Yôsuê 1:2 - Nau Brah Ndu Ngơi 2023

² “Y-Môis, oh mon Gâp khĭt jêh. Aƀaơ may jêh ri lĕ rngôch ƀon lan aơ dâk hăn rgăn kơh ri dak krong Yurdan, gay lăp tâm bri Gâp dăch ăn ma phung ƀon lan Israel.

Yôsuê 1:2 Iomraidhean Croise

Nau Ntơm 17:8

Gâp mra ăn ma may jêh ri phung kon sau may neh may gŭ aƀaơ aơ, jêng lĕ n'gor Kanaan, jêng drăp ndơn n'ho ro. Gâp mra jêng Brah Ndu khân păng.”

Nêhêmi 9:23

Kôranh Brah hŏ ƀư jêh ma noi deh khân păng âk nâm bu mănh klơ trôk, Jêh ri njŭn khân păng tât ta n'gor Kôranh Brah hŏ ton ăn jêh ma phung chô yau khân păng ăn khân păng mra lăp pit sŏk n'gor bri nây.

Ndrom Samƀŭt bơh Yôp 1:8

Brah Yêhôva ôp tay ma Satan: “May geh mĭn rmiăng treng uănh ma Y-Yôp, oh mon Gâp đŏng? Ta neh ntu aơ mâu geh ôh bunuyh tâm ban ma Y-Yôp; păng jêng du huê bunuyh mâu geh nau bu dơi nduyh ôh jêh ri sŏng, klach yơk ma Brah Ndu jêh ri der lĕ nau mhĭk.”

Êsai 42:1

Aơ jêng oh mon Gâp, Nơm Gâp kâp kơl, Jêng Nơm Gâp hŏ săch jêh, jêh ri tâm Păng huêng Gâp geh nau maak. Gâp hŏ dơm jêh Brah Huêng Gâp ta klơ Păng, Jêh ri Păng mra mpơl nau sŏng ma lĕ bri dak.

Nau Kơp Bunuyh 12:7

Ƀiălah ma oh mon Gâp, păng jêng Y-Môis mâu geh pônây ôh. Păng răp jăp tâm lĕ ngih Gâp.

Nau Vay Nkah Tay 3:28

Ƀiălah ăn may ntĭnh hom ma Y-Yôsuê, n'hao nuih păng jêh ri ƀư ktang nuih n'hâm Y-Yôsuê yorlah păng nơm mra hăn lor tanăp phung ƀon lan aơ jêh ri njŭn leo khân păng lăp sŏk dơn drăp ndơn jêng n'gor may mra saơ.’

Nau Vay Nkah Tay 31:7

Lah ngơi lôch jêh, Y-Môis kuăl Y-Yôsuê jêh ri lah ma păng tanăp lĕ rngôch phung Israel: “Dăng ktang hom jêh ri janh nănh yorlah may nơm ndrel ma phung ƀon lan aơ mra mŭt ta n'gor Brah Yêhôva ton jêh ăn ma phung chô yau khân păng, jêh ri may mra pă n'gor nây ma khân păng ƀư drăp ndơn.

Nau Vay Nkah Tay 34:5

Y-Môis, oh mon Brah Yêhôva, khĭt ta nây, ta neh lâng klơ dor Môap, tĭng nâm nau Brah Yêhôva hŏ lah jêh.

Yôsuê 1:1

Jêh Y-Môis, oh mon Brah Yêhôva khĭt jêh, Brah Yêhôva lah ma Y-Yôsuê, kon bu klâu Y-Nun, nơm kơl kan Y-Môis:

Yôsuê 1:11

“Hăn nchuăt hom lam tâm rmlak tahan jêh ri ntăm ma phung ƀon lan pô aơ: ‘Ndrăp hom ndơ sông sa! Hôm tâm pe nar dơm khân may mra rgăn dak krong Yurdan aơ, gay lăp pit sŏk neh Yêhôva Brah Ndu khân may ăn ma khân may.’”