Yôsuê 10:40 - Nau Brah Ndu Ngơi 2023

⁴⁰ Pônây Y-Yôsuê tâm lơh pit sŏk ma lĕ n'gor, n'gor klơ dor, n'gor bơh pa dâng, n'gor jâng yôk, n'gor klơ yôk jêh ri lĕ rngôch hađăch khân păng. Păng mâu om du huê nuyh hôm gŭ rêh, păng ƀư rai lĕ rngôch mpô mpa geh n'hâm nsôr, tâm ban ma nau Yêhôva Brah Ndu phung Israel ntăm jêh.

Yôsuê 10:40 Iomraidhean Croise

I Phung Hađăch 15:29

Tơlah mhe gŭ ta sưng hađăch, Y-Baêsa nkhĭt lĕ rngôch bunuyh tâm noi deh Y-Jêrôbôam, mâu hôm om ôh du huê hôm rêh klen, ma tât tơlah hŏ ƀư rai lĕ ngih Y-Jêrôbôam, di nâm nau Brah Yêhôva hŏ ngơi jêh ma bâr mbung Y-Ahija, oh mon Păng ta Silô;

Nêhêmi 9:24

Pôri phung kon sau khân păng lăp sŏk chăm bri. May ƀư ăn phung tâm n'gor nây jêng phung Kanaan lăp gŭ tâm dâng khân păng, Jao phung nây jêh ri phung hađăch khân păng Nđâp ma lĕ ntil mpôl bunuyh êng tâm n'gor nây tâm ti khân păng, Gay ma khân păng dơi ƀư ma lĕ ntil mpôl bunuyh nây tĭng nâm nau mĭn khân păng ŭch.

Nau Mprơ Ơm 9:17

Phung mhĭk mra hăn lăp ta ƀon phung khĭt, Lĕ rngôch phung ƀon lan chuêl Brah Ndu tâm ban pônây lĕ.

Nau Ngluh Êjipt 34:12

Njrăng hom, lơi ƀư nau tâm rnglăp đah phung ƀon lan gŭ tâm n'gor khân may mra lăp, klach lah khân păng mra jêng dăk sân ma may.

Nau Kơp Bunuyh 13:17

Nôk Y-Môis prơh khân păng hăn n'hut uănh n'gor Kanaan, Y-Môis ntĭnh pô aơ: “Hăn hom tât ta Nêgep, hăn bri leo klơ dor yôk,

Nau Vay Nkah Tay 1:7

Aƀaơ, hăn plơ̆ hom jêh ri hăn tay, lăp ta n'gor klơ dor yôk phung Amôrit jêh ri tâm lĕ nkual chiau meng, jêng lăp ta nkual Arabah, n'gor klơ dor yôk, nkual Sêphêla, nkual Nêgep, jêh ri n'gor kơh dak mƀŭt, hăn tât ta n'gor phung Kanaan jêh ri Liban, tât ta dak krong toyh jêng dak krong Ơphrat.

Nau Vay Nkah Tay 2:34

Nôk nây hên sŏk lĕ rngôch ƀon toyh jêh ri ƀư rai lĕ phung bu klâu, phung bu ur nđâp phung kon se jê̆, mâu om du huê nuyh hôm rêh ôh.

Nau Vay Nkah Tay 7:24

Păng mra jao phung hađăch phung ƀon lan nây tâm ti khân may jêh ri ăn khân may jut lơi amoh phung hađăch nây bơh neh ntu. Mra mâu hôm ôh geh du huê tâm rdâng đah khân may, khân may mra ƀư rai lĕ khân păng.

Yôsuê 10:35

Nar nây, khân păng tâm lơh pit in jêh ri sŏk đao ƀư rai ƀon nây. Nar nây đŏng, Y-Yôsuê ƀư rai lĕ ƀon jêh ri lĕ rngôch phung tâm ƀon nây tâm ban hŏ ƀư jêh ma Lakis.

Yôsuê 10:37

Khân păng pit in jêh ri sŏk đao ƀư rai ƀon nây, hađăch păng, lĕ ƀon jê̆, jêh ri lĕ rngôch mpa rêh gŭ tâm ƀon nây, mâu om du huê hôm gŭ rêh. Păng lĕ ƀư rai jêh ƀon jêh ri lĕ rngôch mpa rêh gŭ tâm ƀon nây tâm ban hŏ ƀư jêh ma Êglon.

Yôsuê 10:39

Păng pit sŏk ƀon nây ndrel ma lĕ rngôch ƀon jê̆, jêh nây nhŭp hađăch păng jêh ri sŏk đao ƀư rai khân păng. Păng ƀư rai lĕ rngôch bunuyh tâm ƀon nây, mâu om du huê hôm gŭ rêh. Păng hŏ ƀư jêh ma ƀon Dêbir jêh ri hađăch ƀon nây tâm ban ma păng hŏ ƀư jêh ma Hêbron jêh ri Lipna nđâp ma hađăch păng.

Yôsuê 11:16

Pônây, Y-Yôsuê pit sŏk lĕ n'gor nây, lĕ nkual klơ dor yôk, lĕ nkual Nêgep, lĕ nkual Gôsen, nkual jâng yôk jêh ri nkual neh lâng, nkual dor yôk Israel jêh ri lĕ bri jâng yôk khân păng;

Yôsuê 12:8

lĕ nkual klơ dor yôk, nkual jâng yôk, neh lâng, ta gôl, tâm bri rdah jêh ri nkual Nêgep, jêng lĕ n'gor phung Hitit, phung Amôrit, phung Kanaan, phung Pêrisit, phung Hivit, jêh ri phung Jêbusit:

Yôsuê 18:21

Lĕ rngôch ƀon ndŭl mpôl phung Benjamin, tĭng nâm ăp rnăk vâl khân păng jêng: Yêrikô, Bet-Hôgla, Êmek-Kêsis,

Yôsuê 6:17

Ƀon jêh ri lĕ rngôch ndơ tâm ƀon jêng ndơ prăp ma Brah Yêhôva ƀư rai lơi. Knŏng du huê H'Rahap bu ur văng tĭr jêh ri lĕ rngôch phung gŭ tâm ngih ndrel ma păng mra dơi rêh, yorlah păng hŏ sâm pôn an jêh phung mbơh bơh he hŏ đă hăn.

Yôsuê 8:2

Ăn may ƀư ma ƀon Ai jêh ri ma hađăch păng tâm ban may hŏ ƀư jêh ma Yêrikô jêh ri hađăch păng. Khân may dơi sŏk ndơ pit in jêh ri mpô mpa rong ăn ma khân may nơm. Dơm hom phung tahan gŭ kâp dâp pakơi ƀon.”

Yôsuê 8:27

Phung ƀon lan Israel knŏng sŏk ma khân păng nơm mpô mpa rong jêh ri ndơ pit in bơh ƀon nây, tĭng nâm Brah Yêhôva hŏ ntăm jêh ma Y-Yôsuê.

Yôsuê 9:24

Khân păng plơ̆ lah ma Y-Yôsuê: “Yorlah phung oh mon may gĭt nanê̆ ngăn Yêhôva Brah Ndu khân may ntăm jêh ma Y-Môis, oh mon Păng, ăn lĕ n'gor aơ ma khân may, jêh ri ƀư rai lĕ rngôch bunuyh gŭ tâm bri nây. Yor nây, hên klach khân may khĭt nau rêh hên rĭ dĭng hên ƀư nâm pônây.