Yôsuê 2:3 - Nau Brah Ndu Ngơi 2023

³ Hađăch Yêrikô đă bunuyh hăn lah ma H'Rahap: “Djôt leo hom phung bu klâu hŏ lăp jêh tâm ngih ay văch ta aơ, yorlah khân păng văch gay n'hut uănh lam n'gor aơ.”

Yôsuê 2:3 Iomraidhean Croise

Nau Ntơm 38:24

Klăp lah pe khay pakơi, bu mbơh ma Y-Yuđa: “H'Tamar ƀăn may hŏ ƀư bu ur văng tĭr, păng nkhơng ma ntreo êng đŏng.” Y-Yuđa lah: “Leo hom păng luh padih jêh ri ăn bu su păng.”

Nau Ntơm 42:31

Hên hŏ lah jêh ma păng: ‘Hên jêng bunuyh sŏng, hên mâu jêng phung n'hut ôh.

II Samuel 10:3

Ƀiălah phung kôranh chiă uănh ma phung Ammôn mbơh ma Y-Hanun, kôranh khân păng: “Hađăch mĭn lĕ ma Y-Đavit prơh jêh phung mbơh hăn tât gay bonh leng may yorlah nau păng yơk ma mbơ̆ may? Mâu di hĕ Y-Đavit prơh hăn phung oh mon păng văch ma hađăch gay ŭch sek uănh ƀon, n'hut uănh jêh ri gay ƀư rai lơi lĕ ƀon?”

II Samuel 17:20

Phung oh mon Y-Apsalôm tât ta ngih bu ur nây jêh ri ôp: “Ta ntŭk Y-Ahimas jêh ri Y-Jônathan?” Bu ur nây plơ̆ lah: “Khân păng lĕ rgăn dak n'hor jêh.” Khân păng joi ƀiălah mâu dơi saơ, pôri khân păng plơ̆ sĭt ma ƀon Yêrusalem.

I Nau Rêh Jêng 19:3

Ƀiălah phung kôranh chiă uănh ma phung Ammôn mbơh ma Y-Hanun: “May mĭn lĕ ma Y-Đavit prơh jêh phung mbơh hăn tât gay bonh leng may yorlah nau păng yơk ma mbơ̆ may? Mâu di hĕ phung oh mon păng văch ma may gay ŭch sek uănh jêh ri n'hut uănh n'gor gay ƀư rai n'gor?”

Ndrom Samƀŭt bơh Yôp 21:30

‘Tâm nar rêh ni phung ƀai dơi klaih bơh nau mhĭk tât, Jêh ri tâm nar geh nau ji nuih mâm păng dơi klaih săk jăn’?

Kan Lêvi 24:14

“Djôt leo hom nơm rak rtăp nĕ luh padih ngih bok. Đơ lĕ rngôch phung hŏ tăng jêh nau păng ngơi, ăn pah hom ti khân may ta bôk păng jêh ri ăn lĕ rngôch phung ƀon lan Israel klŭp păng ma lŭ.

Yôhan 19:4

Pilat hăn luh du tơ̆ đŏng jêh ri lah ma phung ƀon lan: “Aơ, gâp njŭn leo păng padih ma khân may, gay ma khân may gĭt gâp mâu saơ păng geh nau tih.”

Kôranh Oh Mon 12:4

Nôk nây jêng lĕ nar rƀŭn Piăng Let Mâu Geh Ndrui. Hađăch nhŭp krŭng Y-Pêtrôs tâm ndrung, păng jao ma puăn mpôl tahan tâm tơh kâp gak, jêh ri tâm nal lôch rƀŭn Nau Găn mra sŏk leo phat dôih păng tanăp phung ƀon lan.

Kôranh Oh Mon 12:6

Ƀiălah, tâm măng êlor ma hađăch Hêrôt njŭn Y-Pêtrôs ma nau phat dôih, Y-Pêtrôs bê̆ch ta nklang bar hê tahan, ti păng kât ma bar rse rvăk jêh ri geh phung tahan gak chiă panăp bôk mpông ndrung.

Yôsuê 10:23

Khân păng ƀư pônây, djôt leo prăm nuyh hađăch nây luh bơh trôm lŭ jêh ri njŭn leo văch ma păng, nĕ jêng hađăch ƀon Yêrusalem, hađăch ƀon Hêbron, hađăch ƀon Jarmut, hađăch ƀon Lakis, jêh ri hađăch ƀon Êglon.

Yôsuê 2:2

Bu mbơh ma hađăch Yêrikô pô aơ: “Hơi hađăch, măng aơ geh phung bunuyh Israel tât jêh gay hăn n'hut uănh n'gor.”

Yôsuê 2:4

Ƀiălah bu ur nây leo pôn jêh bar hê khân păng, jêh ri lah: “Ngăn khân păng hŏ tât ta ngih gâp, ƀiălah gâp mâu gĭt ôh mbah tă khân păng văch.

Phung Kôranh Phat Dôih 4:20

Păng lah tay ma bu ur nây: “Gŭ hom ta mpông ngih bok, tơlah mbu văch tât ôp pô aơ: ‘Geh bunuyh lăp ta aơ lĕ?’ ay plơ̆ lah: ‘Mâu geh ôh.’”