Yôsuê 10:25 - Nau Brah Ndu Ngơi 2023

²⁵ Y-Yôsuê lah ma khân păng: “Lơi klach mâu lah rdja nuih n'hâm ôh; janh ktang hom jêh ri nâp, yorlah Brah Yêhôva mra ƀư tâm ban pônây ma lĕ rngôch phung rlăng khân may jêng phung khân may mra tâm lơh.”

Yôsuê 10:25 Iomraidhean Croise

Nau Mprơ Ơm 63:9

Phung joi ŭch ƀư mhĭk ma nau rêh gâp Mra tŭp tâm ntu jru neh ntu.

Nau Mprơ Ơm 77:11

Gâp mra kah gĭt mro nau kan Brah Yêhôva; Kah gĭt tât lĕ nau mbên khlay May kăl e;

Samƀŭt Pôl Njuăl Ăn Ma Phung Nsing Ta Ƀon Rôm 8:37

Ƀiălah, tâm lĕ nau nây phung he yor Nơm rŏng ma he, he dơi mro mrăng.

II Kôrintô 1:10

Păng yơh tâm rklaih jêh he bơh nau khĭt dŭt krit kir kơt nĕ; Păng dôl tâm rklaih hên, jêh ri hên kâp gân ma Păng mra tâm rklaih tay hên.

Êphêsô 6:10

Nglĕ dŭt, ăn khân may ktang tâm Kôranh Brah jêh ri rnơm ma nau ktang brah Păng.

Nau Vay Nkah Tay 7:19

Măt khân may hŏ saơ jêh Yêhôva Brah Ndu hŏ dŏng lĕ nau rlong uănh toyh ngăn ngên, mpơl lĕ nau mbên khlay ngăn, yơr dĭ ti nau dơi gay djôt leo khân may luh bơh Êjipt. Yêhôva Brah Ndu khân may mra ƀư kơt nây đŏng đah lĕ rngôch phung ƀon lan khân may dôl klach.

Yôsuê 1:6

Ăn may janh ktang jêh ri nănh yorlah may mra njŭn leo phung ƀon lan aơ hăn sŏk dơn bri neh Gâp hŏ ton jêh ăn ma chô yau khân păng.

Yôsuê 1:9

Mâu di Gâp hŏ ntĭnh jêh ma may? Janh ktang hom, nănh! Lơi râm sâr, lơi klach ôh! Yorlah Yêhôva Brah Ndu may gŭ ndrel ma may tâm ăp ntŭk may hăn.”

Yôsuê 10:8

Brah Yêhôva lah ma Y-Yôsuê: “Lơi klach ôh, yorlah Gâp jao jêh khân păng tâm ti may, mâu hôm geh ôh du huê nơm dơi tâm rdâng tanăp măt may.”

I Samuel 17:37

Y-Đavit lah tay: “Brah Yêhôva rklaih jêh gâp tă bơh nheh yau mŭr jêh ri nheh kau, Păng tâm ban đŏng mra tâm rklaih gâp tă bơh ti phung Philistin aơ.” Y-Sôl lah ma Y-Đavit: “Hăn hom, ăn Brah Yêhôva gŭ ndrel ma may!”