêng măng, tơlah bu dăch nchăng mpông ƀon, phung bu klâu nây lĕ du luh, gâp mâu gĭt ôh mbah ntŭk khân păng hăn. Pônây, tĭng hom khân păng gơnh, khân may mra tĭng ban ro khân păng.”

Yôsuê 2:7

Hađăch đă phung tahan tĭng khân păng mpeh ma dak krong Yurdan tât ta ntŭk sơh. Tơlah phung tĭng luh hăn jêh, bu nchăng ro mpông ƀon.

Yôsuê 2:8

Êlor ma bar hê bunuyh n'hut uănh hăn bê̆ch, H'Rahap hao ta klơ chor ngih,

Yôsuê 6:25

Ƀiălah Y-Yôsuê prăp nau rêh ma H'Rahap bu ur văng tĭr nđâp ma ngih mbơ̆ păng jêh ri lĕ rngôch ndơ păng. Păng gŭ rêh tâm nklang phung Israel kŏ tât ta nar aơ, yorlah păng sâm pôn jêh phung mbơh bơh Y-Yôsuê đă hăn n'hut uănh Yêrikô.