Yôhan 9:22 - Nau Brah Ndu Ngơi 2023

²² Mê̆ mbơ̆ păng lah pônây yor klach ma phung Yuđa, yor phung Yuđa hŏ tâm lăp nau tơlah mbu nơm mbơh Brah Yêsu jêng Brah Krist, bu mprơh lơi păng luh bơh ngih rƀŭn.

Bunong Bible Latin Script Cambodian dialect

²² Dâng mê̆ bơ̆ păng ngơi kơt nây, khân păng klach mpôl kôranh phung Israel, yorlah mpôl kôranh phung Israel lĕ tâm di nau, lah bu moh kơp Brah Yêsu jêng Brah Krist, bu mprơh lơi ăn lôh bơh ntŭk nhih rƀŭn phung Israel khân păng nơm.

Bunong

²² ទឹង​មេៈ​ឞឹ​ពាង់​ងើយ​កើត​នៃ ខាន់​ពាង់​ក្លាច​មពោល​កោរាញ​ផូង​អីឆ្រាអែល  យ៝រ​លាស​មពោល​កោរាញ​ផូង​អីឆ្រាអែល  ​លែៈ​តឹម​ទី​នាវ លាស​ឞូ​ម៝ស​កើប​ឞ្រាស​យេឆូ  ​ជេង​ឞ្រាស​ក្រីស  ឞូ​មព្រើស​លើយ​អ៝ន់​លោស​ឞើស​នតុក​ញីស​រាបុន​ផូង​អីឆ្រាអែល  ​ខាន់​ពាង់​នើម។

Yôhan 9:22 Iomraidhean Croise

Nau Hôr 29:25

Rvê klach kon bunuyh jêng du mlâm dăk sân, Ƀiălah mbu nơm nsing ma Brah Yêhôva mơ dơi geh nau mpăn.

Êsai 51:12

“Gâp, Gâp yơh jêng Nơm bonh khân may. Mbu nơm may dĭng may klach ma bunuyh blau khĭt, Klach phung kon bunuyh jêng phung mra tâm ban ma gơ̆?

Êsai 51:7

Ơ phung gĭt nau sŏng, iăt hom Gâp! Khân may jêng phung nchih nau vay Gâp tâm nuih n'hâm; Lơi klach ôh ma nau bunuyh nduyh, Mâu lĕ krit kir ma nau khân păng suai rak.

Êsai 57:11

Ma mbu khân may krit jêh ri klach Kŏ tât may mƀruh, May mâu kah gĭt ma Gâp, Jêh ri mâu klâng rvê ma Gâp? Mâu di hĕ yorlah jŏ jêh Gâp gŭ rklăk, Rĭ dĭng may mâu klach yơk ma Gâp?

Luka 6:22

Ueh maak yơh ma phung kon tơlah yor ma Kon Bunuyh bu tâm rmot, mprơh, ngơi mhĭk, mƀăr lơi amoh khân may tâm ban nơm djơh mhĭk.

Yôhan 1:19

Aơ jêng nau Y-Yôhan mbơh: Lah phung Yuđa njuăl phung kôranh ƀư brah jêh ri phung Lêvi tă bơh ƀon Yêrusalem tât ôp păng pô aơ: “Moh may jêng?”

Yôhan 16:2

Khân păng mra nsot lơi khân may luh bơh ngih rƀŭn; jêh ri mra tât mông rnôk mbu nơm ƀư nkhĭt khân may mra mĭn păng pah kan ma Brah Ndu.

Yôhan 19:38

Jêh nau nây, Y-Yôsep bunuyh ƀon Arimathê, jêng oh mon tĭng Brah Yêsu ma nau ndâp, yor klach ma phung Yuđa, păng dăn ma Pilat gay ma dăn sŏk săk Brah Yêsu. Pilat ăn. Pôri, păng hăn sŏk săk Brah Yêsu ro.

Yôhan 20:19

Dăch kêng nar nây, nar tal nguay tâm pơh, lĕ mpông ta ntŭk phung oh mon gŭ nchăng lĕ, yor klach ma phung Yuđa. Brah Yêsu văch dâk ta nklang phung khân păng jêh ri lah: “Ăn nau đăp mpăn ma khân may!”

Yôhan 7:13

Ƀiălah yor klach ma phung Yuđa, pôri mâu geh bunuyh nănh ngơi mpơl ma Păng.

Yôhan 9:18

Ƀiălah, phung Yuđa nây mâu chroh ôh ma nau nơm chieh măt dơi saơ ang, ma tât nôk khân păng kuăl mê̆ mbơ̆ păng tât

Yôhan 9:21

Ƀiălah hên mâu gĭt ôh mâm măt păng dơi saơ ang. Hên mâu gĭt lĕ mbu nơm pơk măt ma păng. Khân may ôp păng, păng lĕ toyh jêh, păng mra êng ngơi.”

Yôhan 9:34

Khân păng plơ̆ lah: “Bu deh ma may tâm nau tih, may ŭch nti hên đŏng hĕ?” Jêh nây khân păng mprơh păng luh padih.

Yôhan 9:35

Brah Yêsu tăng bu mprơh păng luh padih, jêh ri Brah Yêsu tâm mâp đah păng, Păng ôp: “May chroh lĕ ma Kon Bunuyh?”

Kôranh Oh Mon 4:18

Pôri, khân păng kuăl bar hê khân păng lăp jêh ri buay lơi sŏk amoh Brah Yêsu gay ma ngơi mâu lah nti đŏng.

Kôranh Oh Mon 5:13

Mâu geh bunuyh êng ôh janh lăp ndrel ma khân păng, ƀiălah phung ƀon lan tâm rnê ma khân păng hâu ngăn.

Kôranh Oh Mon 5:40

Khân păng kuăl tay phung kôranh oh mon lăp, đă bu dong phung nây ma mâng jêh ri buay mâu ăn nti lah tâm amoh Brah Yêsu ôh, jêh nây mƀơk bar hê khân păng.

Nau Tâm Mpơl 21:8

Bi ma phung ƀlao, phung mâu chroh, phung ƀơ̆, phung nkhĭt bunuyh, phung văng tĭr, phung ƀư nau blau rƀên, phung mbah rup brah, jêh ri lĕ rngôch phung ngơi mƀruh, nau nkhôm khân păng jêng nglao ŭnh mô ŭnh dôl hit. Nau nây jêng nau khĭt rơh bar.”