Yôsuê 13:6 - Nau Brah Ndu Ngơi 2023

⁶ Bi ma lĕ rngôch phung ƀon lan gŭ tâm bri klơ dor yôk, ntơm bơh Liban tât ma Misrêpôt-Maim, lĕ rngôch phung Sidôn, Gâp nơm yơh mra mprơh khân păng luh bơh phung ƀon lan Israel. Ƀiălah may tâm pă hom bri nây ma phung Israel jêng drăp ndơn, tĭng nâm nau Gâp ntĭnh jêh ma may.

Yôsuê 13:6 Iomraidhean Croise

Nau Mprơ Ơm 80:8

Ntơm bơh n'gor Êjipt, May djôt sĭt jêh du mlâm tơm krăk ƀâu; May mprơh phung mpôl băl jêh ri tăm tơm nây.

Nau Kơp Bunuyh 33:54

Nchroh n'hôr hom gay tâm pă n'gor tĭng nâm ndŭl mpôl khân may. Ndŭl mpôl âk lơn ăn khân may ăn drăp ndơn toyh lơn; hôm ma ndŭl mpôl djê̆ ăn khân may ăn drăp ndơn jê̆ lơn. Ăp nơm mra dơn kô̆ păng nơm tĭng nâm nau nchroh n'hôr păng geh dơi. Ăt tĭng ăp ndŭl mpôl phung chô yau khân may gay tâm pă n'gor.

Yôsuê 1:6

Ăn may janh ktang jêh ri nănh yorlah may mra njŭn leo phung ƀon lan aơ hăn sŏk dơn bri neh Gâp hŏ ton jêh ăn ma chô yau khân păng.

Yôsuê 11:12

Y-Yôsuê nhŭp đŏng lĕ phung hađăch nây nkhĭt lơi ma đao, jêh nây pit sŏk jêh ri ƀư rai lĕ ƀon khân păng tĭng nâm Y-Môis, oh mon Brah Yêhôva, ntăm jêh.

Yôsuê 11:8

jêh ri Brah Yêhôva jao khân păng tâm ti phung Israel. Y-Yôsuê jêh ri lĕ rngôch phung tahan lơh khân păng, tĭng lơh khân păng tât ta ƀon Sidôn Toyh, tât ta ƀon Misrêpôt-Maim, jêh ri tât ta rlŭng Mispê mpeh luh nar. Khân păng nkhĭt lĕ rngôch phung tâm lĕ ƀon nây, mâu om du huê nuyh hôm rêh.

Yôsuê 13:7

Pônây aƀaơ ri, tâm pă hom bri nây ma sĭn ndŭl mpôl, jêh ri ma du n'gul ndŭl mpôl Manasê.”

Yôsuê 23:13

ăn khân may gĭt nanê̆ Yêhôva Brah Ndu khân may mâu mra hôm mprơh phung ndŭl mpôl bunuyh bơh khân may đŏng ôh. Ƀiălah khân păng mra jêng jal seng jêh ri ndơm dăk ma khân may, jêng mâng rvĕ rpăt ta pŭng vĕ khân may, ƀư lok ntâp trôm măt khân may, kŏ tât tơlah khân may rai yot bơh n'gor neh ueh Yêhôva Brah Ndu khân may ăn jêh ma khân may.

Yôsuê 23:4

Aơ, gâp nchroh n'hôr jêh ăn neh ma lĕ ndŭl mpôl khân may jêng drăp ndơn khân may jêh ri nđâp ma lĕ rngôch neh phung gâp ƀư rai jêh, bơh dak krong Yurdan tât ta Dak Mƀŭt Toyh, mpeh nhâp nar.

Yôsuê 23:5

Yêhôva Brah Ndu khân may mra veng jêh ri prơh phung ƀon lan nây bơh năp măt khân may jêh ri khân may mra pit sŏk bri khân păng, tĭng nâm Yêhôva Brah Ndu khân may ton jêh ma khân may.