Yôsuê 12:1 - Nau Brah Ndu Ngơi 2023

¹ Aơ jêng phung hađăch tâm n'gor phung Israel lơh jêh, jêh ri pit sŏk n'gor khân păng ta đah ri dak krong Yurdan, mpeh luh nar, bơh rlŭng Arnôn tât ma Hermôn, jêh ri lĕ neh lâng mpeh luh nar:

Yôsuê 12:1 Iomraidhean Croise

I Phung Hađăch 4:19

Y-Gêber, kon bu klâu Y-Uri, chiă uănh tâm n'gor neh Gilêat, jêng n'gor neh kăl e jêng n'gor Y-Sihôn, hađăch phung Amôrit, jêh ri Y-Ôk, hađăch n'gor Basan. Knŏng êng du huê Y-Gêber jêng kôranh chiă uănh tâm lĕ n'gor aơ.

Nau Mprơ Ơm 133:3

Păng jêng nâm bu dak ngom ta yôk Hermôn, Jŭr ta phung yôk Siôn. Yorlah ta nây Brah Yêhôva ăn jêh nau ueh uĭn Jêng nau rêh kŏ tât n'ho ro.

Nau Mprơ Ơm 136:21

Păng ăn n'gor neh khân păng jêng drăp ndơn, Yor nuih n'hâm ueh Păng hôm tât n'ho ro;

Nau Mprơ Ơm 89:12

Mpeh pa lơ, mpeh pa dâng rhăk njêng ăt tă bơh May; Tabor jêh ri yôk Hermôn hâk răm tâm amoh May.

Êsai 16:2

Ta ntŭk thơl dak krong Arnôn Bu mprơh phung bu ur Môap Tâm ban ma kon sĭm bu ntrŭt du tă bơh rsuăn.

Nau Kơp Bunuyh 21:13

Jêh nây khân păng hăn jêh ri ndâk ngih bok mpeh đah tê̆ dak krong Arnôn, tâm bri rdah. Bri rdah aơ ling dĭ tât ta nkual Amôrit. Dak krong Arnôn jêng n'har phung ƀon lan Môap, vah vang nkual Môap jêh ri nkual phung ƀon lan Amôrit.

Nau Kơp Bunuyh 21:21

Phung ƀon lan Israel prơh phung mbơh hăn tât ma Y-Sihôn, hađăch phung Amôrit, lah pô aơ:

Nau Kơp Bunuyh 21:24

Phung Israel dơi lơh păng ma đao jêh ri pit sŏk n'gor păng ntơm bơh dak krong Arnôn tât ma dak krong Jabôk jêh ri dơi nsrŭng ta n'har phung Ammôn, yorlah n'gor khân păng dơi n'gang nâp ktang.

Nau Kơp Bunuyh 32:19

Hên mâu mra dơn drăp ndơ ôh ndrel ma phung ƀon lan Israel gŭ ta mpeh kơh kăl tê̆ dak krong Yurdan mâu lah ngai lơn yorlah hên hŏ dơn jêh drăp ndơn hên nơm gŭ ta mpeh luh nar dak krong Yurdan aơ.”

Nau Kơp Bunuyh 32:32

Hên mra djôt ndơ tâm lơh hăn lăp tâm n'gor Kanaan tanăp Brah Yêhôva, ƀiălah hên mra dơn drăp ndơn hên mpeh kơh aơ dak krong Yurdan.”

Nau Kơp Bunuyh 32:33

Y-Môis ăn ma phung kon sau Gat, ma phung kon sau Ruben jêh ri ma du n'gul ndŭl mpôl Manasê jêng kon sau Y-Yôsep, ƀon bri hađăch Sihôn, hađăch phung ƀon lan Amôrit, jêh ri ƀon bri hađăch Ôk, hađăch n'gor Basan, glom geh n'gor jêh ri lĕ rngôch ƀon păng ndrel ma lĕ n'gor jŭm.

Nau Vay Nkah Tay 2:24

‘Dâk hom, hăn tay rgăn krong Arnôn. Aơ, Gâp jao jêh Y-Sihôn, hađăch ƀon Hêsbôn jêng phung Amôrit, jêh ri n'gor păng tâm ti khân may. Ntơm pit hom n'gor jêh ri tâm lơh đah hađăch nây.

Nau Vay Nkah Tay 2:32

Y-Sihôn djôt leo lĕ rngôch bunuyh ƀon lan păng luh tâm lơh đah he ta Jahas.

Nau Vay Nkah Tay 3:1

“Lah he plơ̆ hăn trong hao n'gor Basan, pôri Y-Ôk, hađăch n'gor Basan, djôt leo lĕ rngôch phung tahan hăn luh ŭch tâm lơh đah he ta Êdrei.

Nau Vay Nkah Tay 4:44

Aơ jêng nau vay Y-Môis mpơl tanăp phung kon Israel:

Nau Vay Nkah Tay 4:46

dôl khân păng hôm gŭ mpeh đah ri dak krong Yurdan, tâm rlŭng tâm tham đah Bet-Pêôr. Aơ jêng neh Y-Sihôn, hađăch phung Amôrit, nơm hŏ chiă uănh ta ƀon toyh Hêsbôn, Y-Môis n'hanh phung Israel tâm lơh kŏ dơi jêh, nôk khân păng luh bơh n'gor Êjipt.

Nau Vay Nkah Tay 4:48

Nkual aơ ntơm bơh Arôer, ta kơh dak krong Arnôn kŏ tât ta yôk Siriôn, jêng Hermôn,

Yôsuê 1:15

kŏ tât Brah Yêhôva ăn nau rlu ma phung oh nâu khân may, tâm ban hŏ ăn jêh ma khân may, jêh ri khân păng tâm ban đŏng dơn neh Yêhôva Brah Ndu khân may ăn ma khân păng. Jêh nau nây khân may mra plơ̆ sĭt pit sŏk drăp ndơn jêng neh Y-Môis, oh mon Brah Yêhôva, ăn jêh ma khân may mpeh đah aơ dak krong Yurdan, mpeh luh nar.”

Yôsuê 11:17

bơh mpeh yôk Halak hao mpeh Sêir tât ma ƀon Baal-Gat tâm rlŭng Liban, tâm dâng jâng yôk Hermôn. Păng nhŭp lĕ hađăch n'gor nây, lơh jêh ri nkhĭt khân păng.

Yôsuê 11:3

Hađăch prơh đŏng phung hăn mbơh văch ta phung ƀon lan Kanaan mpeh luh nar jêh ri mpeh nhâp nar, văch tât ta phung Amôrit, phung Hitit, phung Pêrisit, phung Jêbusit gŭ tâm n'gor klơ dor yôk, jêh ri tât ta phung Hivit gŭ ta tâm dâng jâng yôk Hermôn, tâm n'gor Mispa.

Yôsuê 13:8

Phung Ruben, phung Gat, jêh ri du n'gul ndŭl mpôl Manasê hŏ dơn jêh drăp ndơn bơh Y-Môis ăn jêh ma khân păng ta đah ri dak krong Yurdan mpeh luh nar, tĭng nâm Y-Môis, oh mon Brah Yêhôva, ăn jêh ma khân păng.

Yôsuê 22:4

Aƀaơ ri, Yêhôva Brah Ndu khân may ăn jêh ma phung oh nâu khân may rlu đăp mpăn di tĭng nâm nau Păng ton jêh ma khân păng. Pônây plơ̆ sĭt hom ma ngih khân may tâm n'gor neh jêng ndơ khân may, Y-Môis, oh mon Brah Yêhôva ăn jêh ma khân may ta kơh đah ri dak krong Yurdan.

Phung Kôranh Phat Dôih 11:18

Jêh nây, khân păng hăn găn tay tâm bri rdah, jêh ri hăn ndăch n'gor Êđôm jêh ri n'gor Môap, jêh nây hăn tât mpeh luh nar n'gor Môap. Khân păng ndâk ngih bok ta mpeh kơh tê̆ dak n'hong jê̆ Arnôn, ƀiălah khân păng mâu lăp ôh tâm n'gor Môap, yorlah Arnôn jêng n'har neh n'gor Môap.