Yôsuê 2:14 - Nau Brah Ndu Ngơi 2023

¹⁴ Bar hê bu klâu nây plơ̆ lah: “Nau rêh hên mra ntrok ma nau rêh ay! Tơlah ay mâu mbơh ma bu kan hên, hên mra sŏk nau răp jăp jêh ri nuih n'hâm ueh ƀư ma ay nôk Brah Yêhôva ăn neh aơ ma hên.”

Yôsuê 2:14 Iomraidhean Croise

Nau Ntơm 24:49

Aƀaơ aơ, tơlah khân may ŭch mpơl nau ueh jêh ri nau nanê̆ đah kôranh gâp, ăn khân may mbơh ma gâp gĭt. Tơlah mâu dơn ăt dăn mbơh ro, gay ma gâp gĭt ndrăp.”

Nau Ntơm 47:29

Bơi dăch tât nar khĭt, Y-Israel kuăl Y-Yôsep, kon bu klâu păng jêh ri lah: “Lah may klâng gâp, ăn may dơm hom ti may tâm dâng kuang gâp, sŏk nau ueh jêh ri nau nanê̆ ngăn gay ton ma gâp lơi tâp ôh gâp tâm n'gor Êjipt.

II Samuel 2:5

Y-Đavit prơh phung mbơh hăn tât phung ƀon lan Jabes Gilêat: “Dăn ma Brah Yêhôva ăn nau ueh uĭn ma khân may, yorlah khân may hŏ mpơl jêh nuih n'hâm ueh ma Y-Sôl, kôranh khân may, jêh ri tâp păng!

II Samuel 2:6

Dăn ma Brah Yêhôva tâm mpơl nau ueh jêh ri nau răp jăp ma khân may! Bi gâp tâm ban đŏng mra ƀư ueh ma khân may, yorlah khân may hŏ ƀư jêh nau nây.

II Samuel 9:1

Rnôk nây, Y-Đavit lah: “Geh bunuyh hôm rêh lĕ bơh ngih Y-Sôl?” Gâp ŭch ƀư ueh ma păng yor tă bơh Y-Jônathan.

I Phung Hađăch 20:39

Dôl hađăch hăn rgăn, păng nter huy ma hađăch pô aơ: “Oh mon may dôl gŭ ta nklang nau tâm lơh, geh du huê bunuyh njŭn du huê bu nă jêh ri lah: ‘Sâm njrăng mât bunuyh aơ, tơlah ăn păng nchuăt klaih, nau rêh may mra ntrok nau rêh păng, mâu lah may mra ntrok pe jât kilô prăk.’

Nau Hôr 14:22

Phung tâm nchră ƀư nau mhĭk mâm mâu lĕ vĭ nhhơt? Bi ma phung ŭch mĭn ƀư nau ueh mra mâp nau ueh jêh ri nau nanê̆ ngăn.

Nau Hôr 18:24

Du huê bunuyh geh âk mĭt jiăng dơi jêng nau djơh mhĭk, Ƀiălah geh du huê mĭt jiăng dơh dăch rlau lơn ma oh nâu du ndŭl deh.

Mathay 5:7

Ueh maak ngăn ma phung geh nuih n'hâm yô̆ nđach, Yorlah mra dơn nau yô̆ nđach!

Kôranh Oh Mon 23:22

Kôranh chiă uănh ăn bu klâu ndăm nây sĭt jêh ri ntĭnh: “Lơi ăn bu gĭt lĕ nau may hŏ mbơh jêh ma gâp!”

Yôsuê 2:13

pô aơ khân may mra om ma mê̆ mbơ̆ gâp, oh nâu, oh nur gâp jêh ri lĕ rngôch phung ndrel ma khân păng dơi rêh, jêh ri tâm rklaih hên bơh nau khĭt.”

Yôsuê 2:15

Pôri bu ur nây sŏk du njăr rse brăt njŭr bar hê khân păng trŭnh ta bơh mpông bloh, yorlah ngih păng êp pĭt mpêr ƀon jêh ri păng gŭ tâm trôm mpêr ƀon.

Yôsuê 6:17

Ƀon jêh ri lĕ rngôch ndơ tâm ƀon jêng ndơ prăp ma Brah Yêhôva ƀư rai lơi. Knŏng du huê H'Rahap bu ur văng tĭr jêh ri lĕ rngôch phung gŭ tâm ngih ndrel ma păng mra dơi rêh, yorlah păng hŏ sâm pôn an jêh phung mbơh bơh he hŏ đă hăn.

Yôsuê 6:22

Rnôk nây, Y-Yôsuê lah ma bar hê hăn n'hut uănh jêh bri: “Lăp hom tâm ngih bu ur văng tĭr, djôt leo bu ur nây jêh ri lĕ rngôch bunuyh păng hăn luh bơh ngih păng, tĭng nâm khân may ton jêh ma păng.”

Yôsuê 6:25

Ƀiălah Y-Yôsuê prăp nau rêh ma H'Rahap bu ur văng tĭr nđâp ma ngih mbơ̆ păng jêh ri lĕ rngôch ndơ păng. Păng gŭ rêh tâm nklang phung Israel kŏ tât ta nar aơ, yorlah păng sâm pôn jêh phung mbơh bơh Y-Yôsuê đă hăn n'hut uănh Yêrikô.

I Samuel 20:8

Pônây, mpơl hom nau ueh ma oh mon may, yorlah may hŏ sŏk amoh Brah Yêhôva gay ƀư tâm rnglăp đah oh mon may. Tơlah moh nau tih geh tâm gâp, ăn may nơm nkhĭt hom gâp, ƀiălah mâm ƀư may njŭn leo gâp tât ma mbơ̆ may?”