Yônais 1:3 - Nau Brah Ndu Ngơi 2023

³ Ƀiălah Y-Yôna dâk hăn du pôn ma bri Tarsis gay der bơh panăp măt Brah Yêhôva. Păng hăn jŭr ta ƀon Jôpa mâp du mlâm kumpăn hăn ma bri Tarsis. Y-Yôna ăn prăk ncho jêh ri jŭr kumpăn hăn Tarsis ndrel khân păng gay der bơh panăp Brah Yêhôva.

Bunong Bible Latin Script Cambodian dialect

³ Yônais mâu iăt ôh nau Brah Yêhôva păng du nchuăt bơh măt Brah Yêhôva, păng dâk bơh nây ro, hăn jât ƀon Yôppê ri, ntŭk ƀon geh duk kuŏng kuŏng, gay ma hăn jât ƀon Tasơs i ƀon mpeh ma nhŏp nar kăl ti dak văch dak văr chrao. Păng say geh du mlŏm duk kuŏng, ŭch ndrăp hăn jât ƀon Tasơs, păng ăn prăk ma ncho duk, jêh ri păng jŭr ncho duk i nây ro, hăn jât ƀon Tasơs ndrel bu aƀă êng, păng ŭch du krap ngai bơh măt Brah Yêhôva ngăn ro.

Bunong

³ យោនាយ្ស  ​មោ​អ្យាត់​អោស​នាវ​ឞ្រាស​យេហោវា  ​ពាង់​ទូ​ញច្វាត់​ឞើស​មាត់​ឞ្រាស​យេហោវា  ពាង់​ទ៝ក់​ឞើស​នៃ​រ៝ ហាន់​ជឹត​ប៝ន​យោបពេ  ​រី នតុក​ប៝ន​គែស​ទូក​ក្វ៝ង់ៗ គៃ​មា​ហាន់​ជឹត​ប៝ន​តាឆើស  ​អី​ប៝ន​មពែស​មា​ញ៝ប់​នារ​កាល់​តី​ទាក​វាច់​ទាក​វារ់​ច្រាវ។ ពាង់​ឆៃ​គែស​ទូ​មល៝ម់​ទូក​ក្វ៝ង់ អុច​នទ្រាប់​ហាន់​ជឹត​ប៝ន​តាឆើស  ពាង់​អ៝ន់​ព្រាក់​មា​ញច៝​ទូក ជេសរី​ពាង់​ជុរ​ញច៝​ទូក​អី​នៃ​រ៝ ហាន់​ជឹត​ប៝ន​តាឆើស  ​នទ្រែល​ឞូ​អាបាៈ​អេង ពាង់​អុច​ទូ​ក្រាប​ងាយ​ឞើស​មាត់​ឞ្រាស​យេហោវា  ​ងាន់​រ៝។

Yônais 1:3 Iomraidhean Croise

Nau Ntơm 3:8

Dôl tăng nteh Yêhôva Brah Ndu hăn tâm n'gar trao nôk nđik kêng mhaơ, Y-Ađam jêh ri ur păng du krap ta nklang rlô si tâm n'gar trao gay ndâp măt Yêhôva Brah Ndu.

Nau Ntơm 4:16

Y-Kain du luh bơh nau mpơl muh măt Brah Yêhôva jêh ri gŭ tâm n'gor Nôt, mpeh ma luh nar Êđen.

I Phung Hađăch 19:3

Y-Êli klach jêh ri dâk nchuăt du gay tâm rklaih nau rêh păng nơm. Tât ta Bêr-Sêba tâm n'gor Yuđa, păng ăn oh mon păng gŭ ta aơ.

I Phung Hađăch 19:9

Tât ta nây, păng lăp tâm trôm lŭ jêh ri bê̆ch măng ta nây. Geh nau Brah Yêhôva lah ma păng: “Hơi Y-Êli, moh nau may dôl ƀư ta aơ?”

II Nau Rêh Jêng 2:15

Pôri aƀaơ, dăn ăn ba ƀlê, ba ôrgơ, dak ngi ôlive jêh ri ndrănh ma phung oh mon may tâm ban may hŏ lah jêh.

II Nau Rêh Jêng 2:16

Bi hên mra kăl tơm si ta klơ yôk Liban tĭng nâm may ŭch, kât nsum jêng nâm bu rkĭt njŭn tât ta Jôpa tĭng trong dak mƀŭt; jêh nây may mra rdeng păng tât ta Yêrusalem.”

II Nau Rêh Jêng 9:21

yorlah hađăch geh mpôl kumpăn hăn tât ta Tarsis ndrel ma phung gŭ ƀĭt kumpăn Y-Hiram; tâm pe năm du tơ̆, mpôl kumpăn nây djôt leo sĭt mah, prăk, la rveh, dôk jêh ri brak.

Êsra 3:7

Khân păng ăn prăk ma phung ndâk lŭ, phung trah si, ăn ndơ sông sa, dak nhêt, jêh ri dak ngi ôlive ma phung Sidôn jêh ri Tyre, gay khân păng djôt leo tơm si sêdar tă bơh bri Liban tât ta dak mƀŭt Jôpa, tĭng nâm samƀŭt nau ntrŭnh tă bơh Y-Sirus, hađăch Persi.

Ndrom Samƀŭt bơh Yôp 1:12

Brah Yêhôva lah ma Satan: “Nĕ aơ, Gâp jao lĕ drăp ndơ Y-Yôp tâm ti may, ƀiălah may mâu dơi yơr ti pah ôh ma Y-Yôp.” Satan du luh ro bơh tanăp măt Brah Yêhôva.

Ndrom Samƀŭt bơh Yôp 2:7

Satan du luh ro tă bơh tanăp Brah Yêhôva, jêh ri ƀư rêh ni ma Y-Yôp ma eh ok ji ngăn ntơm bơh mpang jâng tât klơ bôk.

Nau Mprơ Ơm 107:23

Geh bunuyh ncho kumpăn hăn klơ dak rlai, Jêh ri pah kan ta klơ dak mƀŭt toyh;

Êsai 2:16

Ma lĕ rngôch kumpăn Tarsis, Jêh ri ma lĕ rngôch kumpăn toyh lư.

Êsai 23:1

Nau mbơh lor ma Tyre: Ơ kumpăn Tarsis, nhĭm nhhiăng hom, Yorlah ƀon Tyre rai jêh, Mâu hôm geh ngih, mâu lĕ hôm geh trong mŭt! Tă bơh n'gor Kitim, khân păng hŏ gĭt nau nây.

Êsai 23:10

Ơ kon bu ur ƀon Tarsis, hăn rgăn hom bri neh khân ay, Tâm ban ma kuĭl dak krong Nil. Mâu hôm geh nau nhŭp kât ôh.

Êsai 23:6

Trơn rgăn hom ta Tarsis; Ơ phung gŭ ta kơh dak mƀŭt, nhĭm nhhiăng hom!

Êsai 60:9

Lĕ gôl dak mƀŭt mra kâp gân Gâp; Mpôl kumpăn bơh bri Tarsis văch lor lơn mra njŭn phung kon may bơh ngai plơ̆ sĭt, Ndrel ma prăk jêh ri mah khân păng, Gay ma tâm rnê amoh Yêhôva Brah Ndu may, Nơm Kloh Ueh Israel, Yorlah Păng ăn jêh nau chrêk rmah ma may.

Yêrêmi 10:9

Prăk chiăr n'hơ dơi lăp tă bơh Tarsis, Mah tă bơh Uphas, Ndơ nơm blau trah jêh ri kôp ti nơm chiăr prăk, Nsoh bok dak piêk sut chăng krăk ƀư ao; Lĕ rngôch tă bơh ti nơm blau da dê.

Êsêkiêl 2:8

Ƀiălah hơi kon bunuyh, iăt hom nau Gâp lah ma may. Lơi tâm rdâng ôh nâm bu ngih mơng vay tâm rdâng nây. Hă hom trôm mbung sa ndơ Gâp ăn ma may.”

Êsêkiêl 27:12

Phung gŭ tâm ƀon Tarsis tăch rgâl đah may geh âk drăp ndơ ăp ntil; khân păng rgâl prăk, loih, thao, ndrak, gay tâm rgâl drăp ndơ may tăch.

Êsêkiêl 3:14

Huêng Brah chông gâp leo rlet klơ jêh ri leo gâp hăn; gâp hăn nuih n'hâm bêng ma rngot ngăn ngên, ji nuih ngăn. Ti Brah Yêhôva dơm ta klơ gâp ma nau ktang ngăn.

Yônais 1:10

Phung bunuyh gŭ ta klơ kumpăn klach ngăn jêh ri ôp păng: “Moh nau may hŏ ƀư jêh?” Rnôk nây, khân păng gĭt jêh păng du ndĕ tă bơh măt Brah Yêhôva yorlah păng hŏ nkoch jêh ma khân păng.

Yônais 4:2

Păng mbơh sơm ma Brah Yêhôva pô aơ: “Ơ Brah Yêhôva, mâu di hĕ nau aơ jêng nau gâp hŏ lah jêh ma May dôl gâp hôm gŭ tâm bri gâp hĕ? Yor nây yơh gâp ndal hăn du ma bri Tarsis. Yorlah gâp gĭt May jêng Brah Ndu ueh, yô̆ nđach, mâu gơnh ji nuih ôh, bêng ma nau ueh jêh ri tâm rgâl nau mĭn mâu ƀư tŭp nau mhĭk.

Luka 9:62

Brah Yêsu plơ̆ lah: “Mbu nơm kuăn chuar ƀiălah uănh tay pakơi, mâu gop ma ƀon bri hađăch Brah Ndu ôh.”

Kôranh Oh Mon 15:38

Ƀiălah Y-Pôl mĭn mâu ueh djôt leo Y-Markôs, yorlah Y-Markôs hŏ chalơi bar hê khân păng ta n'gor Pamphili, mâu hăn ndrel ma khân păng tâm nau pah kan tay.

Kôranh Oh Mon 26:19

Hơi hađăch Agripa, ntơm bơh nây, gâp mâu janh tâm rdâng đah nau tâm saơ tă bơh klơ trôk ôh;

Kôranh Oh Mon 9:36

Ta ƀon Jôpa, geh du huê bu ur oh mon, amoh păng H'Tabitha, nâm bu ntĭt Dôrkas; păng ƀư âk kan ueh jêh ri vay ăn ndơ ma phung o ach.

Kôranh Oh Mon 9:38

Phung oh mon gĭt Y-Pêtrôs gŭ ta ƀon Liđa, dăch ƀon Jôpa, rĭ dĭng njuăl bar hê bunuyh hăn tât gay ŭch dăn păng: “Dăn jă păng văch gơnh.”

Kôranh Oh Mon 9:42

Nau nây tăng lư ma lĕ ƀon Jôpa, jêh ri geh âk bunuyh chroh ma Kôranh Brah.

Kôranh Oh Mon 9:43

Bi Y-Pêtrôs ăt gŭ âk nar ta ƀon Jôpa tâm ngih Y-Simôn, nơm nkra ntâu.

I Kôrintô 9:16

Tơlah gâp mbơh nkoch Nau Mhe Mhan Ueh, gâp mâu geh nau gay ma tâm rnê êng, yorlah gâp geh nau nchâp gay ƀư tâm ban pônây; ƀiălah, tơlah gâp mâu mbơh nkoch Nau Mhe Mhan Ueh, nau rêh ni ngăn ma gâp.

II Têsalônik 1:9

Khân păng mra geh nau tâm rmal roh rai n'ho ro, tâm nkhah bơh muh măt Kôranh Brah jêh ri bơh nau chrêk rmah nau brah Păng

Yôsuê 19:46

Mê-Jarkôn, jêh ri Rakôn, ndrel ma kô̆ neh tâm tham Jôpa.