Yôsuê 16:10 - Nau Brah Ndu Ngơi 2023

¹⁰ Ƀiălah, khân păng mâu mprơh ôh phung Kanaan gŭ tâm ƀon Gêser, pônây phung Kanaan gŭ ta nklang phung Êphraim kŏ tât ta nar aơ, ƀiălah bu phak khân păng pah kan tâm ban ma dĭk.

Yôsuê 16:10 Iomraidhean Croise

I Phung Hađăch 9:15

Hađăch Salômôn hŏ rgum jêh phung pah kan jâk gay ndâk ngih Brah Yêhôva jêh ri ngih hađăch păng nơm, nau kan ndâk ƀon Milô, mpêr ƀon Yêrusalem, Hasôr, Mêgidô, jêh ri Gêser.

I Phung Hađăch 9:16

(Gêser ơm jêng du mlâm ƀon tâm phung Kanaan, Pharaôn, hađăch phung Êjipt, hăn hao lơh pit sŏk ƀon nây, su ma ŭnh jêh ri nkhĭt phung Kanaan gŭ tâm ƀon nây, jêh nây ăn ƀon nây jêng drăp rvăt ma kon bu ur păng nơm, jêng ur Y-Salômôn.)

I Phung Hađăch 9:21

jêng phung kon sau khân păng hôm e gŭ tâm n'gor, phung ƀon lan Israel mâu dơi ƀư rai lĕ ôh, pôri Y-Salômôn nhŭp khân păng pah kan jâk tât nar aơ.

II Nau Rêh Jêng 8:8

nâm bu ntĭt jêng phung kon sau khân păng hôm e gŭ tâm n'gor, phung nây phung ƀon lan Israel mâu ƀư rai lĕ ôh, Y-Salômôn nhŭp khân păng, ăn jêng dĭk n'ho tât nar aơ.

Yôsuê 10:33

Rnôk nây, Y-Hôram, hađăch ƀon Gêser, hăn hao ŭch kơl ma Lakis, ƀiălah Y-Yôsuê lơh hađăch nĕ jêh ri phung tahan păng, mâu om du huê hôm gŭ rêh.

Yôsuê 15:63

Phung Yuđa mâu dơi mprơh ôh phung Jêbusit gŭ tâm Yêrusalem. Pônây phung Jêbusit hôm gŭ ndrel ma phung ƀon lan Yuđa ta Yêrusalem kŏ tât ta nar aơ.

Yôsuê 16:9

Padih ƀon toyh jêh ri ƀon jê̆ nây, phung Êphraim geh đŏng ƀon prăp êng ma khân păng tâm drăp ndơn phung Manasê.

Yôsuê 17:12

Ƀiălah, phung kon sau Y-Manasê mâu dơi pit sŏk ôh lĕ rngôch ƀon nây, yor ri phung Kanaan ăt gŭ tâm bri nây.

Yôsuê 17:13

Ƀiălah phung ƀon lan Israel jêng dăng ktang jêh, khân păng phak phung Kanaan pah kan jêh ri mâu mprơh khân păng ôh.

Phung Kôranh Phat Dôih 1:29

Ndŭl mpôl Êphraim ăt mâu mprơh ôh phung Kanaan gŭ tâm ƀon Gêser, pôri phung Kanaan ăt gŭ tâm ƀon Gêser n'hanh khân păng.