Yôhan 8:44 - Nau Brah Ndu Ngơi 2023

⁴⁴ Khân may luh tă bơh mbơ̆ khân may jêng brah mhĭk, jêh ri khân may ŭch ƀư tĭng nau kơnh ŭch ma mbơ̆ khân may. Bơh ntơm saơm păng jêng nơm nkhĭt bunuyh, jêh ri mâu gŭ tâm nau ngăn ôh, yorlah nau ngăn mâu geh tâm păng ôh. Lah păng ngơi nau mƀruh jêng ngơi tĭng nuih n'hâm djơh păng nơm, yorlah păng jêng nơm mƀruh jêh ri mbơ̆ nau mƀruh.

Bunong Bible Latin Script Cambodian dialect

⁴⁴ Bơ̆ khân ay may nơh Satăng i kôranh mpôl brah djơh, khân ay may ŭch jan tâng nau păng ŭch. Păng nkhât bunuyh bơh ntơm saơm ngăn, păng i nơm mƀrôh, ndrel ma păng mâu ôh ngơi nau ngăn, yorlah ta nuih n'hâm păng mâu geh ôh nau ngăn. Dôl păng mbơh ngơi mƀrôh, păng tâm di ma nuih n'hâm păng nơm ro, yorlah păng nơh jêng nơm mƀrôh, ndrel ma jêng nơm tơm dâng lĕ nau mƀrôh đŏng.

Bunong

⁴⁴ ឞឹ​ខាន់​អៃ​មៃ​នើស​ឆាតាង់  ​អី​កោរាញ​មពោល​ឞ្រាស​អ្យើស ខាន់​អៃ​មៃ​អុច​ជាន​តឹង​នាវ​ពាង់​អុច។ ពាង់​ងខឹត​ឞូនុយ្ស​ឞើស​នតើម​ឆាអើម​ងាន់ ពាង់​អី​នើម​មរោស នទ្រែល​មា​ពាង់​មោ​អោស​ងើយ​នាវ​ងាន់ យ៝រ​លាស​តា​នូយ្ស​នហ៝ម់​ពាង់​មោ​គែស​អោស​នាវ​ងាន់។ ទោល​ពាង់​មឞើស​ងើយ​មរោស ពាង់​តឹម​ទី​មា​នូយ្ស​នហ៝ម់​ពាង់​នើម​រ៝ យ៝រ​លាស​ពាង់​នើស​ជេង​នើម​មរោស នទ្រែល​មា​ជេង​នើម​តើម​ទឹង​លែៈ​នាវ​មរោស​ដ៝ង់។

Yôhan 8:44 Iomraidhean Croise

Nau Ntơm 3:15

Gâp mra ƀư ma may jêh ri bu ur, Noi deh may jêh ri noi deh bu ur tâm rlăng. Păng mra jot nkrâm sôt bôk may, Bi may mra kăp ndơl jâng păng.”

I Phung Hađăch 22:22

Brah nây lah: ‘Gâp mra hăn jêh ri ƀư du huê brah ngơi mƀruh tâm trôm mbung lĕ rngôch nơm mbơh lor păng.’ Brah Yêhôva lah: ‘Di ngăn, may mra ndơm păng. Hăn hom jêh ri ƀư kơt nĕ.’

I Nau Rêh Jêng 21:1

Satan dâk tâm rdâng đah phung Israel, jêh ri nsŭk nsôr Y-Đavit kơp rnoh bunuyh.

Ndrom Samƀŭt bơh Yôp 1:11

Ƀiălah aƀaơ Kôranh Brah yơr ti rlong ƀư tâm lĕ rngôch drăp ndơ păng geh, uănh păng gĭt geh nau suai rak Kôranh Brah tanăp măt đŏng!”

Mathay 12:34

Hơi phung kon bêh rmâng! Khân may phung djơh mhĭk, mâm dơi ngơi nau ueh? Yorlah bêng tâm nuih n'hâm rĭ dĭng mbung luh ngơi.

Mathay 13:15

Yorlah nuih n'hâm phung aơ jêng brơl; Tôr lĕ rngêl, Măt lĕ nhêp, Klach măt lĕ saơ, Tôr lĕ tăng, Nuih n'hâm lĕ gĭt rbăng, Khân păng plơ̆ tay, Jêh ri Gâp mra ƀư bah an.’

Mathay 13:38

mir lŏ jêng neh ntu; grăp ueh jêng phung kon ƀon bri hađăch klơ trôk; gơ̆ mhĭk jêng phung kon brah djơh;

Yôhan 6:70

Brah Yêsu plơ̆ lah: “Mâu di hĕ Gâp hŏ săch jêh khân may jêng jât ma bar oh mon? Ƀiălah du huê tâm phung khân may jêng brah mhĭk?”

Yôhan 7:17

Tơlah mbu nơm ŭch ƀư tĭng nau Brah Ndu ŭch, nơm nây mra gĭt nau Gâp nti luh tă bơh Brah Ndu mâu lah tĭng nau mĭn Gâp nơm ŭch.

Yôhan 8:38

Gâp lah lĕ nau Gâp hŏ saơ jêh ta ntŭk Mbơ̆ Gâp, bi khân may ƀư lĕ nau khân may tăng bơh mbơ̆ khân may nơm.”

Yôhan 8:41

Khân may ƀư kan ma mbơ̆ khân may nơm.” Khân păng lah: “Hên mâu di jêng kon văng tĭr ôh, hên knŏng geh du Mbơ̆, jêng Brah Ndu.”

Yôhan 8:55

Khân may mâu gĭt năl Păng ôh, ƀiălah Gâp gĭt năl Păng. Lah Gâp lah Gâp mâu gĭt năl Păng ôh, Gâp mra jêng bunuyh mƀruh tâm ban ma khân may. Ƀiălah Gâp gĭt năl Păng ngăn jêh ri djôt prăp nau Păng ngơi.

Kôranh Oh Mon 13:10

“May jêng kon brah mhĭk, nơm rlăng ma lĕ nau sŏng, bêng ma ndơm jêh ri janh ƀai! May ƀư kue trong sŏng Kôranh Brah mro ƀơh?

Kôranh Oh Mon 24:9

Phung Yuđa geh tâm di du ai nuih n'hâm đah nau phong nây jêh ri lah nanê̆ di ngăn kơt nây.

Kôranh Oh Mon 5:3

Y-Pêtrôs lah: “Hơi Y-Ananias! Mâm ƀư ăn Satan bêng tâm nuih n'hâm may, kŏ tât may ngơi mƀruh Brah Huêng Ueh gay prăp tay du kô̆ rnoh prăk tăch neh nây?

II Kôrintô 11:3

Ƀiălah gâp klach, nâm bu bêh dŏng tâm nchră ndơm mƀruh H'Êva, nau mĭn khân may geh đŏng nau mhĭk, roh nau nanê̆ ngăn jêh ri nau kloh rsang đah Brah Krist nâm pônây.

I Pêtrôs 5:8

Ăn gŭ di keh jêh ri gŭ rngeh njrăng; phung rlăng đah khân may jêng phung brah mhĭk, nâm bu yau mŭr ngrông, ndăch nsong jŭm khân may joi mbu nơm păng dơi sa hêk,

II Pêtrôs 2:4

Yorlah tơlah Brah Ndu mâu yô̆ an ma phung tông mpăr nôk khân păng ƀư tih, ƀiălah klŭp lơi khân păng tâm ndrung ŭnh jêh ri krŭng prăp tâm ntŭk ngo ngăn gay gŭ kâp tât nar phat dôih;

I Yôhan 1:8

Tơlah he lah he nơm mâu geh nau tih ôh, he mƀruh ndơm êng he nơm yơh, jêh ri nau ngăn mâu gŭ tâm he ôh.

I Yôhan 2:21

Gâp nchih ma khân may, mâu di yorlah khân may mâu gĭt nau ngăn ôh, ƀiălah yor khân may gĭt nau ngăn jêh ri gĭt rbăng mâu geh ôh du ntil nau mƀruh tă bơh nau ngăn.

I Yôhan 2:4

Mbu nơm lah: “Gâp gĭt năl păng jêh,” ƀiălah mâu tông prăp ôh nau vay Păng ntăm bunuyh nĕ jêng ngơi mƀruh, jêh ri nau nanê̆ ngăn mâu gŭ tâm bunuyh nây ôh.

I Yôhan 3:12

Lơi jêng nâm bu Y-Kain jêng bunuyh luh tă bơh Brah mhĭk jêh ri nkhĭt lơi oh păng nơm. Mâm ƀư Y-Kain nkhĭt oh păng? Yorlah lĕ kan păng jêng djơh mhĭk, lĕ kan oh păng jêng sŏng srăng.

I Yôhan 3:15

Mbu nơm tâm rmot ma phung oh nâu păng nơm jêng bunuyh tâm nkhĭt bunuyh, jêh ri khân may gĭt mâu geh ôh du huê nkhĭt bunuyh geh nau rêh n'ho ro gŭ tâm păng.

Yuđas 1:6

Bi phung tông mpăr mâu djôt prăp tâm ntŭk khân păng, chalơi ntŭk khân păng nơm, Brah Ndu dŏng rse rvăk gay kăt khân păng n'ho ro tâm ntŭk ngo klĕng gay kâp nau phat dôih ta nar toyh.

Nau Tâm Mpơl 12:9

Bu klŭp mƀăr bêh nhŭk nhăk toyh jŭr ta neh, jêng bêh ơm, bu rnha jêng brah mhĭk mâu lah Satan, nơm ndơm mƀruh lĕ kon bunuyh. Bu klŭp păng jŭr ta neh ntu; phung mbơh păng bu klŭp mƀăr jŭr ndrel ma păng.

Nau Tâm Mpơl 13:14

Păng ndơm mƀruh phung gŭ ta neh ntu ma nau mbên khlay, bu ăn păng dơi vay ƀư tanăp mpô mpa dŭt janh; jêh ri đă ma khân păng ƀư rup trah mpô mpa geh ntŭk sôt rmanh ƀơh đao gưm ƀiălah ăt hôm rêh.

Nau Tâm Mpơl 2:10

May lơi klach ôh ma lĕ nau rêh ni may bơi dơn. Aơ, brah mhĭk dăch mƀăr ƀaƀă tâm phung khân may ăn tâm ndrung gay rlong uănh khân may; jêh ri khân may mra geh nau rêh ni tâm jât nar. Gŭ răp jăp hom tât khĭt, jêh ri Gâp mra ăn ma may đon hađăch nau rêh.’

Nau Tâm Mpơl 21:8

Bi ma phung ƀlao, phung mâu chroh, phung ƀơ̆, phung nkhĭt bunuyh, phung văng tĭr, phung ƀư nau blau rƀên, phung mbah rup brah, jêh ri lĕ rngôch phung ngơi mƀruh, nau nkhôm khân păng jêng nglao ŭnh mô ŭnh dôl hit. Nau nây jêng nau khĭt rơh bar.”

Nau Tâm Mpơl 22:15

Phung so, phung ƀư nau blau rƀên, phung văng tĭr, phung nkhĭt bunuyh, phung mbah rup brah, jêh ri lĕ rngôch phung rŏng jêh ri ƀư nau mƀruh gŭ padih da dê.

Nau Tâm Mpơl 9:11

Hađăch ma khân păng jêng phung mbơh tă bơh brŏng jru, geh amoh tâm nau ngơi Hêbrơ jêng Abadôn, jêh ri tâm nau ngơi Grek jêng Apôliôn.