Yôhan 7:37 - Nau Brah Ndu Ngơi 2023

³⁷ Tât nar nglĕ dŭt jêng nar dŭt khlay tâm năng rƀŭn, Brah Yêsu gŭ dâk ta nây jêh ri mbơh pô aơ: “Tơlah mbu nơm ji hir, văch hom ta Gâp jêh ri nhêt.

Bunong Bible Latin Script Cambodian dialect

³⁷ Tât nar nhêt ƀŭn n'glĕ dŭt, nar i nây jêng nar khlay ngăn, Brah Yêsu dâk bơh năp phung ƀon lan, jêh ri Păng nter dăng ngăn: “Bu moh ji hir dak, văch hŏm ta Gâp, jêh ri nhêt.

Bunong

³⁷ ត៝ត់​នារ​ញេត​បុន​ងគ្លែៈ​ទុត នារ​អី​នៃ​ជេង​នារ​ខ្លៃ​ងាន់ ឞ្រាស​យេឆូ  ​ទ៝ក់​ឞើស​នាប់​ផូង​ប៝ន​លាន ជេសរី​ពាង់​នតែរ​ទាង់​ងាន់៖ “ឞូ​ម៝ស​ជី​ហីរ​ទាក វាច់​ហ៝ម់​តា​គ៝ប់ ជេសរី​ញេត។

Yôhan 7:37 Iomraidhean Croise

Nêhêmi 8:18

Ăp nar, ntơm bơh nar ntơm ma tât nar nglĕ dŭt, bu rŏ tâm ndrom samƀŭt nau vay Brah Ndu. Khân păng nhêt sa nau rƀŭn tâm pơh năng nar, jêh ri tât năng pham geh nau rƀŭn ma nau khư yơk tĭng nâm nau vay ƀư.

Nau Mprơ Ơm 143:6

Gâp yơr ti let mpeh ma May; Huêng gâp ji hir ma May nâm bu neh sơh. (Sêla)

Nau Mprơ Ơm 42:2

Huêng gâp ji hir ma Brah Ndu, Jêng Brah Ndu gŭ rêh mro mrăng. Ndah jŏ gâp mra văch Jêh ri dơi mâp tanăp Brah Ndu?

Nau Mprơ Ơm 63:1

Ơ Brah Ndu, May jêng Brah Ndu gâp, Gâp joi May ma lĕ nuih n'hâm Tâm ban ma ntŭk neh sơh, đang, mâu geh dak. Huêng gâp ji hir ma May, Săk jăn gâp ŭch rŏng May.

Nau Hôr 1:20

Nau blau mĭn kuăl nter huy rŏ trong ƀon toyh, Nter huy ngăn ta ntŭk nkual nây;

Nau Hôr 8:1

Mâu di hĕ nau blau mĭn hŏ kuăl, Mâu di hĕ nau gĭt rbăng hŏ ngơi nteh?

Nau Hôr 8:17

Gâp rŏng ma phung rŏng ma gâp, Phung tĭng joi gâp ma lĕ nuih n'hâm mra mâp gâp.

Nau Hôr 8:3

Êp meng mpông pêr, ta ntŭk lăp ƀon; Kêng mpông, nau blau mĭn kuăl ktang:

Nau Hôr 9:3

Jêh ri đă lĕ oh mon bu ur luh hăn. Tă bơh ntŭk prêh tâm ƀon, nau blau mĭn dat kuăl:

Nau Mprơ Ueh 5:1

Hơi oh gâp, ƀăn gâp, Gâp hŏ lăp tâm đang gâp jêh! Gâp hŏ pĕ si tăng jêh ri ndơ ƀâu kah, Sa mpơng sŭt nđâp dak sŭt gâp, Nhêt ndrănh đah dak toh. Hơi mĭt jiăng, sa hom! Hơi băl mpôl, nhŭl hom ndrui nau rŏng!

Êsai 12:3

Yor ri, khân may mra răm maak bâk dak bơh ntu dak nau tâm rklaih.

Êsai 40:2

Ngơi hom ma nau rdơ̆ ma Yêrusalem, Jêh ri mbơh pô aơ nau păng tâm lơh lĕ dŭt jêh, Nau tih păng yô̆ ăn jêh; Păng hŏ dơn bar tơ̆ bơh ti Brah Yêhôva, Ma lĕ rngôch nau tih păng.”

Êsai 40:6

Geh bâr lah: “Nter hom!” Jêh ri geh nter plơ̆ lah: “Moh nau gâp mra nter?” “Lĕ rngôch bunuyh jêng tâm ban ma gơ̆, Lĕ rngôch nau ueh păng jêng tâm ban ma kao gơ̆ tâm mir.

Êsai 44:3

Yorlah Gâp mra nkhŭt dak ta bunuyh ji hir, Ăn dak n'hor hoch ta neh sơh. Gâp mra nkhŭt Brah Gâp ma noi deh may Jêh ri ăn nau ueh lăng ma phung sau se may.

Êsai 55:1

“Ơ, ăp nơm ji hir, Văch hom ta tu dak! Mbu nơm mâu geh prăk ôh, Rvăt hom jêh ri sa! Văch rvăt hom ndrănh jêh ri dak toh ndrôk Mâu ŭch ma prăk, mâu kêh rnoh ôh.

Êsai 55:3

Nkêng hom tôr khân may jêh ri văch hom ma Gâp; Gŭ iăt hom Gâp gay ma huêng khân may dơi rêh. Gâp mra ăn ma khân may nau tâm rnglăp n'ho ro, Jêng nau rŏng răp jăp Gâp ăn ma Y-Đavit.

Êsai 58:1

“Nter huy hom, lơi têm ôh! Nter huy tâm ban ma du mlâm nŭng! Mbơh hom ma phung ƀon lan Gâp nau khân păng tâm rdâng, Jêh ri mbơh ma ngih Yakôb gĭt nau tih khân păng!

Yêrêmi 16:19

Ơ Brah Yêhôva, May jêng n'hâm suan dăng ktang jêh ri pôih nâp ma gâp, Ntŭk nde krap gâp tâm nar rêh ni! Ntơm bơh nglĕ dŭt rplay neh, Lĕ bri dak mra văch ma May jêh ri lah: “Phung chô yau hên knŏng sŏk dơn lĕ brah mƀruh ndơm, Lĕ nau dơm dam, jêh ri mâu dơi geh nau khlay ôh.

Yêrêmi 2:2

“Hăn hom jêh ri ngơi ta tôr phung ƀon lan Yêrusalem pô aơ: Brah Yêhôva lah kơt aơ: ‘Gâp kah gĭt ma nuih n'hâm răp jăp may nôk may hôm ndăm, Nau may rŏng nâm bu du huê ƀăn mhe sĭt ma ngih sai, Nôk may tĭng Gâp tâm bri rdah, Ta klơ ntŭk neh mâu srih tăm.

Êsêkiêl 47:9

Ăp ntŭk dak krong nây hoch tât pôri lĕ rngôch mpa rêh, nây jêng mpa rêh mpât rêh tâm dak, mra dơi rêh da dê jêh ri ta nây mra geh âk ntil ka. Ta ntŭk dak nây hoch tât pôri dak mƀŭt jêng rsang, jêh ri ta ntŭk dak krong nây hoch tât pôri lĕ rngôch mpa mra rêh ta nây.

Kan Lêvi 23:36

Ăp nar tâm pơh nar, ăn khân may nhhơr lĕ ndơ nhhơr ăn ŭnh sa ma Brah Yêhôva. Tât ta nar tal pham, khân may geh đŏng nau tâm rƀŭn kloh ueh jêh ri ăt nhhơr lĕ ndơ nhhơr ăn ŭnh sa ma Brah Yêhôva. Nây jêng nau tâm rƀŭn geh nau khư yơk, khân may mâu dơi ƀư du ntil kan vay ƀư tâm ăp nar.

Kan Lêvi 23:39

Kơt nây, ta nar jât ma prăm khay pơh, lôch jêh khân may pĕ play bơh neh, ăn khân may djôt prăp du nau rƀŭn ăn ma Brah Yêhôva tâm pơh nar. Nar tal nguay mra jêng nar rlu jêh ri nar tal pham, lôch jêh nau rƀŭn ăt jêng nar rlu đŏng.

Mika 6:9

Bâr Brah Yêhôva nter lah tâm rdâng ma ƀon aơ; Bunuyh blau mĭn mra klach yơk ma amoh Păng. Iăt hom mâng jra jêh ri Nơm hŏ săch jêh păng.

Sakari 9:15

Brah Yêhôva ma phung tahan mra mât njrăng khân păng, Khân păng mra sa rvăn jêh ri jot lơi lĕ găr lŭ dŏng pănh na; Khân păng mra nhêt sa jêh ri ƀư drơu drơu nâm bu nhŭl ndrănh, Jêh ri mra bêng ler nâm bu tâm ngan rlŭ, Nâm bu ăp njônh nơng ƀư brah.

Nau Kơp Bunuyh 29:35

Ta nar tal pham, ăn khân may geh nau tâm rƀŭn geh nau khư yơk jêh ri mâu dơi ƀư du ntil kan vay ƀư ôh.

Mathay 11:28

Hơi lĕ rngôch bunuyh rgănh jêh ri anh jâk, văch hom ta Gâp, Gâp mra ăn khân may rlu.

Mathay 3:3

Y-Yôhan jêng bunuyh dơi nơm mbơh lor Y-Êsai hŏ mbơh jêh, dôl lah pô aơ: “Geh bâr bunuyh kuăl nter tâm bri rdah: ‘Nkra hom trong ma Kôranh Brah, Ƀư sŏng lĕ trong Păng.’ ”

Mathay 5:6

Ueh maak ngăn ma phung ji ngot ji hir nau sŏng srăng, Yorlah mra dơi hơm tŏng!

Yôhan 1:23

Păng plơ̆ lah: “Gâp jêng bâr bunuyh kuăl nter tâm bri rdah, ‘Ƀư sŏng hom trong Kôranh Brah,’ nâm nau nơm mbơh lor Y-Êsai hŏ lah jêh.”

Yôhan 14:6

Brah Yêsu lah: “Gâp jêng trong, nau ngăn jêh ri nau rêh. Lah mâu geh Gâp pôri mâu geh bunuyh dơi hăn tât ta Mbơ̆ ôh

Yôhan 4:10

Brah Yêsu plơ̆ lah: “Tơlah ay gĭt ndơ Brah Ndu ăn, jêh ri Păng dôl ngơi đah ay: ‘Ăn Gâp dăn nhêt dak’ jêng mbu nơm pôri n'hêl nanê̆ ay mra vơl dăn ma Păng, jêh ri Păng mra ăn dak rêh ma ay.”

Yôhan 4:11

Bu ur nây lah: “Hơi Kôranh, may mâu geh ndơ gay bâk, ntu dak aơ jru ngăn, pôri ntŭk tă may geh dak rêh nây?

Yôhan 4:14

ƀiălah mbu nơm nhêt dak Gâp mra ăn, mâu hôm ji hir đŏng ôh. Dak Gâp ăn mra plơ̆ jêng tu dak tâm bunuyh nây, bêng ler tât nau rêh n'ho ro.”

Yôhan 5:40

ƀiălah khân may mâu ŭch văch ta Gâp gay dơi geh nau rêh n'ho ro.

Yôhan 6:35

Brah Yêsu lah: “Gâp jêng piăng let nau rêh. Mbu nơm văch ta Gâp, mâu hôm ji ngot ôh, mbu nơm chroh ma Gâp mâu hôm geh ji hir ôh.

Yôhan 6:37

Lĕ rngôch bunuyh Mbơ̆ Gâp ăn ma Gâp, văch ma Gâp da dê; mbu nơm văch ma Gâp, Gâp mâu mra mƀăr padih ôh.

Yôhan 6:55

Yorlah nglay săk Gâp jêng ndơ sa ngăn, mham Gâp jêng dak nhêt ngăn.

Yôhan 7:28

Nôk Brah Yêsu gŭ ntĭm nti tâm ngih brah, Păng mbơh: “Khân may gĭt Gâp jêh ri gĭt đŏng mbah tă ntŭk Gâp văch! Gâp mâu geh văch êng, ƀiălah Nơm njuăl Gâp văch jêng nau nanê̆ ngăn, khân may mâu gĭt năl Păng.

I Kôrintô 10:21

Khân may mâu dơi nhêt kachok Kôranh Brah jêh ri nhêt đŏng kachok phung brah mhĭk. Khân may mâu dơi râng nhêt sông Kôranh Brah jêh ri râng nhêt sông phung brah mhĭk.

I Kôrintô 10:4

lĕ rngôch khân păng nhêt ndrel du ndơ nhêt brah; yorlah khân păng nhêt jêh dak ta lŭ toyh nau brah hăn ndrel ma khân păng; lŭ toyh nây jêng Brah Krist.

I Kôrintô 11:25

Tâm ban lĕ, jêh khân păng sa măng, Brah Yêsu sŏk đŏng kachok jêh ri lah: “Kachok aơ jêng nau tâm rnglăp mhe khân may đah Brah Ndu ma mham Gâp. Ƀư pô aơ gay ma khân may kah gĭt ma Gâp tâm ăp tơ̆ khân may nhêt kachok aơ.”

I Kôrintô 12:13

Yorlah he, nđâp tơlah phung Yuđa, phung Grek, phung dĭk mâu lah phung kon me, lĕ rngôch phung he hŏ dơn nau ƀaptem da dê tâm nguay Brah Huêng Ueh gay ma jêng du săk jăn; lĕ rngôch dơi nhêt tâm nguay Brah Huêng Ueh da dê.

Êphêsô 5:18

Lơi nhŭl ndrănh ôh, yorlah ndrănh njŭn leo nau blă blơ, ƀiălah ăn khân may bêng ma Brah Huêng Ueh.

Nau Tâm Mpơl 21:6

Jêh nây Păng lah ma gâp: “Kan lĕ jêh! Gâp jêng Alpha jêh ri Ômêga, jêng Ntơm Bơh Saơm jêh ri Nglĕ Dŭt. Mbu nơm ji hir, Gâp mra ăn nhêt dak mâu sŏk prăk tă bơh tu dak nau rêh.

Nau Tâm Mpơl 22:1

Nôk nây tông mpăr ntĭm ma gâp saơ dak krong nau rêh, rsang nâm bu lŭ ang, luh bơh sưng hađăch Brah Ndu jêh ri sưng hađăch Kon Biăp,

Nau Tâm Mpơl 22:17

Brah Huêng Ueh jêh ri Ƀăn lah ndrel: “Văch hom!” Mbu nơm tăng lah đŏng: “Văch hom!” Mbu nơm ji hir, văch hom! Mbu nơm ŭch, văch hom jêh ri sŏk dơn dak nau rêh ăn dơm dam.