Yôhan 7:35 - Nau Brah Ndu Ngơi 2023

³⁵ Phung Yuđa tâm ngơi ndrăng khân păng: “Mbah ntŭk păng mra hăn, dĭng he mâu dơi joi? Di lĕ păng tâm nal văch ta phung ƀon lan nsong mblêng tâm nklang phung Grek jêh ri nti ma phung Grek ƀơh?

Bunong Bible Latin Script Cambodian dialect

³⁵ Jêh ri mpôl kôranh phung Israel mâu vât tâm lah ndrăng khân păng: “Ah ntŭk hăn Păng i ri, dâng Păng lah bân joi Păng mâu say? Ơm Păng ŭch hăn ta bri êng tâng phung Israel i gŭ chah chrai ndrel phung i mâu di phung Israel, jêh ri nti lah ma phung i mâu di phung Israel lah?

Bunong

³⁵ ជេសរី​មពោល​កោរាញ​ផូង​អីឆ្រាអែល  ​មោ​វ៝ត់​តឹម​លាស​នទ្រាង់​ខាន់​ពាង់៖ “អាស​នតុក​ហាន់​ពាង់​អី​រី ទឹង​ពាង់​លាស​ឞ៝ន់​ជ៝យ​ពាង់​មោ​ឆៃ? អើម​ពាង់​អុច​ហាន់​តា​ឞ្រី​អេង​តឹង​ផូង​អីឆ្រាអែល  ​អី​គុ​ចាស​ច្រាយ​នទ្រែល​ផូង​អី​មោ​ទី​ផូង​អីឆ្រាអែល  ជេសរី​នតី​លាស​មា​ផូង​អី​មោ​ទី​ផូង​អីឆ្រាអែល  ​លាស?

Yôhan 7:35 Iomraidhean Croise

Nau Mprơ Ơm 147:2

Brah Yêhôva rdâk ƀon Yêrusalem; Păng tâm rƀŭn phung kon Israel chah rai pru pra jêh;

Êsai 11:10

Tâm nar nây, tơm reh Y-Yêsê mra dâk ta nây ƀư n'ha kơ ma lĕ rngôch phung ƀon lan; lĕ bri dak mra joi tât Păng da dê, jêh ri ntŭk Păng gŭ rlu mra bêng nau chrêk rmah.

Êsai 11:12

Păng mra ndâk du n'ha kơ ma lĕ bri dak, Rgum lĕ phung Israel bu nsot jêh, Rgum phung Yuđa nsong mblêng Bơh puăn njônh neh ntu.

Êsai 49:6

Păng lah ma gâp pô aơ: “Nau may ƀư oh mon Gâp gay rdâk đŏng phung ndŭl mpôl Yakôb, Jêh ri njŭn phung Israel hôm e plơ̆ sĭt Knŏng jêng nau kan jê̆; Gâp mra ƀư ma may jêng nau ang ma lĕ bri dak, Gay djôt nau gâp tâm rklaih tât ta nglĕ dŭt rplay neh.”

Êsai 56:8

Kôranh Brah jêng Brah Yêhôva, Nơm tâm rƀŭn phung Israel nchah rai pru pra jêh, lah pô aơ: ‘Đơ phung hŏ tâm rƀŭn jêh, Gâp mra tâm rƀŭn phung êng đŏng plơ̆ sĭt ma păng.’”

Sôphôni 3:10

Tă bơh đah ri kơh dak krong n'gor Kus, Phung yơk mbah ma Gâp, Nây jêng phung Gâp hŏ ƀư du pru, Mra leo ndơ nhhơr ma Gâp.

Mathay 12:21

Jêh ri phung padih mra kâp gân tâm amoh Păng.”

Luka 2:32

Jêng nau ang sol trong ma phung bu năch, Jêh ri jêng nau chrêk rmah phung Israel, jêng phung ƀon lan May.”

Yôhan 12:20

Nôk nây, tâm phung hăn yơk mbah tâm nar rƀŭn, geh ƀaƀă phung Grek.

Yôhan 7:1

Jêh ma nau nây, Brah Yêsu hăn tâm n'gor Galilê; Păng mâu ŭch hăn ôh tâm n'gor Yuđa, yorlah phung Yuđa joi ŭch nkhĭt Păng.

Yôhan 8:22

Phung Yuđa lah: “Mâm păng mra nkhĭt êng păng nơm, lah păng lah pô aơ: ‘Ta ntŭk Gâp hăn, khân may mâu dơi hăn ôh’?”

Kôranh Oh Mon 11:18

Nôk khân păng tăng lĕ nau ngơi nây, mâu nduyh đŏng. Khân păng tâm rnê Brah Ndu pô aơ: “Pôri, Brah Ndu hŏ ăn tâm ban đŏng nau rmal nau tih ma phung bu năch gay ma khân păng dơi geh nau rêh!”

Kôranh Oh Mon 11:20

Ƀiălah, bar pe nuyh tâm phung khân păng tă bơh kôdak Syprơ jêh ri bơh ƀon Siren tât ta ƀon Antiôs, nti lah đŏng Nau Mhe Mhan Ueh ma phung Grek, nkoch mbơh Kôranh Brah jêng Brah Yêsu ma khân păng.

Kôranh Oh Mon 14:1

Ta ƀon Ikôni, Y-Pôl jêh ri Y-Ƀarnaƀas lăp ndrel tâm ngih rƀŭn Yuđa jêh ri mbơh nkoch, ƀư ăn âk phung Yuđa jêh ri phung Grek chroh ma Kôranh Brah.

Kôranh Oh Mon 17:4

Ƀaƀă bunuyh tâm khân păng bu jă hăn tĭng Y-Pôl ndrel ma Y-Silas; geh âk phung Grek ơm yơk mbah Brah Ndu, nđâp ma âk phung bu ur tâm phung bu yơk chroh Kôranh Brah đŏng.

Kôranh Oh Mon 18:4

Ăp nar saƀat, Y-Pôl mbơh nkoch tâm ngih rƀŭn, srôih jă phung Yuđa jêh ri phung Grek.

Kôranh Oh Mon 21:21

Khân păng tăng jêh nau may nti ma lĕ rngôch phung Yuđa gŭ tâm phung bu năch chalơi nau vay Y-Môis, mâu ăn bu koh ntâu ma phung kon khân păng jêh ri mâu lĕ dơi tĭng nau vay ơm khân păng.

Kôranh Oh Mon 22:21

Kôranh Brah lah ma gâp: ‘Hăn hom, yorlah Gâp mra njuăl may hăn tât ma phung bu năch ta ntŭk ngai.’ ”

Samƀŭt Pôl Njuăl Ăn Ma Phung Nsing Ta Ƀon Rôm 1:16

Nanê̆, gâp mâu bêk prêng ôh ma Nau Mhe Mhan Ueh, yorlah aơ jêng nau brah Brah Ndu gay ma rklaih lĕ rngôch bunuyh chroh, lor lơn jêng phung Yuđa, pakơi jêng phung Grek.

Êphêsô 3:8

Nđâp tơlah gâp jêng bunuyh jê̆ lê̆ lơn tâm lĕ rngôch phung kloh ueh, nau yô̆ nây đŏng ăn ma gâp, gay mbơh nkoch ma phung bu năch nau rmeh ler mâu dơi kơp tă bơh Brah Krist,

Kôlôh 1:27

Yor Brah Ndu ŭch khân may mpơl nau rmeh ler jêh ri nau chrêk rmah nau khlay ndâp nây ta nklang phung bu năch, nây jêng Brah Krist gŭ tâm khân may, jêng nau kâp gân ma nau chrêk rmah.

I Timôthê 2:7

Yorlah nau mbơh nây, gâp geh nau săch jêng nơm mbơh nkoch jêh ri kôranh oh mon (gâp ngơi ngăn, mâu ngơi mƀruh ôh), jêng kôranh nơm nti ma phung bu năch, gay nti khân păng ma nau chroh jêh ri nau ngăn.

II Timôthê 1:11

Yorlah Nau Mhe Mhan Ueh aơ yơh, gâp geh nau săch jêng bunuyh mbơh nkoch, kôranh oh mon jêh ri kôranh nti;

Yakơ 1:1

Y-Yakơ, oh mon Brah Ndu jêh ri Kôranh Brah jêng Brah Yêsu Krist, nchih njuăl ma jât ma bar ndŭl mpôl dôl gŭ rêh nchah rai lam ntŭk. Ăn nau maak ma khân may!

I Pêtrôs 1:1

Y-Pêtrôs, kôranh oh mon Brah Yêsu Krist, nchih njuăl ma phung bunuyh nchah rai du gŭ tâm n'gor Pôntus, Galati, Kapadôs, Asi jêh ri Bithini, jêng phung Brah Ndu săch jêh