Yôhan 9:24 - Nau Brah Ndu Ngơi 2023

²⁴ Du tơ̆ đŏng, phung Pharisi kuăl tay bunuyh alor hŏ chieh măt, jêh ri lah: “Tâm rnê hom ma Brah Ndu! Hên gĭt bunuyh nây jêng bunuyh geh nau tih.”

Bunong Bible Latin Script Cambodian dialect

²⁴ Jêh ri bu kuăl tay bunuyh tă cheh măt nây ôp tay du tơ̆ jât, bu lah păng: “Hên đă may ngơi nau ngăn hŏm ta năp măt Kôranh Brah! Hên lĕ gĭt jêh Bunuyh i nây, Păng Bunuyh jan tih ngăn.”

Bunong

²⁴ ជេសរី​ឞូ​ក្វាល់​តៃ​ឞូនុយ្ស​តាៈ​ចែស​មាត់​នៃ​អោប​តៃ​ទូ​តឹ​ជឹត ឞូ​លាស​ពាង់៖ “ហេន​ដាៈ​មៃ​ងើយ​នាវ​ងាន់​ហ៝ម់​តា​នាប់​មាត់​កោរាញ​ឞ្រាស! ហេន​លែៈ​គឹត​ជេស​ឞូនុយ្ស​អី​នៃ ពាង់​ឞូនុយ្ស​ជាន​តីស​ងាន់”។

Yôhan 9:24 Iomraidhean Croise

Êsra 10:11

Pôri aƀaơ, mbơh hom nau tih khân may ma Yêhôva Brah Ndu chô yau khân may, jêh ri ƀư tĭng nâm nau mĭn ŭch Păng: Tâm nkhah hom khân may nơm bơh lĕ ntil mpôl bunuyh gŭ tâm n'gor jêh ri bơh phung ur bu năch.”

Êsai 66:5

Ơ khân may jêng phung râm nsâr ma nau Ngơi Brah Yêhôva, Iăt hom nau Brah Yêhôva: “Phung oh nâu khân may tâm rmot ma khân may Jêh ri mƀăr lơi khân may yor amoh Gâp, khân păng geh lah pô aơ: ‘Ăn Brah Yêhôva geh nau chrêk rmah, Gay ma hên dơi saơ nau răm maak khân may!’ Ƀiălah khân păng yơh mra bêk.”

Markôs 15:27

Ndrel ma Brah Yêsu, khân păng pâng kđĭn đŏng bar hê bunuyh ntŭng: du huê pa ma, du huê pa chiau Brah Yêsu.

Luka 15:2

Phung Pharisi jêh ri phung kôranh nchih samƀŭt ngơi ƀŭk dŭk suyh lah: “Bunuyh aơ rom phung tih jêh ri sông sa ndrel ma khân păng!”

Luka 19:7

Saơ pônây lĕ rngôch bunuyh ngơi ƀŭk dŭk suyh: “Păng hăn gŭ tâm ngih du huê bunuyh tih!”

Luka 7:39

Bunuyh Pharisi jă jêh Brah Yêsu, saơ kơt nây, mĭn êng: “Tơlah bunuyh aơ jêng nơm mbơh lor, nanê̆ ngăn gĭt năl bu ur pah ta Păng jêng mbu moh, mâm moh bunuyh, yor păng jêng bu ur tih.”

Yôhan 14:30

Gâp mâu mra hôm ngơi âk ma khân may ôh, yorlah nơm chiă uănh neh ntu aơ văch. Păng mâu geh nau dơi đah Gâp ôh,

Yôhan 16:2

Khân păng mra nsot lơi khân may luh bơh ngih rƀŭn; jêh ri mra tât mông rnôk mbu nơm ƀư nkhĭt khân may mra mĭn păng pah kan ma Brah Ndu.

Yôhan 18:30

Khân păng plơ̆ lah: “Lah păng mâu di jêng bunuyh mhĭk hên mâu njŭn leo ôh păng ma kôranh.”

Yôhan 19:6

Ƀiălah dôl phung kôranh ƀư brah toyh jêh ri phung kôranh saơ Brah Yêsu, khân păng nter huy: “Pâng păng ma kđĭn ta si tâm rkăng! Pâng păng ma kđĭn ta si tâm rkăng!” Pilat đă ma khân păng: “Khân may sŏk djôt păng ma khân may nơm jêh ri pâng kđĭn, yor gâp mâu ôh saơ păng geh nau tih.”

Yôhan 5:23

gay lĕ bunuyh yơk ma Kon tâm ban yơk ma Mbơ̆ lĕ. Mbu nơm mâu yơk ma Kon mâu đŏng yơk ma Mbơ̆ jêng Nơm hŏ njuăl Kon văch.

Yôhan 8:46

Mbu nơm tâm phung khân may dơi phong Gâp jêng tih? Lah Gâp ngơi nau ngăn, mâm ƀư khân may mâu chroh ma Gâp?

Yôhan 8:49

Brah Yêsu plơ̆ lah: “Gâp mâu geh brah mhĭk lơh ôh, ƀiălah Gâp tâm rnê Mbơ̆ Gâp, bi khân may ƀư bêk ma Gâp.

Yôhan 9:16

Ƀaƀă bunuyh tâm phung Pharisi lah: “Bunuyh nây mâu di luh tă bơh Brah Ndu ôh, yorlah mâu djôt prăp nar saƀat.” Phung êng lah: “Du huê bunuyh tih mâm dơi ƀư lĕ nau mbên khlay kơt nây?” Jêh ri khân păng geh nau tâm nkhah ndrăng khân păng.

Yôhan 9:25

Bunuyh chieh plơ̆ lah: “Gâp mâu gĭt ôh păng jêng bunuyh geh nau tih mâu lah mâu. Gâp knŏng gĭt du ntil, bơh saơm dơh măt gâp chieh ƀiălah aƀaơ aơ dơi saơ ang.”

Samƀŭt Pôl Njuăl Ăn Ma Phung Nsing Ta Ƀon Rôm 8:3

Yorlah moh nau vay mâu dơi ƀư, yor nglay săk ƀư păng rdja, Brah Ndu ƀư jêh: Păng njuăl Kon Păng nơm geh nglay săk tâm ban ma nglay săk tih gay ma dăp nkra nau tih; Păng tâm rmal jêh nau tih tâm nglay săk,

II Kôrintô 5:21

Brah Ndu hŏ ƀư jêh Nơm mâu mâp gĭt năl ôh nau tih plơ̆ jêng nau tih yor he, gay tâm Nơm nây he plơ̆ jêng nau sŏng srăng tanăp Brah Ndu.

Yôsuê 7:19

Y-Yôsuê lah ma Y-Akan “Aơ kon, tâm rnê hom ma Yêhôva Brah Ndu Israel jêh ri tâm rnê ma Păng. Mbơh ngăn hom ma gâp nau may ƀư jêh, lơi mo du ntil ndơ ôh.”

Nau Tâm Mpơl 11:13

Nôk nây, geh du nau n'găr neh dŭt hâu ngăn; du kô̆ tâm jât ƀon toyh rlâm; pơh rbăn nuyh khĭt tâm nau n'găr neh ntu. Phung bunuyh hôm e klach krit da dê jêh ri nhhơr nau chrêk rmah ma Brah Ndu ta klơ trôk.