Yôhan 6:39 - Nau Brah Ndu Ngơi 2023

³⁹ Aơ jêng nau mĭn ŭch Nơm hŏ njuăl Gâp văch: Lĕ rngôch bunuyh Păng ăn jêh ma Gâp, Gâp mâu mra ăn roh du huê nuyh, ƀiălah Gâp mra ăn khân păng dâk rêh tay tâm nar nglĕ dŭt.

Bunong Bible Latin Script Cambodian dialect

³⁹ Dja nau ŭch Kôranh Brah Nơm tơm njuăl Gâp văch: Dâng lĕ bunuyh i Păng ăn ma Gâp, Păng ŭch Gâp ăn dâk rêh tay tât nar n'glĕ dŭt tay, Păng đă Gâp lơi ta ăn roh khân păng, du huê mâu ơm.

Bunong

³⁹ អ្យា​នាវ​អុច​កោរាញ​ឞ្រាស​នើម​តើម​ញជ្វាល់​គ៝ប់​វាច់៖ ទឹង​លែៈ​ឞូនុយ្ស​អី​ពាង់​អ៝ន់​មា​គ៝ប់ ពាង់​អុច​គ៝ប់​អ៝ន់​ទ៝ក់​រេស​តៃ​ត៝ត់​នារ​ងគ្លែៈ​ទុត​តៃ ពាង់​ដាៈ​គ៝ប់​លើយ​តា​អ៝ន់​រ៝ស​ខាន់​ពាង់ ទូ​ហ្វេ​មោ​អើម។

Yôhan 6:39 Iomraidhean Croise

Yêrêmi 23:4

Gâp mra dơm phung rmăk biăp gay chiăp leo khân păng jêh ri khân păng mâu hôm klach, mâu lĕ rdja klach krit đŏng ôh, jêh ri mâu mra nhhơt roh du mlâm biăp lĕ,” Brah Yêhôva lah pônây.

Mathay 10:15

Nanê̆, Gâp lah ma khân may, tât nar phat dôih, ƀon Sôdôm jêh ri ƀon Gômôrơ mra geh nau tâm rmal n'gơch lơn ma ƀon nây.”

Mathay 18:14

Pônây lĕ, Mbơ̆ khân may gŭ ta klơ trôk mâu ŭch ôh du huê tâm phung jê̆ aơ rai roh.”

Luka 12:32

Hơi phung jê̆, lơi klach ôh, yorlah Mbơ̆ khân may di nuih n'hâm ăn ƀon bri hađăch Păng ma khân may jêh.

Yôhan 12:48

Mbu nơm dun Gâp, mâu sŏk dơn ôh nau Gâp nti lah, hŏ geh jêh Nơm phat dôih păng; nau Gâp nti lah mra phat dôih păng ta nar nglĕ dŭt.

Yôhan 17:12

Tâm nôk Kon hôm gŭ ndrel ma khân păng, Kon mât uănh khân păng tâm amoh Mbơ̆, jêng amoh Mbơ̆ hŏ ăn ma Kon. Kon hŏ king n'gang ma khân păng, mâu geh du huê bunuyh roh ôh, knŏng êng du huê kon ma nau rai roh, gay ma nau hŏ nchih jêh tâm Nau Brah Ndu Ngơi dơi tât di ngăn.

Yôhan 17:2

Yorlah Mbơ̆ hŏ ăn jêh ma Kon nau dơi lơn lĕ rngôch nglay săk, gay ăn nau rêh n'ho ro ma lĕ rngôch đơ phung Mbơ̆ ăn jêh ma Kon.

Yôhan 17:24

Ơ Mbơ̆, Kon ŭch lĕ rngôch phung Mbơ̆ hŏ ăn jêh ma Kon gŭ ndrel ma Kon ta ntŭk Kon gŭ, pônây khân păng dơi n'gơr uănh nau chrêk rmah Mbơ̆ ăn jêh ma Kon, yorlah Mbơ̆ hŏ rŏng jêh ma Kon êlor nau rhăk njêng neh ntu.

Yôhan 17:6

Gâp hŏ tâm mpơl jêh amoh Mbơ̆ ma phung bunuyh Mbơ̆ ăn ma Kon ta nklang neh ntu nây. Khân păng jêng ndơ Mbơ̆, Mbơ̆ ăn khân păng ma Kon, jêh ri khân păng hŏ djôt prăp nau Mbơ̆ ngơi.

Yôhan 17:9

Gâp mbơh sơm an ma khân păng, mâu di mbơh sơm an ma neh ntu ôh, ƀiălah yor phung bunuyh Mbơ̆ ăn jêh ma Kon, yorlah khân păng jêng phung Mbơ̆.

Yôhan 18:9

Nau nây tât di ngăn nau Păng hŏ lah jêh: “Kon mâu ƀư roh du huê ôh tâm phung bunuyh Mbơ̆ ăn jêh ma Kon.”

Yôhan 5:28

Lơi hih rhâl ôh nau aơ, yor mông dăch tât, nôk lĕ rngôch bunuyh khĭt gŭ tâm môch mra tăng bâr Kôranh Brah jêh ri du luh;

Yôhan 6:37

Lĕ rngôch bunuyh Mbơ̆ Gâp ăn ma Gâp, văch ma Gâp da dê; mbu nơm văch ma Gâp, Gâp mâu mra mƀăr padih ôh.

Yôhan 6:40

Yor aơ jêng nau mĭn Mbơ̆ Gâp ŭch: Mbu nơm saơ Kon jêh ri chroh ma Kon mra geh nau rêh n'ho ro, Gâp mra ƀư ăn bunuyh nây dâk rêh tay tâm nar nglĕ dŭt.”

Yôhan 6:44

Tơlah Mbơ̆, jêng Nơm hŏ njuăl Gâp, mâu mphâk ôh pôri mâu hôm geh nơm dơi văch ma Gâp, jêh ri Gâp mra ƀư ăn bunuyh nây dâk rêh tay tâm nar nglĕ dŭt.

Yôhan 6:54

Mbu nơm sa nglay săk jêh ri nhêt dak mham Gâp, păng geh nau rêh n'ho ro; Gâp mra ăn păng dâk rêh tay đŏng tâm nar nglĕ dŭt.

Samƀŭt Pôl Njuăl Ăn Ma Phung Nsing Ta Ƀon Rôm 8:11

Tơlah Brah Huêng Ueh Nơm hŏ ƀư ăn ma Brah Yêsu dâk rêh tay tă bơh nau khĭt gŭ tâm khân may, Nơm hŏ ƀư ma Brah Krist dâk rêh tay tă bơh nau khĭt ăt mra yor Brah Huêng Ueh Păng gŭ tâm khân may ăn nau rêh ma săk jăn blau khĭt khân may.

I Kôrintô 6:14

Brah Ndu hŏ ƀư ăn Kôranh Brah dâk rêh tay, mra ƀư ăn he dâk rêh tay đŏng ma nau brah Păng.

II Timôthê 2:19

Ƀiălah, nau mbon lĕ nâp Brah Ndu ăt gŭ nâp, ma nau tâp pŏng pô aơ: “Kôranh Brah gĭt năl phung bunuyh jêng phung Păng;” jêh ri: “Mbu moh kuăl mbơh sơm amoh Kôranh Brah, ăn der ngai bơh nau mâu di.”

Yakơ 5:15

Nau mbơh sơm tâm nau chroh mra sâm rdâk an bunuyh nây dâk; tơlah bunuyh ji geh nau tih, ăt mra geh nau yô̆ an đŏng.

I Pêtrôs 1:5

jêng phung bunuyh yor ma nau chroh dơi geh nau mât mray tă bơh nau brah Brah Ndu, gay dơn nau tâm rklaih jêng nau rơm ndrăp tâm mpơl tâm rnôk nglĕ dŭt!

Yuđas 1:1

Y-Yut, oh mon Brah Yêsu Krist jêh ri oh Y-Yakơ, njuăl samƀŭt ma phung geh nau kuăl jêh, geh Brah Ndu jêng Mbơ̆, rŏng, jêh ri geh Brah Yêsu Krist mât mray.

I Samuel 25:29

Tơlah geh nơm ŭch tĭng nhŭp may jêh ri joi nau ngroh lơi nau rêh kôranh, pôri Yêhôva Brah Ndu may mra nkŭm nau rêh kôranh; bi nau rêh phung rlăng may Brah Yêhôva mra klŭp mƀăr ngai nâm bu klŭp lŭ tă bơh ntâu rvĭt.