Yôhan 7:42 - Nau Brah Ndu Ngơi 2023

⁴² Mâu di hĕ Nau Brah Ndu Ngơi mbơh pô aơ Brah Krist Păng luh bơh noi deh Y-Đavit jêh ri văch tă bơh ƀon Ƀêtlêhem, jêng ƀon Y-Đavit ƀơh?”

Bunong Bible Latin Script Cambodian dialect

⁴² Yorlah ta Nau Kôranh Brah Ngơi lah, Brah Krist deh bơh rnoi deh kađăch Đavid, ndrel ma lôh tă bơh ƀon Ƀêtlêhem, i ntŭk ƀon deh kađăch Đavid nơm ƀah?”

Bunong

⁴² យ៝រ​លាស​តា​នាវ​កោរាញ​ឞ្រាស​ងើយ​លាស ឞ្រាស​ក្រីស  ​ទែស​ឞើស​រាន៝យ​ទែស​កាដាច់​ដាវីត  នទ្រែល​មា​លោស​តាៈ​ឞើស​ប៝ន​បេតលេហឹម  អី​នតុក​ប៝ន​ទែស​កាដាច់​ដាវីត  ​នើម​បាស?”

Yôhan 7:42 Iomraidhean Croise

I Nau Rêh Jêng 2:51

Y-Salma jêng mbơ̆ Y-Ƀêtlêhem, jêh ri Y-Harep jêng nơm njêng ma Y-Bet-Gader.

Nau Mprơ Ơm 132:11

Brah Yêhôva hŏ sân săk jêh ma Đavit, Du nau ton Păng mâu mra rgâl ôh nau tâm rnglăp, pô aơ: “Gâp mra n'gân du huê bơh ndŭl proch may Hao ta klơ sưng hađăch ntrok chiă uănh.

Nau Mprơ Ơm 89:4

‘Gâp mra njêng noi deh may mro mrăng, Jêh ri ndâk sưng hađăch nâp n'ho ro.’” (Sêla)

Êsai 11:1

Du mlâm nkeh mra hon bơh tơm Y-Yêsê, Du mlâm n'gĭng tă bơh reh păng mra geh play.

Yêrêmi 23:5

Brah Yêhôva lah: “Aơ, lĕ nar mra tât, Gâp mra ăn n'hao ma Y-Đavit du N'gĭng Sŏng Srăng; Păng mra chiă uănh nâm bu du huê hađăch, gŭ ngao ma nau blau mĭn, Mra ƀư ma nau sŏng nau di tâm bri dak.

Mika 5:2

Yor ri, Păng mra jao khân păng Kŏ tât nôk du huê bu ur ji deh hŏ deh jêh, Jêh ri phung oh nâu Păng hôm e mra plơ̆ sĭt ndrel Ma phung kon Israel.

Mathay 1:1

Amoh phung chô yau Brah Yêsu Krist, kon sau Y-Đavit, kon sau Y-Abraham.

Mathay 2:5

Khân păng plơ̆ lah: “Ta ƀon Ƀêtlêhem tâm n'gor Yuđa; yorlah geh nau mbơh lor nchih jêh pô aơ:

Mathay 2:6

‘Hơi ƀon Ƀêtlêhem, tâm n'gor Yuđa! May mâu ôh di jê̆ lơn đah lĕ ƀon toyh tâm n'gor Yuđa, Yorlah tă bơh may yơh mra mpơl du huê kôranh chiă uănh, Păng mra rmăk biăp phung Israel Gâp.’ ”

Luka 2:11

Yorlah nar aơ ta ƀon Đavit, bu deh jêh ma khân may du huê Nơm Tâm Rklaih jêng Brah Krist, jêng Kôranh Brah.

Luka 2:4

Yor Y-Yôsep jêng noi deh ngih Y-Đavit, rĭ dĭng tă bơh ƀon Nasaret, n'gor Galilê, hăn ta ƀon Đavit, rnha jêng Ƀêtlêhem, tâm n'gor Yuđa,

Yôhan 7:27

Ƀiălah dôl Brah Krist văch, mâu geh bunuyh gĭt mbah tă ntŭk Păng văch ôh, ƀiălah bunuyh aơ he gĭt mbah tă ntŭk Păng văch.”

I Samuel 16:1

Brah Yêhôva lah ma Y-Samuel: “May nhĭm nhhiăng yor nau Y-Sôl kŏ tât ndah nâm jŏ? Gâp hŏ chalơi jêh păng, mâu hôm ăn păng jêng hađăch phung Israel đŏng ôh. Troch hom dak ƀâu kah ăn bêng nke jêh ri hăn trong. Gâp mra prơh may hăn tâm mâp đah Y-Yêsê, du huê bunuyh ƀon Ƀêtlêhem, yorlah Gâp hŏ săch du huê hađăch tâm phung kon bu klâu păng.”

I Samuel 16:18

Du huê tâm phung oh mon plơ̆ lah: “Gâp saơ jêh du huê kon bu klâu Y-Yêsê, bunuyh Ƀêtlêhem, kreh gong rêng blau ngăn, jêng du huê tahan janh ktang jêh ri du huê tahan blau tâm lơh. Păng blau mĭn tâm nau ngơi, jêh ri săk jăn jêng ueh ngăn jêh ri Brah Ndu gŭ ndrel păng.”

I Samuel 16:4

Y-Samuel ƀư tĭng nâm nau Brah Yêhôva ntăm jêh ma păng, jêh ri hăn tât ta Ƀêtlêhem. Phung kôranh bu ranh ƀon nây luh hăn tâm mâp ma păng, klach sâr jêh ri ôp: “May văch ma nau đăp mpăn lĕ?”

I Samuel 17:58

Y-Sôl ôp păng: “Hơi nô ndăm, mbu moh kon may jêng?” Y-Đavit plơ̆ sĭt lah: “Gâp jêng kon Y-Yêsê, oh mon may, bunuyh bơh Ƀêtlêhem.”