Yôsuê 15:4 - Nau Brah Ndu Ngơi 2023

⁴ hăn rgăn mpeh Asmôn, lăp tâm Dak N'hor Êjipt jêh ri hăn tât ta lôch dak mƀŭt. Nây mra jêng n'har mpeh pa dâng khân may.

Yôsuê 15:4 Iomraidhean Croise

Nau Ntơm 15:18

Tâm nar nây, Brah Yêhôva ƀư nau tâm rnglăp đah Y-Abram pô aơ: “Gâp ăn noi deh may bri aơ, ntơm bơh dak krong Êjipt tât ta dak krong toyh ri, jêng dak krong Ơphrat,

I Phung Hađăch 8:65

Tâm nôk nây, Y-Salômôn jêh ri lĕ rngôch phung ƀon lan Israel ndrel ma păng râng rƀŭn tra năp măt Yêhôva jêng Brah Ndu he tâm pơh nar, jêh nây ntop pơh nar đŏng, pôri geh lĕ rngôch jêng jât puăn nar. Nây jêng du phung tâm rƀŭn dŭt âk râk ntơm bơh n'har ƀon Hamat ma tât n'hor dak Êjipt.

Nau Ngluh Êjipt 23:31

Gâp mra ƀư n'har bri kon ntơm bơh Dak Mƀŭt Chăng tât ta dak mƀŭt Philistin, ntơm bơh bri rdah tât ta dak krong toyh; yorlah Gâp mra jao lĕ phung bunuyh ta n'gor nây tâm ti kon, jêh ri kon mra mprơh khân păng mâu hôm saơ ta măt kon.

Êsai 27:12

Jêh nây mra tât nar Brah Yêhôva mra mbang ba ntơm bơh Dak Krong Me tât ta dak n'hor bri Êjipt; ơ phung ƀon lan Israel, khân may mra dônh tĭng du huê du huê!

Nau Kơp Bunuyh 34:5

N'har mra ndăch ntơm bơh Asmôn tât ta dak n'hor Êjipt jêh ri lôch ta dak mƀŭt.

Yôsuê 13:3

ntơm bơh dak krong Sihôr tâm tham đah Êjipt kŏ tât ta n'har neh Êkron mpeh pa lơ, bri nây bu kơp jêng bri phung Kanaan (prăm nuyh hađăch phung Philistin jêng hađăch ƀon Gaxa, ƀon Asdôt, ƀon Askalôn, ƀon Gat, jêh ri ƀon Êkron). N'gor neh phung Avim

Yôsuê 15:3

jêh ri ntơm bơh sop Akrabim trŭnh mpeh pa dâng, hăn rgăn bri rdah Sin, hao mpeh pa dâng Kadês Barnê, hăn rgăn Hêsron, hao tât ta mpeh Adar, ndăch rgăn mpeh Karka,

Yôsuê 15:47

Asdôt, lĕ ƀon toyh jêh ri ƀon jê̆ păng, Gaxa, lĕ ƀon toyh jêh ri ƀon jê̆ păng, tât ta dak n'hor Êjipt jêh ri ta kơh Dak Mƀŭt Toyh.