Yôsuê 2:11 - Nau Brah Ndu Ngơi 2023

¹¹ Tơlah hên tăng jêh nau nây nuih n'hâm hên uh ah, tâm phung hên mâu hôm geh nơm nâp tanăp khân may; yorlah Yêhôva Brah Ndu khân may jêng Brah Ndu nơm gŭ klơ trôk dŭt prêh jêh ri gŭ tâm dâng neh aơ.

Yôsuê 2:11 Iomraidhean Croise

I Phung Hađăch 8:60

gay ăn lĕ rngôch ntil mpôl bunuyh ta klơ neh gĭt ma Brah Yêhôva jêng Brah Ndu, mâu hôm geh brah êng ôh.

II Phung Hađăch 5:15

Y-Naaman ndrel ma lĕ phung hăn tĭng păng plơ̆ tay tâm mâp đah bunuyh Brah Ndu. Păng tât dâk panăp Y-Êlisê jêh ri lah: “Aƀaơ aơ, gâp gĭt năl lam klơ neh ntu, mâu geh ôh brah êng rlau lơn Brah Ndu phung Israel. Pônây, dăn ma may sŏk dơn hom ndơ nhhơr aơ bơh oh mon may.”

Nêhêmi 6:16

Tơlah lĕ rngôch phung rlăng jêh ri lĕ ntil mpôl bunuyh êng gŭ jŭm hên, khân păng gĭt nau nây, pôri geh nau klach da dê jêh ri geh nau rdja nuih n'hâm yorlah khân păng gĭt saơ ma kan aơ dơi jêng yor tă Brah Ndu hên kâp kơl.

Êsther 8:17

Tâm ăp n'gor, tâm ăp rplay ƀon, ta ntŭk geh jêh nau ntăm jêh ri samƀŭt nau ntrŭnh bơh hađăch lĕ tât, pôri phung Yuđa răm maak jêh ri hâk răm ngăn, du nau nhêt sông toyh jêh ri sông sa tâm nau răm maak. Geh âk bunuyh tâm phung ntil mpôl bunuyh êng tâm n'gor chroh đŏng tĭng nâm phung Yuđa, yorlah khân păng klach krit ngăn ma phung Yuđa.

Nau Mprơ Ơm 102:15

Rnôk aơ mpôl băl bunuyh mra klach yơk ma amoh Brah Yêhôva, Jêh ri lĕ rngôch phung hađăch tâm neh ntu mra klach yơk ma nau chrêk rmah Păng.

Nau Mprơ Ơm 22:14

Gâp bu nkhŭt lơi nâm bu dak, Jêh ri nting gâp lêt rgănh da dê; Play nuih gâp nâm bu mpêt Lêk tâm săk jăn gâp.

Nau Mprơ Ơm 58:7

Ăn khân păng jêng roh rai nâm bu dak hoch! Tơlah khân păng van na, ăn hăr khân păng lĕ ƀâl jêh!

Nau Mprơ Ơm 83:18

Gay ma khân păng gĭt pô aơ jêng knŏng du huê May Nơm yơh, Amoh May jêng Brah Yêhôva, Jêng Nơm Dŭt Prêh chiă uănh tâm lam neh ntu.

Nau Ngluh Êjipt 15:14

Lĕ phung ƀon lan tăng jêh nau nây klach râm sâr da dê, Nau klach krit lăp tâm phung Philistin.

Nau Ngluh Êjipt 15:15

Phung kôranh n'gor Êđôm geh nau rŭng răng; Phung nanh janh n'gor Môap râm sâr; Lĕ rngôch phung Kanaan krit kir da dê.

Êsai 13:7

Yor nây, lĕ rngôch ti huơi ngăn da dê Nuih n'hâm ăp nơm mra rai da dê.

Êsai 19:1

Nau mbơh lor ma Êjipt: “Aơ, Brah Yêhôva ncho ta klơ ndâr tŭk, Ngăch tât ta Êjipt. Phung rup brah bri Êjipt râm sâr da dê tanăp Păng, Nuih n'hâm phung Êjipt klach krit.

Êsêkiêl 21:15

Păng mplanh gay ma sreh nkhĭt; păng chrêk ral nâm bu lơp nglaih. He dơi maak răm lĕ? Mâng jra kon bu klâu Gâp tâm rmot đah lĕ rngôch mâng jra êng.

Nahum 2:10

Khân păng lĕ bu ƀư rai jêh ri sŏk pit lĕ bhiau! Nuih n'hâm khân păng huăr huơi da dê, kômâk râm sâr; Ndŭr kơi ji hâu ngăn, Muh măt lĕ brâp.

Nau Vay Nkah Tay 1:28

Ta ntŭk he mra hăn? Phung oh nâu he đă hăn gay n'hut uănh n'gor, khăn păng hŏ ƀư rdja nuih n'hâm he, dôl khân păng lah: Phung ƀon lan nây jêng dăng ktang ngăn jêh ri juat lơn ma he. Lĕ ƀon toyh khân păng dĭ toyh, bât pêr nâp prêh tât ta trôk. Rlau ma nây hên saơ phung kon sau phung ƀon lan Anakim gŭ ta nây đŏng.’

Nau Vay Nkah Tay 20:8

Phung kôranh chiă uănh lah tay ma phung ƀon lan: ‘Mbu nơm klach jêh ri n'hŭng? Ăn păng plơ̆ sĭt ta ngih păng, lah mâu klăp lah bunuyh nây mra ƀư ma băl păng rdja nuih n'hâm tâm ban ma păng.’

Nau Vay Nkah Tay 4:39

Pôri nar aơ ăn khân may gĭt jêh ri djôt prăp hom tâm nuih n'hâm khân may pô aơ, tâm trôk ta klơ jêh ri ta neh ntu tâm dâng, Brah Yêhôva jêng Brah Ndu, mâu hôm geh nơm êng ôh.

Yôsuê 14:8

Ƀiălah phung oh nâu gâp hăn hao ndrel ma gâp ƀư rdja nuih n'hâm ma phung ƀon lan, bi gâp răp jăp hăn tĭng jêh Yêhôva Brah Ndu gâp.

Yôsuê 2:24

Khân păng lah ma Y-Yôsuê: “Nanê̆ ngăn, Brah Yêhôva jao jêh lĕ n'gor nây tâm ti he; lĕ rngôch phung gŭ tâm n'gor nây rdja nuih n'hâm da dê tanăp măt phung he.”

Yôsuê 5:1

Lah lĕ rngôch phung hađăch Amôrit gŭ đah ri dak krong Yurdan mpeh nhâp nar, jêh ri lĕ rngôch phung hađăch Kanaan gŭ dăch dak mƀŭt tăng nau Brah Yêhôva hŏ ƀư jêh ma dak krong Yurdan suăt kroh tanăp phung ƀon lan Israel kŏ tât hăn rgăn lăn jêh, pôri khân păng rdja nuih n'hâm jêh ri mâu hôm blau mĭn ôh gay tâm rdâng đah phung ƀon lan Israel.

Yôsuê 7:5

Phung Ai nkhĭt klăp lah pe jât ma prao bunuyh, tĭng rgot khân păng ntơm bơh mpông ƀon tât ma Sêbarim, jêh ri lơh dôl khân păng nchuăt jŭr sop. Nuih n'hâm phung ƀon lan lĕ nchah rai nâm bu dak.

Yôsuê 9:24

Khân păng plơ̆ lah ma Y-Yôsuê: “Yorlah phung oh mon may gĭt nanê̆ ngăn Yêhôva Brah Ndu khân may ntăm jêh ma Y-Môis, oh mon Păng, ăn lĕ n'gor aơ ma khân may, jêh ri ƀư rai lĕ rngôch bunuyh gŭ tâm bri nây. Yor nây, hên klach khân may khĭt nau rêh hên rĭ dĭng hên ƀư nâm pônây.

Nau Tâm Mpơl 6:16

Khân păng lah ma yôk jêh ri ma lŭ toyh pô aơ: “Tŭp hom ta hên jêh ri pôn hên bơh muh măt Nơm gŭ ta sưng hađăch jêh ri bơh nau ji nuih Kon Biăp;