Yôhan 7:39 - Nau Brah Ndu Ngơi 2023

³⁹ Păng lah nau aơ nchŏng ma Brah Huêng Ueh, lĕ phung bunuyh chroh ma Păng mra sŏk dơn; yorlah Brah Huêng Ueh ê hŏ jŭr, yorlah Brah Yêsu ê hŏ geh nau tâm rnê.

Bunong Bible Latin Script Cambodian dialect

³⁹ Nau Brah Yêsu ngơi ma dak rlai i nây, Păng ŭch ngơi ma Brah Huêng Ueh. Bu moh nsing ma Brah Yêsu, păng i nây sŏ dơn Brah Huêng Ueh gŭ ndrel. Yơn ma nôk nây Kôranh Brah ê hŏ ôh ăn Brah Huêng Ueh gŭ ndrel bunuyh, yorlah Brah Yêsu ê hŏ khât dâk rêh lăp ta nau chrêk lơp Păng nơm.

Bunong

³⁹ នាវ​ឞ្រាស​យេឆូ  ​ងើយ​មា​ទាក​រាលាយ​អី​នៃ ពាង់​អុច​ងើយ​មា​ឞ្រាស​ហ្វេង​អ្វែស។ ឞូ​ម៝ស​ញឆីង​មា​ឞ្រាស​យេឆូ  ពាង់​អី​នៃ​ឆ៝ៈ​ទើន​ឞ្រាស​ហ្វេង​អ្វែស​គុ​នទ្រែល។ យើន​មា​នោក​នៃ​កោរាញ​ឞ្រាស​អេ​ហ៝ៈ​អោស​អ៝ន់​ឞ្រាស​ហ្វេង​អ្វែស​គុ​នទ្រែល​ឞូនុយ្ស យ៝រ​លាស​ឞ្រាស​យេឆូ  ​អេ​ហ៝ៈ​ខឹត​ទ៝ក់​រេស​លាប់​តា​នាវ​ច្រេក​លើប​ពាង់​នើម។

Yôhan 7:39 Iomraidhean Croise

Nau Mprơ Ơm 68:18

Păng hao jêh ntŭk yôk prêh, Njŭn leo âk ngăn phung bu nă, Păng dơn ndơ nhhơr tă bơh kon bunuyh, Nđâp ma phung tâm rdâng, Brah Yêhôva gŭ ndrel ma khân păng.

Nau Hôr 1:23

Plơ̆ sĭt hom iăt nau gâp nkra ntĭm, Aơ, gâp mra nkhŭt brah huêng gâp ma khân may; Ƀư ăn ma khân may gĭt rbăng nau gâp nti.

Êsai 12:3

Yor ri, khân may mra răm maak bâk dak bơh ntu dak nau tâm rklaih.

Êsai 32:15

Kŏ tât Brah tă bơh klơ nkhŭt ăn ma he, Bri rdah plăch jêng đang tơm sa play, Bu uănh ta đang tơm sa play tâm ban ma bri krŏng.

Êsai 44:3

Yorlah Gâp mra nkhŭt dak ta bunuyh ji hir, Ăn dak n'hor hoch ta neh sơh. Gâp mra nkhŭt Brah Gâp ma noi deh may Jêh ri ăn nau ueh lăng ma phung sau se may.

Yôel 2:28

“Jêh ta nây, Gâp mra nkhŭt Huêng Brah Gâp ta klơ lĕ rngôch nglay săk. Phung kon bu klâu jêh ri phung kon bu ur khân may mra mbơh lor; Phung bu ranh geh nau mbơi, Phung bu klâu ndăm mra saơ nau tâm saơ.

Mathay 16:14

Phung oh mon ơh: “Ƀaƀă phung lah jêng Y-Yôhan-Ƀaptist, ƀaƀă phung êng lah jêng Y-Êli, ƀaƀă phung êng đŏng lah jêng Y-Yêrêmi mâu lah du huê tâm phung nơm mbơh lor.”

Mathay 21:11

Phung bunuyh plơ̆ lah: “Nây jêng Nơm mbơh lor Yêsu gŭ ta ƀon Nasaret, tâm n'gor Galilê.”

Luka 24:49

bi ma khân may, gŭ kâp hom tâm ƀon tât khân may dơi nsoh jêh nau brah tă bơh klơ.”

Luka 3:16

Yor ri, Y-Yôhan plơ̆ lah ma lĕ rngôch bunuyh: “Gâp ƀư ƀaptem ma khân may ma dak; ƀiălah geh Nơm geh nau dơi lơn ma gâp mra văch, gâp mâu khư ôh doh rse ntâu jot Păng. Păng mra ƀư ƀaptem ma khân may ma Brah Huêng Ueh jêh ri ma ŭnh.

Luka 7:16

Lĕ rngôch bunuyh klach da dê jêh ri tâm rnê ma Brah Ndu pô aơ: “Geh Nơm mbơh lor toyh tâm mpơl jêh tâm phung he, jêh ri Brah Ndu chop khâl jêh ma phung ƀon lan Păng.”

Yôhan 1:21

Khân păng ôp tay: “Lah ndrĭ may mbu moh? Di lĕ may jêng Y-Êli?” Păng plơ̆ lah: “Mâu di.” “Di lĕ may jêng nơm mbơh lor?” Păng plơ̆ lah: “Mâu di.”

Yôhan 1:25

ôp păng pô aơ: “Tơlah may mâu di jêng Brah Krist, mâu di jêng Êli, mâu đŏng jêng nơm mbơh lor, lah ndrĭ mâm may dơi ƀư ƀaptem?”

Yôhan 1:33

Gâp mâu gĭt năl Păng, ƀiălah Nơm njuăl gâp ƀư ƀaptem ma dak hŏ lah jêh ma gâp: ‘Nơm may mra saơ Brah Huêng Ueh jŭr drâm klơ, nây jêng Nơm ƀư ƀaptem ma Brah Huêng Ueh.’

Yôhan 12:16

Bơh ntơm saơm dơh, phung oh mon mâu gĭt rbăng ôh nau nây, ƀiălah jêh Brah Yêsu hŏ dơn nau tâm rnê, nôk nây khân păng kah gĭt tay lĕ nau bu nchih ma Păng jêh ri nau bu hŏ ƀư ma Păng.

Yôhan 12:23

Brah Yêsu lah: “Mông lĕ tât jêh, Kon Bunuyh mra geh nau tâm rnê.

Yôhan 14:13

Moh ndơ khân may dăn tâm amoh Gâp, Gâp mra ƀư, gay ma Mbơ̆ dơi geh nau tâm rnê tâm Kon.

Yôhan 14:26

Ƀiălah Nơm Bonh Leng, nâm bu ntĭt Brah Huêng Ueh, Mbơ̆ mra njuăl văch tâm amoh Gâp, Păng mra nti lĕ rngôch ndơ ma khân may, jêh ri nkah ma khân may kah gĭt lĕ rngôch lĕ nau Gâp lah jêh ma khân may.

Yôhan 16:14

Păng mra tâm rnê Gâp, yorlah Păng mra sŏk lĕ nau Gâp ngơi gay mbơh ma khân may.

Yôhan 16:7

Nđâp lah pônây, Gâp lah ngăn ma khân may: Gâp du sĭt jêng khlay lơn ma khân may. Lah Gâp mâu du sĭt, Nơm Bonh Leng mâu mra văch ma khân may ôh. Ƀiălah lah Gâp sĭt, Gâp mra njuăl Păng ma khân may.

Yôhan 17:1

Jêh Brah Yêsu ngơi nau nây, Păng n'gơr măt klơ trôk jêh ri ơh pô aơ: “Ơ Mbơ̆! Mông tât jêh, dăn tâm rnê Kon, gay ma Kon dơi tâm rnê Mbơ̆ đŏng.

Yôhan 17:5

Ơ Mbơ̆! Aƀaơ aơ, dăn sŏk nau chrêk rmah Gâp ơm geh ndrel ma Mbơ̆ nơm êlor njêng neh ntu gay tâm rnê Kon tanăp Mbơ̆.

Yôhan 20:22

Jêh lah nau nây, Păng khôm n'hâm ma khân păng jêh ri lah: “Dơn hom Brah Huêng Ueh.

Yôhan 6:14

Lĕ phung bunuyh saơ nau mbên khlay Brah Yêsu hŏ ƀư jêh ri lah: “Aơ ngăn jêng Nơm mbơh lor hŏ văch tâm neh ntu.”

Yôhan 7:12

Geh âk nau ngơi ƀŭk dŭk suyh ma Brah Yêsu ta nklang phung âk. Nơm lah: “Păng jêng bunuyh ueh ngăn;” nơm êng lah tay: “Mâu, păng jêng nơm ndơm phung ƀon lan.”

Yôhan 8:54

Brah Yêsu plơ̆ lah: “Lah Gâp tâm rnê êng Gâp nơm, nau chrêk rmah Gâp mâu khlay ôh. Mbơ̆ Gâp nơm tâm rnê Gâp, Păng jêng Nơm khân may kuăl jêng Brah Ndu khân may.

Kôranh Oh Mon 19:2

păng ôp khân păng: “Ntơm bơh khân may chroh, geh sŏk dơn Brah Huêng Ueh lĕ?” Khân păng plơ̆ lah: “Hên mâu mâp tăng ôh bu lah geh Brah Huêng Ueh.”

Kôranh Oh Mon 2:17

‘Brah Ndu lah: tâm lĕ nar nglĕ dŭt, Gâp mra nkhŭt Brah Huêng Ueh Gâp ta klơ lĕ rngôch nglay săk; Phung kon bu ur jêh ri phung bu klâu khân may mra mbơh lor, Phung bu klâu ndăm mra saơ nau tâm saơ, Jêh ri phung bu ranh mra saơ nau mbơi.

Kôranh Oh Mon 2:33

Pôri, jêh geh nau yơk mpeh pa ma Brah Ndu jêh ri sŏk dơn nau ton ma Brah Huêng Ueh tă bơh Mbơ̆, Păng nkhŭt Brah Huêng Ueh tâm ban ma khân may saơ jêh ri tăng.

Kôranh Oh Mon 2:38

Y-Pêtrôs plơ̆ lah: “Rmal hom nau tih, ăn ăp nơm khân may dơn nau ƀaptem tâm amoh Brah Yêsu Krist gay geh nau yô̆ an nau tih khân may nơm, jêh nây mra sŏk dơn ndơ jêng Brah Huêng Ueh ăn.

Kôranh Oh Mon 2:4

Lĕ rngôch khân păng bêng ma Brah Huêng Ueh, jêh ri ngơi nau bu năch êng êng tĭng nâm Brah Huêng Ueh ăn ma khân păng ngơi.

Kôranh Oh Mon 3:13

Brah Ndu Y-Abraham, Brah Ndu Y-Isăk, jêh ri Brah Ndu Y-Yakôp, Brah Ndu phung chô yau he hŏ tâm rnê oh mon Păng jêng Brah Yêsu, Nơm khân may hŏ nhŭp jao jêh ri dun tanăp Pilat, tâm nôk păng ŭch yô̆ an ma Păng.

Kôranh Oh Mon 4:31

Lôch jêh mbơh sơm, ntŭk khân păng tâm rƀŭn mpât n'gơ, lĕ rngôch khân păng bêng ma Brah Huêng Ueh da dê, mbơh nau Brah Ndu ngơi ma nau nănh.

Samƀŭt Pôl Njuăl Ăn Ma Phung Nsing Ta Ƀon Rôm 8:9

Ƀiălah tơlah Brah Huêng Ueh Brah Ndu gŭ ngăn tâm khân may, khân may mâu gŭ rêh tĭng nâm nglay săk ôh, ƀiălah gŭ rêh tĭng nâm Brah Huêng Ueh; ƀiălah mbu nơm mâu geh Brah Huêng Ueh Brah Krist, păng mâu jêng phung Brah Krist ôh.

II Kôrintô 3:8

mâm ƀư nau pah kan tă bơh Brah Huêng Ueh mâu mra tât tâm nau chrêk rmah lơn ma nây?

Êphêsô 4:30

Khân may lơi ƀư rngot Brah Huêng Ueh Brah Ndu; yor tâm Păng, khân may geh nau tâp pŏng tât ma nar tâm chuai.