Yôsuê 12:2 - Nau Brah Ndu Ngơi 2023

² Y-Sihôn jêng hađăch phung Amôrit gŭ ta Hêsbôn. Hađăch nây chiă uănh ntơm bơh Arôer, jêng ƀon êp rlŭng Arnôn, jêh ri tă bơh ta nklang rlŭng nây tât ta dak krong Jabôk, n'har neh phung Ammôn, nâm bu du n'gul bri Gilêat.

Yôsuê 12:2 Iomraidhean Croise

Nau Ntơm 32:22

Tâm măng nây Y-Yakôb dâk bê̆ch, leo bar hê ur păng, bar hê bu ur kơl kan jêh ri jât nguay kon păng hăn rgăn ta ntŭk thơl dak krong Jabôk.

I Nau Rêh Jêng 5:8

Y-Bêla, kon Y-Asas, sau Y-Sêma, se Y-Yôel, Y-Bêla gŭ ta ƀon Arôer tât ta yôk Nêbô jêh ri Baal-Mêon.

Nêhêmi 9:22

Khân păng hŏ pit sŏk jêh n'gor Hêsbôn hađăch Y-Sihôn, Jêh ri n'gor Basan hađăch Y-Ôk. Kôranh Brah hŏ ăn jêh ma khân păng âk bri dak Jêh ri tâm pă lĕ bri ngai nây ăn ma khân păng.

Nau Mprơ Ơm 135:11

Jêng Sihôn, hađăch phung Amôrit, Ôk, hađăch ma phung Basan Jêh ri lĕ rngôch hađăch n'gor Kanaan.

Yêrêmi 48:19

Ơ phung gŭ ta ƀon Arôer! Dâk hom êp meng trong jêh ri kâp uănh, Ôp hom ma bu klâu nchuăt du jêh ri bu ur lĕ rklaih jêh, pô aơ: ‘Moh nau hŏ tât nây?’

Nau Vay Nkah Tay 1:4

Nau aơ tât jêh păng dơi lơh đah Y-Sihôn hađăch phung Amôrit, gŭ ta Hêsbôn, jêh ri Y-Ôk hađăch n'gor Basan, gŭ ta Astarôt jêh ri ta Êdrei.

Phung Kôranh Phat Dôih 11:13

Hađăch phung ƀon lan Ammôn plơ̆ lah ma phung mbơh Y-Jêptê pô aơ: “Yorlah nôk luh bơh n'gor bri Êjipt, phung ƀon lan Israel pit sŏk jêh n'gor gâp, ntơm bơh dak n'hong jê̆ Arnôn kŏ tât ta dak n'hong jê̆ Jabôk jêh ri tât ta dak krong Yurdan. Aƀaơ mplơ̆ sĭt hom n'gor nây ma gâp tâm nau đăp mpăn!”

Phung Kôranh Phat Dôih 11:22

Phung ƀon lan Israel pit in lĕ rngôch n'gor phung ƀon lan Amôrit, ntơm bơh dak n'hong jê̆ Arnôn kŏ tât ta dak n'hong jê̆ Jabôk, jêh ri ntơm bơh bri rdah kŏ tât ta dak krong Yurdan.