Yôsuê 11:3 - Nau Brah Ndu Ngơi 2023

³ Hađăch prơh đŏng phung hăn mbơh văch ta phung ƀon lan Kanaan mpeh luh nar jêh ri mpeh nhâp nar, văch tât ta phung Amôrit, phung Hitit, phung Pêrisit, phung Jêbusit gŭ tâm n'gor klơ dor yôk, jêh ri tât ta phung Hivit gŭ ta tâm dâng jâng yôk Hermôn, tâm n'gor Mispa.

Yôsuê 11:3 Iomraidhean Croise

Nau Ntơm 31:49

Mbŭch lŭ aơ dơi rnha đŏng Mispa, yorlah Y-Laban lah: “Dăn Brah Yêhôva kâp njrăng gâp jêh ri may dôl he gŭ êng êng.

II Samuel 24:16

Tơlah tông mpăr yơr ti gay ƀư rai ma Yêrusalem, Brah Yêhôva tâm rgâl nau mĭn ma nau ƀư mhĭk nây, jêh ri lah ma tông mpăr nơm gŭ ƀư rai phung ƀon lan: “Găp jêh! Aƀaơ ri rhuăt hom ti may.” Rnôk nây taơ, tông mpăr Brah Yêhôva gŭ êp ntŭk mprah ba Y-Arauna, bunuyh Jêbusit.

II Samuel 24:7

Khân păng tâm ban đŏng hăn tât ma pôih ƀon Tyre, lăp tâm lĕ rngôch ƀon phung Hivit jêh ri phung Kanaan. Jêh nây khân păng hăn ma nkual Nêgep n'gor Yuđa ta Bêr-Sêba.

I Phung Hađăch 15:22

Hađăch Asa tâm rƀŭn lĕ rngôch phung Yuđa, mâu lơi du huê ôh jêh ri khân păng văch tât djôt lŭ jêh ri tơm si Y-Baêsa hŏ dŏng ndâk pôih ta Rama. Hađăch Asa dŏng lĕ ndơ nây ndâk njêng ƀon Gêba tâm n'gor Benjamin jêh ri Mispa.

I Phung Hađăch 9:20

Lĕ rngôch phung hôm rêh klen tâm phung ƀon lan Amôrit, Hitit, Pêrisit, Hivit, jêh ri phung ƀon lan Jêbusit, mâu di phung Israel;

Nau Mprơ Ơm 133:3

Păng jêng nâm bu dak ngom ta yôk Hermôn, Jŭr ta phung yôk Siôn. Yorlah ta nây Brah Yêhôva ăn jêh nau ueh uĭn Jêng nau rêh kŏ tât n'ho ro.

Nau Mprơ Ơm 89:12

Mpeh pa lơ, mpeh pa dâng rhăk njêng ăt tă bơh May; Tabor jêh ri yôk Hermôn hâk răm tâm amoh May.

Nau Mprơ Ueh 4:8

Hơi ƀăn gâp, hăn hom ndrel gâp du bơh yôk Liban, Hăn hom ndrel gâp chalơi yôk Liban, Du hom n'gơn yôk Amana, N'gơn Sênir jêh ri Hermôn, Du bơh trôm yau mŭr, Du bơh yôk yau brăch.

Yêrêmi 40:10

Bi gâp be, gâp mra gŭ ta ƀon Mispa gay tâm tang ma khân may vơt rom phung Kaldê dăch tât ta aơ jêh. Bi khân may, bun prăp hom ndrănh krăk ƀâu, kao play si yan vai, jêh ri dak ngi ôlive jêh nây prăp tâm lĕ yăng. Gŭ rêh hom tâm ƀon khân may hŏ pit in jêh.”

Yêrêmi 40:6

Y-Yêrêmi hăn tât ta ntŭk Y-Gêdalia, kon bu klâu Y-Ahikam, ta ƀon Mispa, jêh ri gŭ rêh ndrel ma păng ta nklang phung ƀon lan hôm klen tâm n'gor.

Yêrêmi 41:14

Lĕ rngôch bunuyh Y-Ismaêl nhŭp njŭn leo tă bơh Mispa plơ̆ sĭt da dê, hăn tĭng ma Y-Jôhanan, kon bu klâu Y-Karêa.

Yêrêmi 41:3

Y-Ismaêl nkhĭt lĕ rngôch phung Yuđa dôl gŭ ndrel ma Y-Gêdalia ta ƀon Mispa, nđâp ma phung Kaldê dôl gŭ ta nây.

Nau Kơp Bunuyh 13:29

Phung Amalek gŭ ta Nêgep; phung Hitit, phung Jêbusit jêh ri phung Amôrit gŭ tâm n'gor klơ dor yôk; jêh ri phung Kanaan gŭ dăch dak mƀŭt jêh ri njŏ tĭng kơh dak krong Yurdan.”

Nau Vay Nkah Tay 4:48

Nkual aơ ntơm bơh Arôer, ta kơh dak krong Arnôn kŏ tât ta yôk Siriôn, jêng Hermôn,

Nau Vay Nkah Tay 7:1

“Lah Yêhôva Brah Ndu khân may hŏ njŭn khân may lăp tâm n'gor khân may bơi sŏk dơn gay jêng drăp ndơn, Păng mra mprơh tă bơh tanăp khân may âk phung ndŭl mpôl tâm ban phung Hitit, phung Girgasit, phung Amôrit, phung Kanaan, phung Pêrisit, phung Hivit jêh ri phung Jêbusit, jêng pơh ndŭl mpôl ktang lơn jêh ri âk lơn ma khân may.

Yôsuê 11:17

bơh mpeh yôk Halak hao mpeh Sêir tât ma ƀon Baal-Gat tâm rlŭng Liban, tâm dâng jâng yôk Hermôn. Păng nhŭp lĕ hađăch n'gor nây, lơh jêh ri nkhĭt khân păng.

Yôsuê 11:8

jêh ri Brah Yêhôva jao khân păng tâm ti phung Israel. Y-Yôsuê jêh ri lĕ rngôch phung tahan lơh khân păng, tĭng lơh khân păng tât ta ƀon Sidôn Toyh, tât ta ƀon Misrêpôt-Maim, jêh ri tât ta rlŭng Mispê mpeh luh nar. Khân păng nkhĭt lĕ rngôch phung tâm lĕ ƀon nây, mâu om du huê nuyh hôm rêh.

Yôsuê 13:11

Gilêat nđâp ma n'gor neh phung Gêsurit jêh ri phung Makatit, lĕ yôk Hermôn, lĕ Basan tât ta Salêka,

Yôsuê 13:5

N'gor neh phung Gêbalit, jêh ri lĕ bri Liban mpeh luh nar, ntơm bơh Baal-Gat ta jâng yôk Hermôn tât ma ntŭk lăp Hamat.

Yôsuê 15:38

Dilin, Mispê, Joktêel,

Yôsuê 15:63

Phung Yuđa mâu dơi mprơh ôh phung Jêbusit gŭ tâm Yêrusalem. Pônây phung Jêbusit hôm gŭ ndrel ma phung ƀon lan Yuđa ta Yêrusalem kŏ tât ta nar aơ.

Yôsuê 18:26

Mispê, Chêphira, Môsa,

Yôsuê 3:10

Jêh ri Y-Yôsuê lah: “Yor nau nây, khân may mra gĭt ma Brah Ndu gŭ rêh mro mrăng gŭ ta nklang khân may, Păng mra mprơh lĕ phung Kanaan, phung Hitit, phung Hivit, phung Pêrisit, phung Girgasit, phung Amôrit, jêh ri Jêbusit du tă bơh năp khân may.

Phung Kôranh Phat Dôih 20:1

Rnôk nây, lĕ rngôch phung ƀon lan Israel du luh ntơm bơh Dan tât ma Bêr-Sêba, nđâp lĕ n'gor Gilêat; hăn nâm bu du huê bunuyh jêh ri tâm rƀŭn tanăp Brah Yêhôva ta Mispa.

Phung Kôranh Phat Dôih 21:5

Phung ƀon lan Israel ôp: “Mbu tâm lĕ rngôch băl mpôl Israel mâu hăn ôh ma nau tâm rƀŭn tanăp Brah Yêhôva?” Yorlah khân păng ƀư jêh nau ton pô aơ: “Mbu moh mâu tâm mpơl măt ôh tanăp Brah Yêhôva ta Mispa bu mra nkhĭt păng!”

Phung Kôranh Phat Dôih 21:8

Pônây, khân păng lah: “Mbu nơm tâm phung ndŭl mpôl Israel mâu tâm mpơl măt ôh tanăp Brah Yêhôva ta Mispa?” Khân păng saơ mâu geh du huê bơh Jabes ta Gilêat văch tât ma ntŭk gay tâm rƀŭn.

Phung Kôranh Phat Dôih 3:3

Phung ntil mpôl bunuyh nây jêng phung Philistin jêh ri prăm nuyh hađăch khân păng, lĕ rngôch phung Kanaan, phung Sidôn, jêh ri phung Hivit gŭ ta yôk Liban, ntơm bơh yôk Baal-Hermôn tât ma sop Hamat.

Phung Kôranh Phat Dôih 3:5

Pônây, phung ƀon lan Israel gŭ rêh nsum đah phung Kanaan, phung Hitit, phung Amôrit, phung Pêrisit, phung Hivit, jêh ri phung Jêbusit.

I Samuel 10:17

Y-Samuel kuăl rgum phung ƀon lan tanăp Brah Yêhôva ta Mispa,