Yôhan 9:39 - Nau Brah Ndu Ngơi 2023

³⁹ Brah Yêsu lah: “Gâp văch ta neh ntu aơ gay phat dôih, ƀư ăn bunuyh chieh măt dơi saơ, bi bunuyh saơ jêng chieh măt.”

Bunong Bible Latin Script Cambodian dialect

³⁹ Brah Yêsu lah: “Gâp văch ta neh ntu dja, gay ma phat dôih dâng lĕ bunuyh, jêh ri ăn bunuyh cheh măt jêng say ang, nđâp ma nhhơ ma bunuyh i kơp êng măt khân păng nơm say ang, khân păng ƀêng ma cheh, yorlah bunuyh gĭt năl Kôranh Brah ngăn tâm ban ma say ang.”

Bunong

³⁹ ឞ្រាស​យេឆូ  ​លាស៖ “គ៝ប់​វាច់​តា​នែស​នតូ​អ្យា គៃ​មា​ផាត​ទោយ្ស​ទឹង​លែៈ​ឞូនុយ្ស ជេសរី​អ៝ន់​ឞូនុយ្ស​ចែស​មាត់​ជេង​ឆៃ​អាង នអ៝ប់​មា​ញហើ​មា​ឞូនុយ្ស​អី​កើប​អេង​មាត់​ខាន់​ពាង់​នើម​ឆៃ​អាង ខាន់​ពាង់​បេង​មា​ចែស យ៝រ​លាស​ឞូនុយ្ស​គឹត​នាល់​កោរាញ​ឞ្រាស​ងាន់​តឹម​ឞាន​មា​ឆៃ​អាង”។

Yôhan 9:39 Iomraidhean Croise

Êsai 29:10

Yorlah Brah Yêhôva hŏ nkhŭt brah bê̆ch hăk ma khân may; Păng hŏ nsêt jêh măt khân may jêng phung nơm mbơh lor, Păng nkŭm jêh bôk khân may, jêng phung geh nau tâm saơ.

Êsai 44:18

Phung nây mâu gĭt rbăng ôh, mâu lĕ blau sek uănh; yorlah măt khân păng nhêp jêh gay mâu dơi saơ ôh, nuih n'hâm khân păng nchăng jêh gay mâu dơi gĭt rbăng.

Êsai 6:9

Păng lah, “Hăn hom jêh ri lah ma phung ƀon lan aơ: ‘Iăt hom jêh ri thoi đŏng iăt, Ƀiălah khân may mâu mra gĭt rbăng ôh; Uănh hom khân may, Ƀiălah khân may mâu saơ ôh.’

Êsêkiêl 12:2

“Hơi kon bunuyh, may gŭ ta nklang phung ƀư nau tâm rdâng. Khân păng geh trôm măt gay ma saơ ƀiălah mâu saơ ôh, geh tôr gay ma tăng ƀiălah mâu ŭch iăt ôh, yorlah khân păng jêng ngih tâm rdâng.

Mathay 11:5

Bunuyh chieh măt dơi saơ ang, bunuyh rvĕn dơi hăn, bunuyh phŭng sa dơi kloh, bunuyh tê̆k dơi tăng, bunuyh khĭt dơi dâk rêh tay, jêh ri bunuyh o ach dơi tăng Nau Mhe Mhan Ueh.

Mathay 15:14

Ăn kđôi khân păng; khân păng jêng phung chieh măt njŭn trong. Tơlah du huê chieh măt njŭn du huê chieh măt, lĕ bar hê khân păng mra tŭp tâm ntu.”

Mathay 6:23

ƀiălah tơlah măt may chieh, lĕ săk jăn may mra jêng nau ngo. Pôri, tơlah nau ang tâm may knŏng jêng nau ngo ri mơ nau ngo nây mra toyh ngăn yơh!”

Luka 1:79

Gay ma sol ang phung bunuyh gŭ tâm ntŭk ngo klĕng jêh ri tâm dâng gui nau khĭt, Jêh ri njŭn leo he chuat lăp trong đăp mpăn.”

Luka 13:30

N'hêl nanê̆ ngăn, geh phung bunuyh nglĕ mra jêng lor, jêh ri phung bunuyh lor plăch jêng nglĕ.”

Luka 2:34

Y-Simêôn ăn nau ueh uĭn ma khân păng jêh ri lah ma H'Mari, mê̆ kon se jê̆ pô aơ: “Kon se jê̆ aơ dơi lah nal gay ƀư ma âk bunuyh tâm phung Israel mƀăr nau nsing mâu lah dâk rêh tay, jêh ri jêng du nau tâm mbên ƀư nau tâm rdâng.

Luka 4:18

“Brah Huêng Ueh Brah Kôranh Brah gŭ ta klơ Gâp, Yorlah Păng tŏ jêh dak ƀâu kah ma Gâp gay mbơh nkoch Nau Mhe Mhan Ueh ma phung o ach.

Luka 7:21

Ta mông nây, Brah Yêsu ƀư bah âk bunuyh ji kuet, bunuyh lŭt jâng ti, bunuyh geh brah mhĭk lơh jêh ri ƀư ăn âk bunuyh chieh măt dơi saơ ang.

Yôhan 12:31

Aƀaơ aơ jêng nôk phat dôih neh ntu, jêh ri bu mra nsot lơi kôranh chiă uănh neh ntu aơ.

Yôhan 12:46

Gâp jêng nau ang hŏ văch jêh ta neh ntu, gay mbu nơm chroh ma Gâp mâu gŭ tâm nau ngo đŏng ôh.

Yôhan 3:17

Yorlah Brah Ndu hŏ njuăl Kon Păng văch ta neh ntu, mâu di gay tâm rmal neh ntu ôh, ƀiălah gay neh ntu yor ma Kon Păng dơi tâm rklaih.

Yôhan 3:19

Nau tâm rmal nây jêng kơt aơ: Nau ang hŏ tât jêh ta neh ntu, ƀiălah kon bunuyh ŭch nau ngo rlau lơn ma nau ang, yorlah kan khân păng jêng nau djơh mhĭk.

Yôhan 8:12

Brah Yêsu lah đŏng ma phung ƀon lan pô aơ: “Gâp jêng nau ang ma neh ntu, mbu nơm tĭng Gâp mâu mra hăn tâm nau ngo ôh, ƀiălah mra geh nau ang ma nau rêh.”

Yôhan 8:15

Khân may phat dôih tĭng nau vay bunuyh, ƀiălah Gâp mâu phat dôih bu ôh.

Yôhan 9:25

Bunuyh chieh plơ̆ lah: “Gâp mâu gĭt ôh păng jêng bunuyh geh nau tih mâu lah mâu. Gâp knŏng gĭt du ntil, bơh saơm dơh măt gâp chieh ƀiălah aƀaơ aơ dơi saơ ang.”

Kôranh Oh Mon 26:18

gay ma pơk an măt khân păng, ăn khân păng du bơh nau ngo hăn tâm nau ang, tă bơh nau dơi ktang Satan plơ̆ sĭt ma Brah Ndu; gay ma nau chroh ma Gâp, khân păng dơn nau yô̆ an nau tih jêh ri dơn kô̆ drăp ndơ ndrel ma phung kloh ueh.’

II Kôrintô 2:16

Ma phung bunuyh geh nau rai yot, hên jêng ndơ ƀâu nau khĭt, njŭn leo tât nau khĭt; ma phung bunuyh geh nau tâm rklaih, hên jêng ƀâu nau rêh, njŭn leo tât nau rêh. Mbu nơm jêng bunuyh dơi ƀư lĕ nau aơ?

Êphêsô 5:14

Yor nây, geh nau lah pô aơ: “Hơi nơm dôl bê̆ch, kah rngăl hom, Dâk hom may tă bơh nklang phung bunuyh khĭt, Ri mơ Brah Krist mra nchrat ang may.”

II Têsalônik 2:10

păng dŏng lĕ rngôch nau plĕch rlăm djơh mhĭk gay ndơm phung rai yot, yorlah khân păng mâu sŏk dơn ôh nau rŏng tâm nau ngăn gay dơn nau tâm rklaih.

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.

I Yôhan 2:11

Ƀiălah mbu nơm tâm rmot ma oh nâu păng nơm jêng gŭ tâm nau ngo, chuat hăn tâm nau ngo jêh ri mâu gĭt ôh mbah ntŭk păng nơm hăn, yorlah nau ngo ƀư chieh jêh măt păng.