Yôhan 6:38 - Nau Brah Ndu Ngơi 2023

³⁸ Yorlah Gâp hŏ jŭr tă klơ trôk, mâu di gay ƀư tĭng nau mĭn Gâp ŭch ôh, ƀiălah ƀư tĭng nau mĭn Nơm hŏ njuăl jêh Gâp.

Bunong Bible Latin Script Cambodian dialect

³⁸ Gâp jŭr tă bơh kalơ trôk i ntŭk Kôranh Brah nơh, gay ma jan tâng nau Kôranh Brah ŭch Nơm tơm njuăl ăn Gâp văch, Gâp mâu ôh văch gay ma jan tâng nau Gâp nơm ŭch.

Bunong

³⁸ គ៝ប់​ជុរ​តាៈ​ឞើស​កាលើ​ត្រោក​អី​នតុក​កោរាញ​ឞ្រាស​នើស គៃ​មា​ជាន​តឹង​នាវ​កោរាញ​ឞ្រាស​អុច​នើម​តើម​ញជ្វាល់​អ៝ន់​គ៝ប់​វាច់ គ៝ប់​មោ​អោស​វាច់​គៃ​មា​ជាន​តឹង​នាវ​គ៝ប់​នើម​អុច។

Yôhan 6:38 Iomraidhean Croise

Êsai 53:10

Brah Yêhôva maak nuih n'hâm ăn Păng ji, Jêh ri dơn nau rêh ni. Tơlah jêh nhhơr nau rêh Păng jêng ndơ ƀư brah chuai nau tih, Păng mra saơ phung kon sau Păng; Lĕ nar Păng gŭ rêh mra ntop jong, Jêh ri nau Brah Yêhôva ŭch dơi jêng ngăn tâm ti Păng.

Mathay 20:28

Nđâp ma Kon Bunuyh văch jêh mâu di gay bu pah kan, ƀiălah gay pah kan, jêh ri nhhơr nau rêh Păng nơm jêng rnoh chuai ma âk bunuyh.”

Yôhan 3:13

Ê hŏ geh du huê hao ta klơ trôk, ƀiălah knŏng geh Nơm jŭr tă bơh trôk, jêng Kon Bunuyh.

Yôhan 3:17

Yorlah Brah Ndu hŏ njuăl Kon Păng văch ta neh ntu, mâu di gay tâm rmal neh ntu ôh, ƀiălah gay neh ntu yor ma Kon Păng dơi tâm rklaih.

Yôhan 3:31

Nơm văch tă bơh klơ prêh jêng klơ lĕ rngôch. Mbu luh tă bơh neh jêng ndơ neh ntu, ngơi lĕ nau jêng ndơ neh ntu; ƀiălah Nơm văch tă bơh trôk jêng klơ lĕ rngôch.

Yôhan 4:34

Brah Yêsu lah ma khân păng: “Ndơ sông sa Gâp jêng ƀư tĭng nau mĭn ŭch Nơm hŏ njuăl Gâp, jêh ri ƀư lôch jêh nau kan Păng.

Yôhan 5:19

Pôri, Brah Yêsu lah ma khân păng: “Nanê̆ ngăn, Gâp lah nanê̆ ngăn khân may, Kon mâu dơi ƀư êng ôh, ƀiălah knŏng ƀư nau Kon saơ Mbơ̆ ƀư; yorlah lĕ kan Mbơ̆ ƀư, Kon ƀư đŏng tâm ban pônây.

Yôhan 5:30

Gâp nơm mâu dơi ƀư êng du ntil kan ôh; Gâp phat dôih tĭng nau Gâp tăng, jêh ri nau Gâp phat dôih jêng nau sŏng, yorlah Gâp mâu joi tĭng nau gâp ŭch, ƀiălah joi tĭng nau mĭn Nơm hŏ njuăl jêh Gâp.

Yôhan 6:29

Brah Yêsu plơ̆ lah: “Nau pah kan Brah Ndu jêng khân may chroh ma Nơm Brah Ndu hŏ njuăl văch jêh.”

Yôhan 6:33

Yorlah piăng let Brah Ndu jêng piăng let jŭr tă klơ trôk, ăn nau rêh ma neh ntu.”

Yôhan 6:42

Khân păng lah: “Mâu di hĕ bunuyh aơ jêng Brah Yêsu, kon Y-Yôsep? Mê̆ mbơ̆ păng, he gĭt lĕ, mâm ƀư aƀaơ aơ păng lah tay: ‘Gâp hŏ jŭr tă klơ trôk’?”

Yôhan 6:57

Tâm ban ma Mbơ̆ nơm gŭ rêh mro mrăng hŏ njuăl Gâp jêh, jêh ri Gâp gŭ rêh yor Păng, pôri lĕ, mbu nơm sa nglay săk Gâp mra rêh yor Gâp.

Samƀŭt Pôl Njuăl Ăn Ma Phung Nsing Ta Ƀon Rôm 15:3

Yorlah Brah Krist mâu mâp ƀư maak ma Păng nơm, tâm ban geh nau nchih: “Nau suai rak tă bơh phung mưch rmot ma May, tŭp jêh ta gâp.”

Êphêsô 4:9

Tơlah ngơi “Păng hŏ hao klơ” moh nau bu ntĭt, lah mâu di jêng Păng jŭr jêh tâm lĕ ntŭk dêh rlau lơn tâm dâng neh ntu?

ហេឞ្រើ 5:8

Nđâp tơlah Păng jêng Kon, Păng nti jêh nau tông bâr ma lĕ nau rêh ni Păng dơn jêh;