Yônais 2:8 - Nau Brah Ndu Ngơi 2023

⁸ Tơlah huêng gâp lĕ huơi jêh tâm gâp Pôri gâp kah gĭt ma Brah Yêhôva Jêh ri nau gâp mbơh sơm tât ma May, Lăp tât tâm ngih brah kloh ueh May.

Bunong Bible Latin Script Cambodian dialect

⁸ Dôl gâp bơi ŭch tăch n'hâm Gâp kah gĭt mbơh sơm ma May Jêh ri tăng tât Ta nhih jan brah May ta ƀon Yêrusalem ngăn ro.

Bunong

⁸ ទោល​គ៝ប់​ឞើយ​អុច​តាច់​នហ៝ម់ គ៝ប់​កាស​គឹត​មឞើស​ឆើម​មា​មៃ ជេសរី​តាង់​ត៝ត់ តា​ញីស​ជាន​ឞ្រាស​មៃ​តា​ប៝ន​យេរូឆាលឹម  ​ងាន់​រ៝។

Yônais 2:8 Iomraidhean Croise

II Phung Hađăch 17:15

Khân păng mưch rmot ma lĕ nau vay dăp bơh Păng tâm ban đŏng nau tâm rnglăp Păng hŏ ƀư jêh ma chô yau khân păng, jêh ri khân păng mưch rmot đŏng lĕ nau tâm rmal Păng hŏ ntăm jêh ma khân păng. Khân păng hăn tĭng ndô̆ phung brah dơm dam jêh ri khân păng nơm ăt rlơ̆ jêng dơm dam. Khân păng kơt phung ntil mpôl bunuyh gŭ văr jŭm, jêng phung ntil mpôl bunuyh Brah Yêhôva ntrŭnh jêh ma khân păng mâu tĭng kơt phung nây.

Nau Mprơ Ơm 142:4

Dăn May uănh pa ma gâp, Aơ, mâu geh bunuyh srâng iăt tât ma gâp ôh; Mâu đŏng geh ntŭk gay ma gâp nsing; Mâu geh nơm meng ma nau rêh gâp ôh.

Nau Mprơ Ơm 31:6

Gâp tâm rmot ma phung mbah rup brah dơm dam, Ƀiălah gâp rnơm nsing ma Brah Yêhôva.

Nau Mprơ Ơm 69:14

Dăn rklaih gâp bơh tâm bŏk, Lơi ăn rhuh jru tâm ntŭk nây. Ăn gâp dơi klaih bơh phung ji nuih ma gâp Jêh ri n'hor dak jru.

Yêrêmi 10:8

Khân păng jêng rluk mâl; Nau ntĭm nti tă bơh lĕ rup brah Mâu rlau ndơ bơh n'gâng tâm si.

Yêrêmi 16:19

Ơ Brah Yêhôva, May jêng n'hâm suan dăng ktang jêh ri pôih nâp ma gâp, Ntŭk nde krap gâp tâm nar rêh ni! Ntơm bơh nglĕ dŭt rplay neh, Lĕ bri dak mra văch ma May jêh ri lah: “Phung chô yau hên knŏng sŏk dơn lĕ brah mƀruh ndơm, Lĕ nau dơm dam, jêh ri mâu dơi geh nau khlay ôh.

Yêrêmi 2:13

“Phung ƀon lan Gâp hŏ tih bar ntil nau mhĭk: Khân păng hŏ chalơi Gâp, Jêng tu dak rêh; Kuyh êng ntu dak, Ntu dak lĕ đang, Mâu hôm prăp dak.

Mika 1:2

Hơi lĕ rngôch phung ƀon lan, iăt hom! Hơi neh ntu jêh ri lĕ rngôch ndô ndơ ta klơ neh, rkêng tôr iăt hom! Kôranh Brah Yêhôva tă bơh ngih kloh ueh Păng, Dăn Kôranh Brah mbơh nau tâm rdâng đah khân may!

I Samuel 12:21

lơi ta chalơi ôh Păng gay hăn tĭng lĕ rup brah dơm dam, khân păng mâu geh khlay ôh jêh ri mâu đŏng dơi tâm rklaih, yorlah khân păng knŏng jêng dơm dam.