Yôsuê 18:7 - Nau Brah Ndu Ngơi 2023

⁷ Ƀiălah bu mâu pă ôh neh ma phung Lêvi ndrel ma khân may, yorlah nau kan kôranh ƀư brah ma Brah Yêhôva jêng kô̆ drăp ndơn ma khân păng. Bi phung Gat, phung Ruben jêh ri du n'gul ndŭl mpôl Manasê hŏ dơn sŏk jêh kô̆ drăp ndơn bơh Y-Môis, oh mon Brah Yêhôva, ăn jêh ma khân păng ta kơh đah ri dak krong Yurdan mpeh luh nar.”

Yôsuê 18:7 Iomraidhean Croise

Nau Kơp Bunuyh 18:20

Brah Yêhôva lah ma Y-Arôn: “May mâu mra geh drăp ndơn ôh tâm n'gor nây jêh ri đŏng mâu geh moh kô̆ ta nklang phung ƀon lan nây; Gâp nơm jêng kô̆ prăp ma may jêh ri jêng drăp ndơn may ta nklang phung ƀon lan Israel.

Nau Kơp Bunuyh 18:23

Ƀiălah phung Lêvi mra pah kan tâm Ngih Bok Nau Tâm Rƀŭn jêh ri khân păng mra anh nau tih khân păng. Khân păng mâu mra geh drăp ndơn ôh ta nklang phung ƀon lan Israel. Nĕ jêng du nau vay dăp n'ho ro tâm lĕ rngôch rô̆.

Nau Kơp Bunuyh 18:7

Ƀiălah may jêh ri phung kon bu klâu may njrăng pah kan kôranh ƀư brah khân may ma lĕ rngôch nau di ma nơng ƀư brah jêh ri ndơ tâm trôm bok nching. Gâp ăn ma may ƀư nau pah kan kôranh ƀư brah nâm bu du ndơ ăn. Bunuyh êng văch dăch pah kan nây bu mra nkhĭt păng.”

Nau Vay Nkah Tay 10:9

Yor ri, ndŭl mpôl Lêvi mâu dơi pă ôh du kô̆ neh jêng drăp ndơn tâm ban ma ndŭl mpôl khân may, yorlah Brah Yêhôva jêng drăp ndơn khân păng, tĭng nâm nau Yêhôva Brah Ndu lah jêh ma khân păng.

Yôsuê 12:6

Y-Môis, oh mon Brah Yêhôva, jêh ri phung ƀon lan Israel hŏ dơi đah khân păng jêh. Y-Môis, oh mon Brah Yêhôva, ăn neh nây ma phung Ruben, phung Gat, jêh ri du n'gul ndŭl mpôl Manasê jêng drăp ndơn.

Yôsuê 13:33

Ƀiălah Y-Môis mâu ăn drăp ndơn ma ndŭl mpôl Lêvi, yorlah Yêhôva Brah Ndu Israel jêng drăp ndơn ma khân păng, di nâm nau Păng lah jêh ma khân păng.