Yôsuê 15:7 - Nau Brah Ndu Ngơi 2023

⁷ N'har nây hao tât ma Dêbir, ntơm bơh rlŭng Akôr hăn tât ma mpeh pa lơ, ndăch mpeh Gilgal, tâm tham sop Adumim mpeh pa dâng tâm rlŭng; jêh nây hăn ƀoi tu dak Ên-Sêmes jêh ri tât Ên-Rôgel.

Yôsuê 15:7 Iomraidhean Croise

II Samuel 17:17

Y-Jônathan jêh ri Y-Ahimas gŭ kâp ma nau mhe ta Ên-Rôgel, khân păng mâu hăn lăp tâm ƀon yorlah klach bu saơ. Du huê oh mon bu ur hăn văch mbơh ma bar hê ăn khân păng gay khân păng mbơh tay ma hađăch Đavit.

I Phung Hađăch 1:9

Y-Adônija nhhơr mpa ƀư brah ma biăp, ndrôk, jêh ri mpô mpa lay êp ta meng lŭ Sôhêlet, dăch dak n'hor Ên-Rôgel. Păng jă lĕ rngôch phung oh nâu păng jêng phung kon bu klâu hađăch, jêh ri lĕ rngôch phung kôranh Yuđa pah kan tâm ngih hađăch hăn tât râng ndrel.

Êsai 65:10

Ma phung ƀon lan Gâp, phung tĭng joi jêh Gâp, Sarôn mra jêng ntŭk ndrêch gơ̆ ma phung biăp, Jêh ri rlŭng Akôr mra jêng ntŭk rlu ma phung ndrôk kuen.

Ndrom Samƀŭt bơh Ôsê 2:5

Ngăn yơh, mê̆ khân păng văng tĭr, Bunuyh ntreo ma khân păng hŏ ƀư jêh nau prêng. Yorlah păng lah: ‘Gâp mra hăn tĭng phung rŏng gâp; Khân păng mra ăn ƀănh, dak, rsau biăp, brai mhay, Dak ngi jêh ri ndơ nhêt.’

Yôsuê 10:43

Jêh nau nây, Y-Yôsuê jêh ri lĕ rngôch phung Israel plơ̆ sĭt ma pôih tahan ta Gilgal.

Yôsuê 15:15

Ntơm bơh nây păng hăn hao lơh ma phung ƀon lan gŭ tâm ƀon Dêbir. Dêbir kăl e ri rnha Kiriat-Sêpher.

Yôsuê 15:6

hao tât ma Bet-Hôgla, rgăn mpeh pa lơ Bet-Araba, jêh ri hao tât ta lŭ Y-Bôhan, kon bu klâu Y-Ruben.

Yôsuê 18:17

Jêh nây, n'har ndăch jŭm mpeh pa lơ tât ta Ên-Sêmes; ntơm bơh nây hăn sŏng tât ta Gêlilôt, tâm tham sop Adumim, păng hăn jŭr ta lŭ Y-Bôhan (Y-Bôhan jêng kon bu klâu Y-Ruben)

Yôsuê 4:19

Lơ jât khay nguay, phung ƀon lan luh tă bơh dak krong Yurdan jêh ri ƀư rmlak ta Gilgal, ta nglĕ dŭt mpeh luh nar Yêrikô.

Yôsuê 7:24

Rnôk nây, Y-Yôsuê jêh ri lĕ rngôch phung Israel nhŭp Y-Akan, kon sau Y-Sêra, nđâp ma prăk, blah ao rjai, rplay mah, phung kon bu klâu, phung kon bu ur păng, ndrôk, seh bri, biăp, rmlak, jêh ri lĕ rngôch ndô ndơ păng geh, jêh nây khân păng djôt leo lĕ ndô ndơ nây tât ta rlŭng Akôr.

Yôsuê 7:26

Jêh nĕ, khân păng bun du mbŭch lŭ toyh ta klơ Y-Akan, ăt hôm kŏ tât ta nar aơ. Brah Yêhôva lĕ bah jêh nau ji nuih. Yor ri, bu ntơ ntŭk nây jêng rlŭng Akôr kŏ tât ta nar aơ.