Yôsuê 19:51 - Nau Brah Ndu Ngơi 2023

⁵¹ Nĕ jêng lĕ drăp ndơn kôranh ƀư brah Y-Êlêasar, Y-Yôsuê, kon bu klâu Y-Nun, jêh ri phung kôranh ndŭl mpôl lĕ ndŭl mpôl Israel nchroh n'hôr tâm pă ta ƀon Silô, ta Ngih Bok Nau Tâm Rƀŭn Brah Yêhôva. Pônây, khân păng tâm pă bri lôch jêh.

Yôsuê 19:51 Iomraidhean Croise

Nau Ntơm 49:10

Mâng jra hađăch mâu mra ngai ôh bơh Y-Yuđa, Mâng jra chiă uănh mâu ngai bơh jâng păng, Kŏ tât nôk Nơm Silô văch, Jêh ri phung ƀon lan tông bâr Nơm nây.

Nau Mprơ Ơm 78:60

Păng chalơi ngih bok ta ƀon Silô Nây jêng ngih bok, ntŭk Păng gŭ ta nklang bunuyh;

Mathay 20:23

Păng lah ma khân păng: “Khân may mra nhêt kachok Gâp; ƀiălah nau dơi gŭ pa ma mâu lah pa chiau Gâp, mâu di Gâp nơm ăn nau nây. Tâm ntŭk nây prăp ma mbu nơm Mbơ̆ Gâp ndrăp lor jêh.”

Mathay 25:34

Nôk nây, Hađăch mra lah ma phung mpeh pa ma pô aơ: ‘Hơi phung Mbơ̆ Gâp ăn nau ueh uĭn, văch hom dơn ƀon bri hađăch klơ trôk ndrăp nkra jêh ăn ma khân may ntơm bơh rhăk njêng neh ntu.

Yôhan 17:2

Yorlah Mbơ̆ hŏ ăn jêh ma Kon nau dơi lơn lĕ rngôch nglay săk, gay ăn nau rêh n'ho ro ma lĕ rngôch đơ phung Mbơ̆ ăn jêh ma Kon.

Kôranh Oh Mon 13:19

Jêh ƀư rai pơh phung mpôl băl tâm n'gor Kanaan, Păng ăn n'gor nây ma khân păng

Yôsuê 14:1

Aơ jêng drăp ndơn ma phung ƀon lan Israel sŏk dơn tâm bri Kanaan, tĭng nâm kôranh ƀư brah Y-Êlêasar, Y-Yôsuê, kon bu klâu Y-Nun, jêh ri phung kôranh ndŭl mpôl tâm lĕ ndŭl mpôl phung ƀon lan Israel tâm pă jêh ma khân păng.

Yôsuê 18:1

Lĕ rngôch phung Israel tâm rƀŭn rgum ta ƀon Silô jêh ri ndâk Ngih Bok Nau Tâm Rƀŭn ta nây. Lĕ n'gor bri gŭ tâm dâng nau dơi chiă uănh khân păng.

Yôsuê 18:10

Y-Yôsuê nchroh n'hôr ma khân păng tâm ƀon Silô tanăp Brah Yêhôva jêh ri ta aơ Y-Yôsuê tâm pă bri ma phung ƀon lan Israel tĭng nâm lĕ ndŭl mpôl khân păng.

Yôsuê 20:1

Brah Yêhôva lah ma Y-Yôsuê:

Phung Kôranh Phat Dôih 21:19

Yor ri, khân păng lah: “Aơ, ăp năm geh ƀư du nau rƀŭn ma Brah Yêhôva ta Silô, mpeh dor Bêthel, mpeh luh nar ta trong hăn bơh Bêthel tât ta Sichem jêh ri mpeh rđŭng Lêbôna.”

Phung Kôranh Phat Dôih 21:21

jêh ri dôl uănh tơlah phung kon bu ur Silô luh hăn pâl ntalơ̆ ma ndrăng khân păng, nôk nây khân may nchuăt luh bơh lĕ đang krăk ƀâu, ăp nơm tâm khân may sŏk du huê ur bơh phung kon bu ur tâm phung bu ur druh ndăm Silô, jêh nây hăn rlet ma n'gor Benjamin.

I Samuel 1:3

Ăp năm, Y-Êlkana luh tă bơh ƀon păng hăn hao ma ƀon Silô gay yơk mbah jêh ri nhhơr mpa ƀư brah ma Brah Yêhôva ma phung tahan ta Silô, ntŭk geh bar hê kon bu klâu Y-Êli, amoh Y-Hôphni jêh ri Y-Phinêas, jêng kôranh ƀư brah ma Brah Yêhôva.