Yôsuê 14:9 - Nau Brah Ndu Ngơi 2023

⁹ Tâm nar nây, Y-Môis ton săk lah: ‘N'gor neh jâng may jot tât jêh, nanê̆ mra jêng drăp ndơn ma may jêh ri ma phung kon sau may n'ho ro, yorlah may răp jăp tông tĭng Yêhôva Brah Ndu gâp.’

Yôsuê 14:9 Iomraidhean Croise

Nau Mprơ Ơm 37:9

Yorlah phung mhĭk mra geh nau rai yot, Ƀiălah mbu nơm kâp gân Brah Yêhôva mra geh neh ƀư drăp ndơn.

Nau Kơp Bunuyh 13:22

Khân păng hăn hao Nêgep, tât ta ƀon Hêbron jêng ntŭk geh Y-Ahiman, Y-Sêsai jêh ri Y-Talmai, kon sau Y-Anak. Ƀon Hêbron ndâk lor pơh năm ma ƀon Sôan tâm bri Êjipt.

Nau Vay Nkah Tay 1:36

knŏng Y-Kalep kon bu klâu Y-Jêphunê. Păng mra saơ n'gor nây jêh ri Gâp mra ăn ma păng jêh ri ma phung kon sau păng n'gor păng jot jâng jêh, yorlah păng tĭng ndô̆ Yêhôva ma lĕ nuih n'hâm.’

Nau Vay Nkah Tay 11:24

Lĕ rngôch ntŭk mpang jâng khân may jot mra jêng ndơ khân may. N'har neh khân may mra ntơm bơh bri rdah tât ta Liban, bơh dak krong Ơphrat tât ta Dak Mƀŭt Nhâp Nar.

Yôsuê 1:3

Ta ntŭk mpang jâng khân may jot jêh, Gâp ăn ma khân may, tĭng nâm Gâp hŏ ton jêh ma Y-Môis.

Yôsuê 14:10

Aơ, tâm puăn jât ma prăm năm aơ, ntơm bơh nar Brah Yêhôva ngơi nau nây ma Y-Môis, nôk phung Israel hôm hăn nsong tâm bri rdah, Brah Yêhôva hŏ prăp jêh nau rêh gâp tât ta aƀaơ aơ, jêh ri nar aơ gâp geh jêh pham jât ma prăm năm.

Phung Kôranh Phat Dôih 1:20

Ndŭl mpôl Yuđa pă ƀon Hêbron ma Y-Kalep nâm nau Y-Môis hŏ ton. Y-Kalep mprơh noi deh bơh pe kon bu klâu Y-Anak du luh bơh ƀon nây.