Yôsuê 1:6 - Nau Brah Ndu Ngơi 2023

⁶ Ăn may janh ktang jêh ri nănh yorlah may mra njŭn leo phung ƀon lan aơ hăn sŏk dơn bri neh Gâp hŏ ton jêh ăn ma chô yau khân păng.

Yôsuê 1:6 Iomraidhean Croise

Nau Ntơm 12:7

Brah Yêhôva tâm mpơl ma Y-Abram jêh ri lah: “Gâp mra ăn n'gor aơ ma noi deh May.” Ta aơ, Y-Abram ndâk du mlâm nơng ƀư brah ăn ma Brah Yêhôva, jêng Nơm hŏ tâm mpơl ma păng.

Nau Ntơm 26:3

Ăn may gŭ njưh tâm n'gor aơ, Gâp mra gŭ ndrel ma kon jêh ri ăn nau ueh uĭn ma kon; yorlah Gâp mra ăn ma may jêh ri ma noi deh kon lĕ nkual bri aơ jêh ri Gâp mra ƀư n'hêl nanê̆ nau Gâp ton jêh ma Y-Abraham, mbơ̆ may.

II Samuel 10:12

Ktang hom jêh ri tâm lơh janh ktang yor phung ƀon lan he jêh ri yor lĕ ƀon Brah Ndu he. Dăn Brah Yêhôva ƀư tĭng nâm nau Păng mĭn ueh!”

I Phung Hađăch 2:2

“Gâp lĕ dăch dâk hăn trong lĕ rngôch bunuyh klơ neh ntu hăn. Pônây, Ăn may jêng ktang jêh ri mpơl may nơm jêng du huê bunuyh kôranh!

I Nau Rêh Jêng 22:13

Tơlah may njrăng tĭng lĕ nau vay dăp jêh ri lĕ nau vay ƀư bơh Brah Yêhôva hŏ ngơi jêh ma Y-Môis ntăm ma phung Israel, may mra geh nau dơi. Dăng ktang hom jêh ri nâp nuih n'hâm! Lơi klach ôh, lơi rdja nuih ôh!

I Nau Rêh Jêng 28:10

Aƀaơ aơ, njrăng hom, yorlah Brah Yêhôva săch jêh may ăn may ndâk du mlâm ngih brah prăp ma ntŭk kloh ueh Păng. Dăng ktang hom, jêh ri ƀư nau nây!”

I Nau Rêh Jêng 28:20

Y-Đavit lah tay ma Y-Salômôn, kon păng nơm pô aơ: “Ktang hom jêh ri nâp nuih n'hâm ƀư nau nây! Lơi klach ôh, lơi rdja nuih n'hâm ôh, yorlah Yêhôva Brah Ndu, jêng Brah Ndu gâp, gŭ ndrel ma may, Păng mâu mra chalơi may, mâu đŏng du luh bơh may, ma tât lôch jêh lĕ rngôch nau kan ndâk ngih Brah Yêhôva.

II Nau Rêh Jêng 15:7

Ƀiălah khân may gŭ janh hom, ti khân may lơi mƀơk, yorlah kan khân may ƀư mra geh nau nkhôm.”

II Nau Rêh Jêng 20:11

Nĕ, aƀaơ khân păng plơng hên, văch gay mprơh hên tă bơh drăp ndơn May hŏ ăn jêh ma hên.

II Nau Rêh Jêng 20:7

Ơ Brah Ndu hên! Mâu di hĕ May mprơh jêh phung gŭ tâm n'gor aơ luh bơh phung ƀon lan Israel, jêh ri ăn ma n'gor aơ ma noi deh Y-Abraham, mĭt jiăng May, gay ƀư drăp ndơn n'ho ro ƀơh?

Nau Mprơ Ơm 27:14

Kâp gân hom ma Brah Yêhôva; Ktang hom jêh ri nâp! Di yơh, kâp gân hom Brah Yêhôva!

Daniel 10:19

Păng lah ma gâp: “Ơ nơm bu rŏng ngăn, lơi klach ôh. Gŭ đăp mpăn hom jêh ri nâp nuih n'hâm! Nâp hom nuih n'hâm!” Tơlah păng dôl ngơi ma gâp, geh ntop n'hâm suan gâp jêh ri lah: “Ơ kôranh, ăn may ngơi hom, yorlah may jêng n'hâm suan ma gâp.”

Ndrom Samƀŭt bơh Agê 2:4

Pôri aƀaơ, Brah Yêhôva lah: ‘Hơi Y-Sôrôƀaƀel, janh nănh hom! Bi ma may, Y-Yôsuê kôranh ƀư brah toyh lơn, kon bu klâu Y-Jêhôsadak, janh nănh hom tâm ban lĕ! Hơi lĕ rngôch phung ƀon lan gŭ tâm n'gor, nănh hom!’ Brah Yêhôva lah đŏng: ‘Pah kan hom, yorlah Gâp gŭ ndrel ma khân may,’ Brah Yêhôva ma phung tahan lah pônây.

Sakari 8:9

Brah Yêhôva ma phung tahan lah: “Tâm nar aơ, khân may jêng phung gŭ iăt lĕ nau ngơi tă bơh bâr mbung phung nơm mbơh lor, tâm nar jây Brah Yêhôva ma phung tahan, nâm bu ntĭt ngih brah, gay ƀư mbon ndâk njêng, pôri ăn khân may ƀư hom ma ti khân may nơm dơi dăng!

Nau Kơp Bunuyh 26:53

“Tĭng nâm rnoh bunuyh geh amoh săk bu mra tâm pă neh jêng drăp ndơn ma khân păng.

Nau Kơp Bunuyh 33:53

Khân may mra dơn n'gor nĕ jêng drăp ndơn jêh ri gŭ ta nây, yorlah Gâp ăn jêh n'gor nây jêng drăp ndơn ma khân may.

I Kôrintô 16:13

Ăn khân may gŭ njrăng hơm, gŭ nâp tâm nau chroh, ăn khân may nănh nuih n'hâm jêh ri ktang.

Êphêsô 6:10

Nglĕ dŭt, ăn khân may ktang tâm Kôranh Brah jêh ri rnơm ma nau ktang brah Păng.

Nau Vay Nkah Tay 1:21

Aơ Yêhôva Brah Ndu ăn jêh n'gor nây ma khân may. Hăn hao hom, sŏk dơn hom drăp ndơn, tĭng nâm Yêhôva Brah Ndu phung chô yau khân may hŏ lah jêh ma khân may. Lơi klach mâu lah rdja nuih n'hâm ôh.’

Nau Vay Nkah Tay 1:8

Aơ, Gâp ăn jêh n'gor aơ ma khân may! Lăp jêh ri pit sŏk hom n'gor Brah Yêhôva hŏ ton jêh ăn ma chô yau khân may jêng Y-Abraham, Y-Isăk, Y-Yakôb jêh ri ma phung kon sau khân păng.’

Nau Vay Nkah Tay 11:8

Pôri, ăn khân may djôt prăp lĕ rngôch nau vay ntăm bơh gâp ntĭnh ma khân may nar aơ, gay ma khân may tŏng nau dăng tâm lơh dơi pit sŏk n'gor, khân may dăch pit sŏk,

Nau Vay Nkah Tay 31:23

Brah Yêhôva ntĭnh ma Y-Yôsuê, kon bu klâu Y-Nun pô aơ: “Ăn dăng ktang jêh janh nanh hom, yorlah may mra njŭn leo phung kon Israel lăp tâm n'gor Gâp hŏ ton jêh ăn ma khân păng. Bi Gâp, Gâp mra gŭ ndrel ma may.”

II Timôthê 2:1

Pôri hơi kon, rnơm hom nau yô̆ tâm Brah Yêsu Krist gay ma ƀư ktang ma may nơm.

Yôsuê 1:18

Mbu tâm rdâng đah nau may ntăm jêh ri mâu tông ôh lĕ nau may ngơi, bu mra nkhĭt lơi nơm nây. Knŏng dăn may janh ktang jêh ri nănh nuih n'hâm.”

Yôsuê 1:7

Ăn may janh ktang, nănh nanê̆ jêh ri blau njrăng ƀư tĭng lĕ rngôch nau vay Y-Môis, oh mon Gâp, ntĭnh jêh ma may; lơi teng pa ma mâu lah pa chiau ôh, gay moh ntŭk may hăn mra dơi geh jêng.

Yôsuê 1:9

Mâu di Gâp hŏ ntĭnh jêh ma may? Janh ktang hom, nănh! Lơi râm sâr, lơi klach ôh! Yorlah Yêhôva Brah Ndu may gŭ ndrel ma may tâm ăp ntŭk may hăn.”

Yôsuê 10:25

Y-Yôsuê lah ma khân păng: “Lơi klach mâu lah rdja nuih n'hâm ôh; janh ktang hom jêh ri nâp, yorlah Brah Yêhôva mra ƀư tâm ban pônây ma lĕ rngôch phung rlăng khân may jêng phung khân may mra tâm lơh.”

Yôsuê 13:6

Bi ma lĕ rngôch phung ƀon lan gŭ tâm bri klơ dor yôk, ntơm bơh Liban tât ma Misrêpôt-Maim, lĕ rngôch phung Sidôn, Gâp nơm yơh mra mprơh khân păng luh bơh phung ƀon lan Israel. Ƀiălah may tâm pă hom bri nây ma phung Israel jêng drăp ndơn, tĭng nâm nau Gâp ntĭnh jêh ma may.

Yôsuê 18:3

Y-Yôsuê lah ma phung ƀon lan Israel: “Ndah nâm jŏ khân may lăp lơh pit sŏk bri Brah Yêhôva, Brah Ndu phung chô yau khân may, ăn jêh ma khân may?

Yôsuê 21:43

Pônây, Brah Yêhôva ăn ma phung Israel lĕ bri Păng ton jêh ăn ma khân păng pit sŏk jêh ri gŭ tâm bri nây.

Yôsuê 5:6

Yorlah phung ƀon lan Israel hŏ hăn tâm bri rdah puăn jât năm kŏ tât ma lĕ rngôch phung ƀon lan jêh ri lĕ phung tahan hŏ du luh bơh Êjipt khĭt ƀhiau, yorlah mâu tông bâr Brah Yêhôva. Brah Yêhôva hŏ ton ma khân păng pô aơ Păng mâu ăn ma khân păng saơ neh Brah Yêhôva hŏ ton ma chô yau khân păng mra ăn ma he, jêng neh bêng ma dak toh jêh ri dak sŭt.

I Samuel 4:9

Hơi phung Philistin, ăn gŭ janh hom, mpơl hom khân may nơm jêng phung janh ktang! Tơlah mâu, khân may mra jêng dĭk ma phung Hêbrơ nâm bu khân păng hŏ tă jêng dĭk ma khân may! Mpơl hom khân may nơm jêng phung janh ktang jêh ri tâm lơh hom!”