Yôsuê 1:7 - Nau Brah Ndu Ngơi 2023

⁷ Ăn may janh ktang, nănh nanê̆ jêh ri blau njrăng ƀư tĭng lĕ rngôch nau vay Y-Môis, oh mon Gâp, ntĭnh jêh ma may; lơi teng pa ma mâu lah pa chiau ôh, gay moh ntŭk may hăn mra dơi geh jêng.

Yôsuê 1:7 Iomraidhean Croise

I Phung Hađăch 2:2

“Gâp lĕ dăch dâk hăn trong lĕ rngôch bunuyh klơ neh ntu hăn. Pônây, Ăn may jêng ktang jêh ri mpơl may nơm jêng du huê bunuyh kôranh!

I Phung Hađăch 2:3

Djôt prăp hom moh nau Yêhôva Brah Ndu ŭch ma may djôt prăp, chuat tâm trong Păng, djôt prăp lĕ nau vay dăp, lĕ nau vay ntăm jêh ri lĕ nau vay ƀư, jêh ri nau Păng nti tĭng nâm hŏ nchih jêh tâm nau vay Y-Môis, gay ăn may geh nau dơi jêng tâm lĕ rngôch kan may ƀư jêh ri ta lĕ rngôch ntŭk may hăn.

II Phung Hađăch 22:2

Păng ƀư nau sŏng tanăp măt Brah Yêhôva, hăn tĭng tâm lĕ trong Y-Đavit, chô yau păng, jêh ri păng mâu teng mpeh pa ma mâu lah mpeh pa chiau ôh.

I Nau Rêh Jêng 22:13

Tơlah may njrăng tĭng lĕ nau vay dăp jêh ri lĕ nau vay ƀư bơh Brah Yêhôva hŏ ngơi jêh ma Y-Môis ntăm ma phung Israel, may mra geh nau dơi. Dăng ktang hom jêh ri nâp nuih n'hâm! Lơi klach ôh, lơi rdja nuih ôh!

II Nau Rêh Jêng 15:7

Ƀiălah khân may gŭ janh hom, ti khân may lơi mƀơk, yorlah kan khân may ƀư mra geh nau nkhôm.”

II Nau Rêh Jêng 26:5

Tâm lĕ rô̆ Y-Sakari jêng bunuyh gĭt rbăng lĕ nau tâm saơ bơh Brah Ndu, Y-Usia joi Brah Ndu ma lĕ nuih n'hâm. Păng joi Brah Ndu ndah jŏ, Brah Ndu ƀư ăn ma păng geh nau ƀŭn lap dah nây lĕ.

Ndrom Samƀŭt bơh Yôp 1:8

Brah Yêhôva ôp tay ma Satan: “May geh mĭn rmiăng treng uănh ma Y-Yôp, oh mon Gâp đŏng? Ta neh ntu aơ mâu geh ôh bunuyh tâm ban ma Y-Yôp; păng jêng du huê bunuyh mâu geh nau bu dơi nduyh ôh jêh ri sŏng, klach yơk ma Brah Ndu jêh ri der lĕ nau mhĭk.”

Nau Mprơ Ơm 80:19

Ơ Yêhôva Brah Ndu ma phung tahan, ndâk njêng mhe tay hom hên, Ăn muh măt May sol ang ta hên pôri hên mra dơi rklaih.

Nau Hôr 4:27

Lơi teng ôh pa ma mâu lah pa chiau; Ăn jâng may der hom bơh ntŭk nau mhĭk.

Nau Hôr 8:20

Gâp chuat tĭng tâm trong nau sŏng srăng, Gŭ tâm trong di,

Daniel 10:19

Păng lah ma gâp: “Ơ nơm bu rŏng ngăn, lơi klach ôh. Gŭ đăp mpăn hom jêh ri nâp nuih n'hâm! Nâp hom nuih n'hâm!” Tơlah păng dôl ngơi ma gâp, geh ntop n'hâm suan gâp jêh ri lah: “Ơ kôranh, ăn may ngơi hom, yorlah may jêng n'hâm suan ma gâp.”

Nau Kơp Bunuyh 27:23

Y-Môis pah ti păng ta klơ Y-Yôsuê jêh ri jao nau kan ma păng di nâm nau Brah Yêhôva ntĭnh jêh ma Y-Môis.

Nau Vay Nkah Tay 11:8

Pôri, ăn khân may djôt prăp lĕ rngôch nau vay ntăm bơh gâp ntĭnh ma khân may nar aơ, gay ma khân may tŏng nau dăng tâm lơh dơi pit sŏk n'gor, khân may dăch pit sŏk,

Nau Vay Nkah Tay 12:32

Ăn khân may blau njrăng, ƀư tĭng lĕ rngôch nau gâp ntĭnh jêh ma khân may, mâu dơi ôh ntop mâu lah n'hŭch lơi.”

Nau Vay Nkah Tay 28:14

jêh ri tơlah khân may mâu chalơi ôh du nau ngơi gâp ntĭnh ma khân may nar aơ, mâu teng pa ma mâu lah pa chiau, mâu hăn tĭng jêh ri yơk mbah ma phung brah êng.”

Nau Vay Nkah Tay 29:8

pit sŏk jêh n'gor khân păng jêh ri ăn jêh n'gor nây jêng drăp ndơn ma phung Ruben, phung Gat, jêh ri ma du n'gul ăn ndŭl mpôl Manasê.

Nau Vay Nkah Tay 29:9

Pôri khân may njrăng djôt prăp jêh ri ƀư tĭng lĕ nau ngơi tâm nau tâm rnglăp aơ gay ma khân may dơi jêng hao tâm lĕ kan khân may ƀư.

Nau Vay Nkah Tay 31:7

Lah ngơi lôch jêh, Y-Môis kuăl Y-Yôsuê jêh ri lah ma păng tanăp lĕ rngôch phung Israel: “Dăng ktang hom jêh ri janh nănh yorlah may nơm ndrel ma phung ƀon lan aơ mra mŭt ta n'gor Brah Yêhôva ton jêh ăn ma phung chô yau khân păng, jêh ri may mra pă n'gor nây ma khân păng ƀư drăp ndơn.

Nau Vay Nkah Tay 4:2

Khân may mâu dơi ntop ôh, mâu dơi n'goh ma nau ngơi gâp ntăm jêh ma khân may, ƀiălah ăn khân may djôt prăp nau vay Yêhôva Brah Ndu ntăm, gâp hŏ ntĭnh jêh ma khân may.

Nau Vay Nkah Tay 5:32

Pôri, ăn khân may njrăng ƀư dĭng lĕ nau kan di mâm bu Yêhôva Brah Ndu khân may hŏ ntĭm nti; khân may mâu dơi ôh teng pa ma mâu lah pa chiau.

Yôsuê 1:1

Jêh Y-Môis, oh mon Brah Yêhôva khĭt jêh, Brah Yêhôva lah ma Y-Yôsuê, kon bu klâu Y-Nun, nơm kơl kan Y-Môis:

Yôsuê 1:8

Ndrom samƀŭt nau vay aơ lơi ăn ngai bơh bâr mbung may, ƀiălah mĭn rvê hom nau nây măng nâm nar, gay blau njrăng ƀư tĭng lĕ nau nchih jêh tâm nây. Ri mơ may chăt jêng jêh ri dơi jêng tâm trong may hăn.

Yôsuê 1:9

Mâu di Gâp hŏ ntĭnh jêh ma may? Janh ktang hom, nănh! Lơi râm sâr, lơi klach ôh! Yorlah Yêhôva Brah Ndu may gŭ ndrel ma may tâm ăp ntŭk may hăn.”

Yôsuê 11:15

Tĭng nâm Brah Yêhôva ntăm jêh ma Y-Môis, oh mon Păng, Y-Môis ntăm đŏng ma Y-Yôsuê, jêh ri Y-Yôsuê ƀư di tĭng lĕ nau Brah Yêhôva hŏ ntăm jêh ma Y-Môis, Y-Yôsuê mâu ăn klen du ntil nau ôh.

Yôsuê 23:6

Pônây, ăn khân may nâp nuih n'hâm mât mray jêh ri ƀư tĭng kơt lĕ ntil nau hŏ nchih jêh tâm ndrom samƀŭt nau vay Y-Môis, lơi teng pa ma mâu lah pa chiau ôh.