Yôsuê 11:6 - Nau Brah Ndu Ngơi 2023

⁶ Ƀiălah Brah Yêhôva lah ma Y-Yôsuê: “Lơi klach ôh, yorlah nar ôi aơ ta mông aơ, Gâp mra jao lĕ rngôch khân păng tâm ti phung Israel nkhĭt khân păng. Khân may mra koh jâng jon seh jêh ri su lĕ ndeh seh khân păng ma ŭnh.”

Yôsuê 11:6 Iomraidhean Croise

II Samuel 8:4

Y-Đavit nhŭp du rbăn pơh rhiăng phung tahan ncho seh jêh ri bar rmưn tahan hăn jâng bơh hađăch Sôba jêh ri sreh jâng jon lĕ rngôch seh uih ndeh, knŏng om tŏng du rhiăng bôk ndeh dơm.

II Phung Hađăch 6:16

Păng lah: “Lơi klach ôh, yorlah phung gŭ ndrel he jêng âk lơn ma phung gŭ ndrel ma khân păng.”

II Nau Rêh Jêng 20:16

Ôi taơ, trŭnh tâm lơh hom đah khân păng. Aơ, khân păng hăn hao sop Sis. Khân may mra tâm mâp đah khân păng ta bôl dŭt rlŭng tâm tra đah bri rdah Jêruêl.

Nau Mprơ Ơm 46:10

Gŭ rklăk hom jêh ri ăn gĭt pô aơ Gâp jêng Brah Ndu; Gâp mra geh nau yơk tâm lĕ bri dak, Gâp mra geh nau yơk mbah tâm neh ntu.

Nau Mprơ Ơm 46:11

Brah Yêhôva ma phung tahan gŭ ndrel ma hên; Brah Ndu Yakôb jêng ntŭk hên nde krap. (Sêla)

Nau Mprơ Ơm 46:9

Păng ăn lôch rklăk nau tâm lơh kŏ tât ta nglĕ dŭt rplay neh. Nkê̆ch pă lơi na, sreh lơi tak ăn âk gâl Jêh ri su lơi ma ŭnh lĕ ndeh seh.

Nau Hôr 20:7

Bunuyh sŏng srăng gŭ ngao tâm nau ueh; Phung kon sau bunuyh nây geh nau ueh lăng ngăn!

Êsai 30:16

Khân may lah: ‘Mâu, hên mra ncho seh nchuăt du!’ Yor nây, khân may mra nchuăt du. ‘Hên mra ncho seh nchuăt ngăch!’ Yor nây, phung tĭng groi khân may mra nchuăt ngăch đŏng!

Êsai 31:1

Rêh ni ngăn ma phung hăn jŭr ta bri Êjipt ŭch geh nau kơl, Rnơm ma seh ndơ tâm lơh, Rnơm ma ndeh seh âk, Jêh ri rnơm ma phung tahan ncho seh dăng ktang, Ƀiălah mâu uănh ôh ma Nơm Kloh Ueh Israel, Jêh ri mâu joi dăn Brah Yêhôva!

Êsêkiêl 39:9

Rnôk nây, phung gŭ tâm ăp ƀon Israel mra hăn luh gay su ndơ jêh ri jao ma ŭnh lĕ ndơ dŏng tâm lơh, khêl toyh jêh ri khêl jê̆, na jêh ri hăr, tak jêh ri jôih. Khân păng mra djôt sĭnh ŭnh lĕ ndơ nây tâm pơh năm.

Ndrom Samƀŭt bơh Ôsê 14:3

Asiri mâu dơi tâm rklaih hên ôh, Hên mâu mra ncho seh tâm lơh đŏng ôh. Hên mâu mra lah đŏng ôh ndơ tă bơh ti hên ƀư Jêng brah hên đŏng ôh; Yorlah knŏng tâm May yơh, phung kon đơi ri mơ dơi dơn nau yô̆ nđach!”

Nahum 2:13

Brah Yêhôva ma phung tahan lah: “Aơ, Gâp tâm rdâng đah may. Gâp mra su ndeh seh may tât luh nhhŭk, Đao mra sa rvăn lĕ kon yau mŭr may; Gâp mra chalơi mpa may bơh ta neh, Jêh ri bu mâu mra iăt ôh bâr phung may hăn mbơh đŏng.”

Nau Vay Nkah Tay 7:16

Pôri ăn khân may ƀư rai lơi phung ƀon lan Yêhôva Brah Ndu khân may jao jêh ma khân may, lơi yô̆ ôh khân păng; mâu lĕ pah kan ma lĕ brah khân păng, yorlah nau nây mra jêng dăk sân ma khân may.

Yôsuê 10:8

Brah Yêhôva lah ma Y-Yôsuê: “Lơi klach ôh, yorlah Gâp jao jêh khân păng tâm ti may, mâu hôm geh ôh du huê nơm dơi tâm rdâng tanăp măt may.”

Yôsuê 11:5

Lĕ rngôch phung hađăch nây tâm rƀŭn jêh ri ƀư pôih ndrel ndrăng khân păng dăch dak n'hor ta Mêrôm gay tâm lơh đah phung Israel.

Yôsuê 11:7

Pônây Y-Yôsuê ndrel ma lĕ rngôch phung tahan văch ndal, rduh lơh khân păng dăch ta n'hor dak Mêrôm,

Yôsuê 11:9

Y-Yôsuê ƀư ma khân păng tĭng nâm nau Brah Yêhôva ntăm jêh: koh jâng jon seh khân păng, jêh ri su lơi ndeh seh khân păng ma ŭnh.

Yôsuê 3:5

Y-Yôsuê lah ma phung ƀon lan: “Ƀư kloh hom khân may nơm, yorlah nar ôi taơ Brah Yêhôva mra ƀư âk nau kan khlay ngăn ta nklang khân may.”

Phung Kôranh Phat Dôih 7:9

Tâm măng nây, Brah Yêhôva lah ma Y-Gidêôn: “Dâk hom, hăn trŭnh rduh lơh rmlak tahan Madian, yorlah Gâp jao jêh khân păng tâm ti may.

I Samuel 11:9

Khân păng lah ma phung mbơh hŏ văch jêh tă bơh Gilêat pô aơ: “Hăn sĭt hom lah ma phung Jabes Gilêat kơt aơ: ‘Ôi taơ, tơlah nar hao prêh klơ, khân may mra geh nau tâm rklaih.’” Tơlah phung hăn mbơh tât jêh, jêh ri mbơh ma phung bu klâu ta ƀon Jabes, khân păng maak ngăn,