Yôsuê 11:8 - Nau Brah Ndu Ngơi 2023

⁸ jêh ri Brah Yêhôva jao khân păng tâm ti phung Israel. Y-Yôsuê jêh ri lĕ rngôch phung tahan lơh khân păng, tĭng lơh khân păng tât ta ƀon Sidôn Toyh, tât ta ƀon Misrêpôt-Maim, jêh ri tât ta rlŭng Mispê mpeh luh nar. Khân păng nkhĭt lĕ rngôch phung tâm lĕ ƀon nây, mâu om du huê nuyh hôm rêh.

Yôsuê 11:8 Iomraidhean Croise

Nau Ntơm 10:15

Y-Kanaan jêng mbơ̆ Y-Sidôn, jêng kon bu klâu bôk rah, jêh ri Y-Het.

Nau Ntơm 49:13

Y-Sabulôn mra rêh ta kơh dak mƀŭt, Ntŭk nde krap ma phung kumpăn; N'har bri păng mra tât mpeh ma Sidôn.

II Samuel 24:6

Ntơm bơh nây, khân păng hăn lăp tâm n'gor Gilêat jêh ri n'gor neh Tatim Hôdsi. Jêh nây khân păng tât ta ƀon Dan Jiaam jêh ri nkual văr jŭm ma ƀon Sidôn.

Êsai 23:4

Ơ ƀon Sidôn, ăn may bêk! Yorlah dak mƀŭt ngơi jêh, Pôih dak mƀŭt lah jêh: “Gâp mâu ji ôh, mâu lĕ mâp deh, Mâu lĕ mât siăm bu klâu ndăm, mâu lah bu ur druh.”

Sakari 9:2

Nau ngơi nây hŏ lah đŏng ma ƀon Hamat, dăch n'har bri đah ƀon Damas, Jêh ri lah ma ƀon Tyre, ƀon Sidôn, jêng ƀon geh nau blau mĭn ngăn.

Nau Vay Nkah Tay 7:2

Lah Yêhôva Brah Ndu hŏ jao jêh lĕ phung ƀon lan nây ma khân may jêh ri khân may dơi lơh rai khân păng, pôri ăn khân may nkhĭt lĕ khân păng, lơi ƀư nau tâm rnglăp đah khân păng ôh jêh ri lơi dĭng yô̆ ma khân păng ôh.

Nau Vay Nkah Tay 9:3

Nar aơ, ăn khân may gĭt Yêhôva Brah Ndu mra hăn lor panăp khân may tâm ban ma du mbŭch ŭnh dôl hit, mra ƀư rai phung nây jêh ri hŭch phung nây ntrŭnh khân păng nơm tanăp măt khân may. Khân may mra ntrŭt gơnh jêh ri ƀư rai khân păng, tĭng nâm Brah Yêhôva hŏ ton jêh.

Yôsuê 10:20

Tơlah Y-Yôsuê jêh ri phung Israel dơi jêh lơh khân păng kŏ tât pih kloh lĕ khân păng, knŏng hôm đê̆ đă phung tahan nchuăt lăp tâm lĕ ƀon geh mpêr nâp,

Yôsuê 11:3

Hađăch prơh đŏng phung hăn mbơh văch ta phung ƀon lan Kanaan mpeh luh nar jêh ri mpeh nhâp nar, văch tât ta phung Amôrit, phung Hitit, phung Pêrisit, phung Jêbusit gŭ tâm n'gor klơ dor yôk, jêh ri tât ta phung Hivit gŭ ta tâm dâng jâng yôk Hermôn, tâm n'gor Mispa.

Yôsuê 11:7

Pônây Y-Yôsuê ndrel ma lĕ rngôch phung tahan văch ndal, rduh lơh khân păng dăch ta n'hor dak Mêrôm,

Yôsuê 13:6

Bi ma lĕ rngôch phung ƀon lan gŭ tâm bri klơ dor yôk, ntơm bơh Liban tât ma Misrêpôt-Maim, lĕ rngôch phung Sidôn, Gâp nơm yơh mra mprơh khân păng luh bơh phung ƀon lan Israel. Ƀiălah may tâm pă hom bri nây ma phung Israel jêng drăp ndơn, tĭng nâm nau Gâp ntĭnh jêh ma may.

Yôsuê 19:28

tât ta Êbron, Rêhôp, Hamôn, Kana tât ta ƀon toyh Sidôn.

Yôsuê 21:44

Brah Yêhôva ăn ma khân păng tâm lam ntŭk dơi geh tâm nau mpăn rlêk, di tĭng nâm Păng ton jêh ma phung chô yau khân păng, mâu geh ôh phung rlăng dơi dâk tanăp khân păng. Brah Yêhôva jao jêh lĕ rngôch phung rlăng nây tâm ti khân păng.