Yôhan 9:31 - Nau Brah Ndu Ngơi 2023

³¹ He gĭt Brah Ndu mâu iăt ôh phung bunuyh geh nau tih, ƀiălah tơlah mbu nơm klach yơk ma Păng, jêh ri ƀư tĭng nâm nau mĭn Păng ŭch ri mơ Brah Ndu iăt nau păng.

Bunong Bible Latin Script Cambodian dialect

³¹ Bân lĕ gĭt, lah bunuyh jan tih, Kôranh Brah mâu iăt ôh. Bunuyh blao klach yơk ma Păng, ndrel ma jan tâng nau Păng ŭch mơ Păng iăt.

Bunong

³¹ ឞ៝ន់​លែៈ​គឹត លាស​ឞូនុយ្ស​ជាន​តីស កោរាញ​ឞ្រាស​មោ​អ្យាត់​អោស។ ឞូនុយ្ស​ឞ្លាវ​ក្លាច​យើក​មា​ពាង់ នទ្រែល​មា​ជាន​តឹង​នាវ​ពាង់​អុច​មើ​ពាង់​អ្យាត់។

Yôhan 9:31 Iomraidhean Croise

Nau Ntơm 19:29

Nôk Brah Ndu ƀư rai lĕ ƀon tâm neh lâng, ntŭk Y-Lot dôl gŭ, Păng kah gĭt ma Y-Abraham rĭ dĭng hŏ rklaih jêh Y-Lot du luh bơh nau ƀư rai nây.

Nau Ntơm 20:7

Aƀaơ, mplơ̆ tay hom păng ma sai păng nơm, yorlah sai păng jêng du huê nơm mbơh lor, păng mra mbơh sơm an ma may jêh ri may mra dơi rêh. Ƀiălah tơlah may mâu mplơ̆ ôh păng sĭt, ăn may gĭt may mra khĭt ngăn ro, nđâp lĕ rngôch bunuyh tâm ngih may.”

Ndrom Samƀŭt bơh Yôp 35:12

Khân păng lŭng nter ƀiălah Păng mâu plơ̆ lah ôh, Yorlah nuih n'hâm sưr rlau phung bunuyh djơh mhĭk.

Ndrom Samƀŭt bơh Yôp 35:13

N'hêl nanê̆, nau mbơh sơm mâu răp jăp Brah Ndu mâu iăt ôh, Nơm Geh Lĕ Nau Brah mâu mra treng uănh ôh.

Ndrom Samƀŭt bơh Yôp 42:8

Pôri aƀaơ, khân may sŏk hom pơh mlâm ndrôk nkuăng jêh ri pơh mlâm biăp nkuăng jêh nây hăn mâp Y-Yôp, jêng oh mon Gâp. Yorlah khân may nơm yơh ăn khân may nhhơr mpa ƀư brah gŭch, jêh nây Y-Yôp, oh mon Gâp, mra mbơh sơm ma khân may. Gâp mra dơn nau Y-Yôp jêh ri mâu rmal ôh ma khân may tĭng nâm nau rluk khân may; yorlah khân may mâu ngơi nau di ma Gâp nâm bu Y-Yôp, oh mon Gâp, hŏ ngơi jêh.”

Nau Mprơ Ơm 106:23

Yor nây, Brah Ndu lah pô aơ Păng mra ƀư rai khân păng. Ƀiălah Y-Môis jêng nơm Păng săch jêh, Dâk ntŭk pêch đang tanăp Păng, Gay dăn lơi ăn Păng ji nuih ƀư rai khân păng.

Nau Mprơ Ơm 143:10

Sâm nti gâp ƀư tĭng nau May ŭch, Yorlah May jêng Brah Ndu gâp; Brah May jêng ueh Njŭn leo gâp tâm neh lâng.

Nau Mprơ Ơm 145:19

Păng ƀư mpay ma phung klach yơk Păng, Tăng đŏng nau khân păng kuăl dăn jêh ri rklaih an khân păng.

Nau Mprơ Ơm 18:41

Khân păng nter ƀiălah mâu geh bunuyh kơl rklaih, Nter dăn ma Brah Yêhôva ƀiălah Păng mâu plơ̆ sĭt lah ôh.

Nau Mprơ Ơm 40:8

Ơ Kôranh Brah Ndu gâp, gâp maak ngăn ƀư tĭng nau mĭn May ŭch. Nau vay May gŭ tâm nuih n'hâm gâp.

Nau Mprơ Ơm 99:6

Tâm phung kôranh ƀư brah Păng geh Y-Môis jêh ri Y-Arôn, Tâm phung kuăl mbơh sơm ma amoh Păng geh Y-Samuel. Khân păng kuăl mbơh sơm ma Brah Yêhôva jêh ri Păng mplơ̆ lah ma khân păng.

Nau Hôr 15:29

Brah Yêhôva gŭ ngai phung ƀai, Ƀiălah Păng iăt nau mbơh sơm bơh phung sŏng srăng.

Nau Hôr 21:13

Phung nsêt tôr mâu ŭch iăt ôh nau kuăl nter bơh bunuyh o ach, Dôl phung nây kuăl nter ăt mâu geh lĕ nơm plơ̆ sĭt lah.

Nau Hôr 28:9

Mbu nơm nsêt tôr mâu ŭch iăt ôh nau vay, Nau mbơh sơm bơh bunuyh nây khư ma nau tâm rmot.

Êsai 1:15

Yor ri, lah khân may yơr klơ, Gâp mra nkŭm măt gâp ma khân may. Nđâp tơlah khân may mbơh sơm âk, Gâp mâu iăt ôh. Yor ti khân may pung mham.

Êsai 58:9

Rnôk nây, khân may kuăl, Brah Yêhôva mra plơ̆ sĭt lah; May kuăl rklaih, Păng mra lah: ‘Aơ ta aơ Gâp!’ Tơlah may mƀăr lơi mâng mbăk bơh khân may, Mâu tâm rlăch jêh ri mâu ngơi nau janh ƀai;

Yêrêmi 11:11

Yor nây, Brah Yêhôva lah pô aơ: ‘Aơ, Gâp mra ăn nau mhĭk tât ma khân păng jêh ri khân păng mâu dơi der ôh. Nđâp tơlah khân păng kuăl dăn ma Gâp, Gâp ăt mâu tăng ôh.

Yêrêmi 14:12

Nđâp lah khân păng ât sông sa, Gâp mâu mra iăt nau khân păng kuăl mbơh sơm; jêh ri nđâp lah khân păng nhhơr ndơ ƀư brah gŭch jêh ri ndơ ƀư brah rnih môi, Gâp ăt mâu dơn ôh; ƀiălah Gâp mra ƀư rai khân păng ma đao, nau sa sât ji ngot, jêh ri ma nau ji tưp.”

Yêrêmi 15:1

Brah Yêhôva lah ma gâp; “Nđâp lah Y-Môis jêh ri Y-Samuel dâk panăp măt Gâp, nuih n'hâm Gâp mâu hôm n'gĭl uănh ma phung ƀon lan aơ ôh. Mprơh hom khân păng bơh Gâp, jêh ri đă khân păng hăn du!

Êsêkiêl 8:18

Yor nây yơh, Gâp mra ƀư ma khân păng tĭng nau ji nuih; măt Gâp mâu nhhuach ôh, mâu lĕ yô̆ klâng đŏng. Nđâp tơlah khân păng kuăl nter tăng tât ma tôr Gâp, Gâp mâu hôm ŭch n'gĭl iăt ôh.”

Mika 3:4

Nôk nây, lĕ phung kôranh nây mra mbơh sơm ma Brah Yêhôva, Ƀiălah Păng mâu ôh plơ̆ lah. Păng mra pôn muh măt bơh khân păng Yorlah khân păng hŏ ƀư jêh nau djơh mhĭk.

Sakari 7:13

Brah Yêhôva ma phung tahan lah: ‘Lah Gâp kuăl, khân păng mâu ŭch iăt ôh, pôri lĕ, lah khân păng kuăl dăn, kŏ Gâp mâu iăt lĕ.

Yôhan 11:22

Ƀiălah gâp gĭt, nđâp aƀaơ ri, moh ndơ Nơm Nti dăn ma Brah Ndu, Brah Ndu mra ăn ma Nơm Nti.”

Yôhan 15:16

Mâu di khân may ôh săch Gâp, ƀiălah Gâp săch jêh khân may jêh ri njuăl khân may, gay khân may hăn, geh play âk, jêh ri play khân may ăt hôm ƀaƀơ; pôri moh nau khân may mra dăn ma Mbơ̆ tâm amoh Gâp, Păng mra ăn nau nây ma khân may.

Yôhan 4:34

Brah Yêsu lah ma khân păng: “Ndơ sông sa Gâp jêng ƀư tĭng nau mĭn ŭch Nơm hŏ njuăl Gâp, jêh ri ƀư lôch jêh nau kan Păng.

Yôhan 7:17

Tơlah mbu nơm ŭch ƀư tĭng nau Brah Ndu ŭch, nơm nây mra gĭt nau Gâp nti luh tă bơh Brah Ndu mâu lah tĭng nau mĭn Gâp nơm ŭch.

Yôhan 9:30

Bunuyh chieh măt plơ̆ lah: “Păng hŏ pơk jêh măt ma gâp ƀiălah khân may mâu gĭt mbah tă păng tât, mha ngăn nau nây.

Yôhan 9:32

Ntơm bơh saơm tât aƀaơ aơ, ê hŏ prot tăng ôh geh bunuyh pơk măt ma bunuyh chieh ntơm nôk mhe deh.

Nau Vay Nkah Tay 1:45

Rnôk plơ̆ sĭt khân may hŏ nhĭm jêh tanăp măt Brah Yêhôva, ƀiălah Brah Yêhôva mâu iăt ôh jêh ri kŏ mâu đŏng rkêng tôr ma nau khân may nter nhĭm.

ហេឞ្រើ 10:7

Nôk nây, gâp lah: ‘Ơ Brah Ndu, aơ gâp văch, Tâm ndrom samƀŭt geh nchih ma gâp. Gâp văch gay ƀư tĭng nâm nau Kôranh Brah ŭch.’ ”