Yôsuê 1:4 - Nau Brah Ndu Ngơi 2023

⁴ Nkual neh khân may mra sŏk ntơm bơh bri rdah jêh ri bri Liban aơ tât ta dak krong toyh, jêng dak krong Ơphrat, lĕ bri phung Hitit tât ta Dak Mƀŭt Toyh mpeh nhâp nar.

Yôsuê 1:4 Iomraidhean Croise

I Phung Hađăch 10:29

Ăp bôk ndeh rvăt bơh n'gor Êjipt tâm rnoh klăp lah pơh kilô prăk, bi ăp mlâm seh rnoh klăp lah bar kilô prăk. Hađăch phung Hitit jêh ri hađăch Aram sâm đă phung tăch rgâl ăn ma hađăch rvăt tĭng nâm rnoh nây.

I Phung Hađăch 4:21

Y-Salômôn chiă uănh lĕ rngôch ƀon bri hađăch, ntơm bơh dak krong Ơphrat tât neh phung Philistin, ma tât n'har Êjipt. Lĕ ƀon bri hađăch nây djôt ndơ nhhơr jêh ri pah kan ma hađăch Salômôn lôch du njăr rêh hađăch.

I Nau Rêh Jêng 18:3

Y-Đavit dơi đŏng đah Y-Hadadêser, hađăch ƀon Sôba, mpeh ma Hamat, dôl păng hăn ƀư ăn nâp nau chiă uănh tât ta dak krong Ơphrat.

I Nau Rêh Jêng 5:9

Mpeh luh nar, păng pit sŏk neh ntơm bơh ntŭk lăp bri rdah n'ho tât dak krong Ơphrat, yorlah tâm n'gor Gilêat mpô mpa khân păng rong lĕ bĭk âk ngăn.

Êsra 4:20

Ta ƀon Yêrusalem hŏ geh phung hađăch geh nau dăng ktang chiă uănh ta mpeh đah ri dak krong, jêh ri bu nhhơr ndơ, chê̆ pi jêh ri chê̆ prăk rvăt samƀŭt rsong trong ma phung hađăch nây.

Nau Ngluh Êjipt 23:31

Gâp mra ƀư n'har bri kon ntơm bơh Dak Mƀŭt Chăng tât ta dak mƀŭt Philistin, ntơm bơh bri rdah tât ta dak krong toyh; yorlah Gâp mra jao lĕ phung bunuyh ta n'gor nây tâm ti kon, jêh ri kon mra mprơh khân păng mâu hôm saơ ta măt kon.

Nau Vay Nkah Tay 1:7

Aƀaơ, hăn plơ̆ hom jêh ri hăn tay, lăp ta n'gor klơ dor yôk phung Amôrit jêh ri tâm lĕ nkual chiau meng, jêng lăp ta nkual Arabah, n'gor klơ dor yôk, nkual Sêphêla, nkual Nêgep, jêh ri n'gor kơh dak mƀŭt, hăn tât ta n'gor phung Kanaan jêh ri Liban, tât ta dak krong toyh jêng dak krong Ơphrat.

Nau Vay Nkah Tay 11:24

Lĕ rngôch ntŭk mpang jâng khân may jot mra jêng ndơ khân may. N'har neh khân may mra ntơm bơh bri rdah tât ta Liban, bơh dak krong Ơphrat tât ta Dak Mƀŭt Nhâp Nar.

Nau Vay Nkah Tay 3:25

Gâp dăn ma Kôranh Brah ăn gâp dơi vay hăn rgăn jêh ri saơ n'gor ueh, n'gor klơ dor yôk ueh nây jêh ri dor Liban mpeh đah ri dak krong Yurdan.’

Nau Tâm Mpơl 9:14

Bâr ngơi nây lah ma tông mpăr rơh prao dôl djôt nŭng pô aơ: “Mƀơk luh hom puăn nuyh tông mpăr bu chăp jêh ta dak krong toyh Ơphrat.”