Yôsuê 2:10 - Nau Brah Ndu Ngơi 2023

¹⁰ Yorlah hên tăng jêh nôk khân may du luh bơh n'gor bri Êjipt, Brah Yêhôva hŏ ƀư jêh Dak Mƀŭt Chăng suăt lơi ta tra năp khân may, jêh ri hên tăng đŏng nau khân may hŏ ƀư jêh ma Y-Sihôn jêh ri Y-Ôk, bar hê hađăch phung Amôrit, gŭ ta đah ri dak krong Yurdan, khân may ƀư rai lĕ.

Yôsuê 2:10 Iomraidhean Croise

Nau Mprơ Ơm 74:15

May ăn n'hor dak jêh ri tu dak luh dak, Jêh ri ƀư ma lĕ dak krong toyh mra suăt sơh.

Nau Kơp Bunuyh 20:14

Tă bơh Kadês, Y-Môis prơh phung mbơh hăn tâm mâp đah hađăch n'gor Êđôm, lah pô aơ: “Israel jêng oh hađăch, păng lah: Hađăch gĭt jêh lĕ nau rêh ni hŏ tât ma hên

Nau Kơp Bunuyh 23:22

Brah Ndu hŏ njŭn leo phung ƀon lan nây luh bơh n'gor Êjipt; Khân păng geh nau ktang nâm ndrôk bri.

Nau Kơp Bunuyh 24:8

Brah Ndu hŏ njŭn jêh khân păng luh bơh n'gor Êjipt; Khân păng geh nau ktang nâm ndrôk bri, Mra rvăn lĕ bri dak rlăng ma khân păng, Nkê̆ch lơi jêh nting khân păng jêng âk gâl, Jêh ri pănh ma hăr ƀư rai khân păng.

Nau Vay Nkah Tay 2:30

Ƀiălah Y-Sihôn hađăch ƀon Hêsbôn, mâu ŭch ăn ôh hên rgăn nkual neh hađăch nây. Yorlah Yêhôva Brah Ndu khân may ƀư nau mĭn hađăch brơl, nuih n'hâm dăng ko, gay jao hađăch nĕ tâm ti khân may nâm bu nar aơ khân may hŏ saơ jêh.

Yôsuê 24:12

Gâp njuăl ong bôk kla panăp khân may mprơh bar hê hađăch phung Amôrit luh bơh khân may; nây mâu di ma đao mâu lah ma na khân may ôh.

Yôsuê 4:24

Pônây, lĕ rngôch phung bunuyh ta neh ntu dơi gĭt mpang ti nau dơi Brah Yêhôva, jêh ri khân may tâm ban đŏng klach yơk ma Yêhôva Brah Ndu khân may ƀaƀơ.”

Yôsuê 5:1

Lah lĕ rngôch phung hađăch Amôrit gŭ đah ri dak krong Yurdan mpeh nhâp nar, jêh ri lĕ rngôch phung hađăch Kanaan gŭ dăch dak mƀŭt tăng nau Brah Yêhôva hŏ ƀư jêh ma dak krong Yurdan suăt kroh tanăp phung ƀon lan Israel kŏ tât hăn rgăn lăn jêh, pôri khân păng rdja nuih n'hâm jêh ri mâu hôm blau mĭn ôh gay tâm rdâng đah phung ƀon lan Israel.

Yôsuê 9:10

hŏ tăng jêh lĕ nau Păng hŏ ƀư ma bar hê hađăch phung Amôrit gŭ đah ri dak krong Yurdan, jêng Y-Sihôn, hađăch Hêsbôn, jêh ri Y-Ôk, hađăch bri Basan gŭ ta Astarôt.