Yôsuê 15:11 - Nau Brah Ndu Ngơi 2023

¹¹ N'har nây thoi tât dor yôk mpeh pa lơ Êkron jêh ri ndăch jŭm tât ma Sikêron, hăn rgăn yôk Balah, hăn sŏng tât ma Japnel, jêh ri lôch ta dak mƀŭt.

Yôsuê 15:11 Iomraidhean Croise

II Phung Hađăch 1:16

Păng lah ma hađăch: “Brah Yêhôva lah kơt aơ: ‘Di lĕ tâm phung Israel mâu geh hĕ Brah Ndu gay ôp, mâm ƀư may prơh phung mbơh hăn ôp ma Baal-Sêbup, brah ƀon Êkron? Yor ri, may mâu mra dâk ôh tă bơh sưng may bê̆ch nây, yorlah may nanê̆ ngăn mra khĭt.’”

II Phung Hađăch 1:6

Khân păng plơ̆ lah: “Geh du huê bunuyh hăn hao, tâm mâp đah hên jêh ri lah: ‘Plơ̆ sĭt hom ma hađăch nơm hŏ prơh khân may hăn jêh ri lah ma hađăch pô aơ Brah Yêhôva lah: Tâm phung Israel mâu hĕ geh Brah Ndu kŏ tât may prơh nơm mbơh hăn ôp ma Baal-Sêbup, brah ƀon Êkron? Yor ri, may mâu mra dâk ôh tă bơh sưng may bê̆ch nây, ƀiălah nanê̆ ngăn may mra khĭt.’”

II Nau Rêh Jêng 26:6

Păng jă phung tahan hăn tâm lơh đah phung tahan Philistin, jêh ri lơh rlâm lĕ mpêr ƀon Gat, Japnê jêh ri mpêr Asdôt. Hađăch rdâk âk play ƀon tâm neh bri Asdôt jêh ri tâm bri Philistin.

Nau Kơp Bunuyh 34:6

Ta n'har mpeh nhâp nar mra geh Dak Mƀŭt Toyh. Nây jêng n'har mpeh nhâp nar khân may.

Yôsuê 15:10

N'har hăn ndăch jŭm bơh Baala rgăn mpeh nhâp nar tât ta yôk Sêir, jêh nây ndăch jŭm tĭng dor yôk mpeh pa lơ yôk Jêrim, jêng Chêsalon, jêh ri hăn trŭnh tât ta Bet-Sêmes jêh ri rgăn Timna.

Yôsuê 15:12

Bi n'har mpeh nhâp nar jêng kơh Dak Mƀŭt Toyh. Nây jêng n'har văr jŭm phung kon sau Y-Yuđa, tĭng nâm ăp rnăk vâl khân păng.

Yôsuê 15:45

Êkron, ndrel ma ƀon toyh jêh ri ƀon jê̆ khân păng;

Yôsuê 15:9

N'har hăn bơh n'gơn yôk tât ma dak n'hor Nêptôa, jêh ri jong tât ta lĕ ƀon tâm yôk Ephrôn; jêh ri hăn trŭnh tât ma aơ jêng Baala, jêng Kiriat-Jêarim.

Phung Kôranh Phat Dôih 1:18

Ndŭl mpôl Yuđa pit sŏk đŏng ƀon Gaxa jêh ri lĕ n'gor jŭm păng, ƀon Askalôn jêh ri Êkron jêh ri n'gor jŭm păng.

I Samuel 17:52

Nôk nây, phung ƀon lan Israel jêh ri Yuđa dâk ma nau troh nter jêh ri hăn tĭng phung tahan Philistin tât ta ƀon Gat jêh ri bôk mpông ƀon Êkron. Săk jăn phung tahan Philistin cha lôt khĭt rŏ trong ntơm bơh Saraim tât Gat jêh ri Êkron.

I Samuel 5:10

Nôk nây, khân păng njuăl Hip Nau Tâm Rnglăp Brah Ndu tât ta Êkron. Tơlah Hip Nau Tâm Rnglăp tât jêh ta Êkron, phung ƀon lan Êkron lŭng nter huy pô aơ: “Khân păng leo nglăp jêh Hip Nau Tâm Rnglăp Brah Ndu Israel tât ta he gay nkhĭt he jêh ri phung ƀon lan he!”

I Samuel 5:8

Pôri, khân păng prơh bu hăn jă lĕ rngôch kôranh phung Philistin tât jêh ri lah: “Moh nau he mra ƀư ma Hip Nau Tâm Rnglăp Brah Ndu Israel?” Phung kôranh plơ̆ lah: “Leo nglăp hom Hip Nau Tâm Rnglăp Brah Ndu Israel tât ta Gat.” Pôri khân păng leo nglăp Hip Nau Tâm Rnglăp Brah Ndu Israel tât ta nây.

I Samuel 7:14

Lĕ rngôch ƀon phung Philistin pit sŏk jêh bơh phung Israel, ntơm bơh Êkron tât ta Gat, khân păng mplơ̆ sĭt ma phung Israel. Phung ƀon lan Israel rklaih lĕ ƀon nây tă bơh ti phung Philistin. Nau đăp mpăn ndâk tay ta nklang Israel jêh ri phung Amôrit.