Yôsuê 19:10 - Nau Brah Ndu Ngơi 2023

¹⁰ Phung kon sau Y-Sabulôn nchroh n'hôr dơi geh kô̆ neh tal pe tĭng nâm ăp rnăk vâl khân păng. N'har bri khân păng hăn tât ta Sarit.

Yôsuê 19:10 Iomraidhean Croise

Nau Ntơm 35:23

Y-Yakôb geh jât ma bar nuyh kon bu klâu. Phung kon bu klâu H'Lêa jêng Y-Ruben, kon bu klâu dak bôk ma Y-Yakôb, ri mơ tât Y-Simêôn, Y-Lêvi, Y-Yuđa, Y-Isakar, jêh ri Y-Sabulôn.

Nau Ntơm 49:13

Y-Sabulôn mra rêh ta kơh dak mƀŭt, Ntŭk nde krap ma phung kumpăn; N'har bri păng mra tât mpeh ma Sidôn.

Êsêkiêl 48:26

Mbot đah neh Isakar, ntơh bơh luh nar tât nhâp nar, jêng kô̆ neh prăp ăn ma phung Sabulôn.

Yôsuê 18:11

Ndŭl mpôl bơh phung kon sau Y-Benjamin nchroh n'hôr tĭng nâm ăp rnăk vâl khân păng jêh ri n'gor neh khân păng nchroh n'hôr di vah vang ndŭl mpôl phung Yuđa jêh ri ndŭl mpôl phung Yôsep.

Yôsuê 18:6

Pônây, khân may nchih hom rup neh tâm pơh kô̆ neh jêh ri djôt leo rup nây sĭt ma gâp ta aơ jêh ri gâp mra nchroh n'hôr ma khân may ta aơ tanăp Yêhôva Brah Ndu he.

Yôsuê 19:11

N'har nây hăn hao rlet nhâp nar mpeh ma Marêal, tât ma Dabêset, jêh nây tât ma dak n'hor tham Jôknêam.

Yôsuê 19:9

“Drăp ndơn phung kon sau Y-Simêôn dơn sŏk bơh kô̆ neh phung Yuđa, yorlah kô̆ neh phung kon sau Y-Yuđa jêng toyh huy ngăn. Pônây, phung kon sau Y-Simêôn dơn sŏk drăp ndơn ta nklang kô̆ neh phung kon sau Y-Yuđa.