Yôsuê 11:21 - Nau Brah Ndu Ngơi 2023

²¹ Rnôk nây, Y-Yôsuê pih kloh phung Anakim gŭ ta bri klơ dor yôk, lĕ ƀon Hêbron, ƀon Dêbir, ta ƀon Anap, jêh ri ta lĕ bri klơ dor yôk Yuđa tâm ban đŏng lĕ bri klơ dor yôk Israel. Y-Yôsuê ƀư rai lĕ khân păng ndrel ma lĕ ƀon khân păng.

Yôsuê 11:21 Iomraidhean Croise

Yêrêmi 3:23

Nau yơk mbah klơ lĕ dor prêh Jêh ri nau drơu drơu ăp yôk nanê̆ knŏng jêng nau mƀruh nchơt. N'hêl nanê̆, knŏng tâm Yêhôva Brah Ndu hên Ri mơ geh nau tâm rklaih ăn phung Israel.

Yêrêmi 9:23

Brah Yêhôva lah: “Bunuyh blau lơi rnê êng ma nau blau mĭn păng nơm; Bunuyh ktang lơi rnê êng ma nau dăng ktang păng nơm; Bunuyh ndrŏng lơi rnê êng ma nau ndrŏng păng nơm ôh.

Amôt 2:9

Nđâp tơlah pônây, Gâp nơm yơh hŏ ƀư rai jêh phung Amôrit tanăp măt khân păng, Jêng phung bunuyh prêh nâm bu tơm si sêdar, Jêh ri dăng ktang nâm bu tơm si guyh. Gâp ƀư rai jêh play khân păng ta klơ n'gĭng Jêh ri reh khân păng tâm dâng neh.

Nau Kơp Bunuyh 13:33

Hên saơ phung juat toyh nây, jêng phung kon sau Y-Anak, jêng phung ƀon lan toyh juat gŭ ta nây. Hên saơ hên nơm nâm bu krah ndrach jêh ri khân păng saơ hên kơt nây đŏng.”

Nau Vay Nkah Tay 1:28

Ta ntŭk he mra hăn? Phung oh nâu he đă hăn gay n'hut uănh n'gor, khăn păng hŏ ƀư rdja nuih n'hâm he, dôl khân păng lah: Phung ƀon lan nây jêng dăng ktang ngăn jêh ri juat lơn ma he. Lĕ ƀon toyh khân păng dĭ toyh, bât pêr nâp prêh tât ta trôk. Rlau ma nây hên saơ phung kon sau phung ƀon lan Anakim gŭ ta nây đŏng.’

Nau Vay Nkah Tay 2:21

Khân păng jêng du phung ƀon lan toyh, âk, toyh juat nâm phung Anakim. Ƀiălah Brah Yêhôva hŏ ƀư rai jêh khân păng tanăp măt phung Ammôn. Phung Ammôn mprơh lơi phung ƀon lan nây jêh ri gŭ ntrok ntŭk khân păng.

Nau Vay Nkah Tay 9:2

Aơ jêng du phung ƀon lan toyh juat, phung kon sau Y-Anakim, khân may hŏ gĭt jêh ri tăng jêh bu nkoch bri: ‘Mbu dơi tâm rdâng đah phung kon sau Y-Anakim?’

Yôsuê 10:42

Y-Yôsuê nhŭp lĕ phung hađăch nây jêh ri pit sŏk bri khân păng knŏng hăn lơh du tơ̆ dơm, yorlah Yêhôva Brah Ndu phung Israel tâm lơh an ma phung Israel.

Nau Tâm Mpơl 6:2

Gâp uănh, ri, du mlâm seh nglang. Nơm ncho seh nĕ geh du mlâm na jêh ri bu ăn ma păng du mlâm đon hađăch. Păng hăn luh nâm bu du huê bunuyh tŭn mpet jêh ri dơi jêh.

Phung Kôranh Phat Dôih 1:20

Ndŭl mpôl Yuđa pă ƀon Hêbron ma Y-Kalep nâm nau Y-Môis hŏ ton. Y-Kalep mprơh noi deh bơh pe kon bu klâu Y-Anak du luh bơh ƀon nây.