Yôsuê 2:16 - Nau Brah Ndu Ngơi 2023

¹⁶ Păng lah ma bar hê khân păng: “Hăn hom mpeh yôk, lơi ăn bu tĭng ban khân may. Gŭ krap hom ta nây pe nar kŏ tât nôk phung tĭng khân may lĕ plơ̆ sĭt jêh, jêh nau nây khân may hăn tĭng trong khân may nơm.”

Yôsuê 2:16 Iomraidhean Croise

Nau Mprơ Ơm 11:1

Gâp gŭ krap săk jăn ntŭk Brah Yêhôva. Mâm ƀư khân may nănh ntĭm gâp: “Hăn du hom, nâm bu sĭm mpăr sĭt tâm yôk?

Yakơ 2:25

Tâm ban kơt nây đŏng, mâu di hĕ bu ur văng tĭr H'Rahap dơi kơp sŏng srăng tă bơh nau păng kan, nôk păng vơt rom phung mbơh jêh ri njŭn khân păng hăn sĭt trong êng?

Yôsuê 2:15

Pôri bu ur nây sŏk du njăr rse brăt njŭr bar hê khân păng trŭnh ta bơh mpông bloh, yorlah ngih păng êp pĭt mpêr ƀon jêh ri păng gŭ tâm trôm mpêr ƀon.

Yôsuê 2:22

Pônây, bar hê khân păng hăn tât mpeh ma yôk, gŭ ta nây pe nar kŏ tât nôk phung tĭng ƀoi khân păng plơ̆ sĭt. Phung nây hăn joi lam lĕ rngôch trong ƀiălah mâu dơi saơ khân păng.

I Samuel 23:14

Y-Đavit gŭ tâm lĕ ntŭk nâp jăp tâm bri rdah klơ tâm n'gor dor yôk bri rdah Sip. Y-Sôl tĭng nhŭp păng ăp nar, ƀiălah Brah Ndu mâu jao păng tâm ti Y-Sôl ôh.