Yôhan 6:30 - Nau Brah Ndu Ngơi 2023

³⁰ Khân păng lah tay: “Lah ndrĭ, moh nau mbên khlay Nơm Nti ƀư gay ăn hên saơ jêh ri chroh? Moh nau kan May ƀư?

Bunong Bible Latin Script Cambodian dialect

³⁰ Khân păng ôp tay Brah Yêsu: “Lah ndri moh ndơ nau khlay May jan ăn hên gĭt say, gay ma hên nsing ma May? Moh ƀă ndơ May jan mêh?

Bunong

³⁰ ខាន់​ពាង់​អោប​តៃ​ឞ្រាស​យេឆូ  ៖ “លាស​នទ្រី​ម៝ស​នទើ​នាវ​ខ្លៃ​មៃ​ជាន​អ៝ន់​ហេន​គឹត​ឆៃ គៃ​មា​ហេន​ញឆីង​មា​មៃ? ម៝ស​បាៈ​នទើ​មៃ​ជាន​មេស?

Yôhan 6:30 Iomraidhean Croise

I Phung Hađăch 13:3

Tâm nar nây, bunuyh Brah Ndu ăn nau mbên khlay jêh ri lah: “Aơ jêng nau mbên khlay gay tâm mpơl pô aơ Brah Yêhôva ngơi jêh: Nơng ƀư brah mra đang jêh ri buh ta klơ nơng ƀư brah mra hŭk.”

I Phung Hađăch 13:5

Nơng ƀư brah đang jêh ri buh ta klơ nơng ƀư brah hŭk, di nâm nau mbên khlay bunuyh Brah Ndu hŏ tông bâr nau ntăm Brah Yêhôva ngơi jêh.

Nau Ngluh Êjipt 4:8

Brah Yêhôva lah tay: “Tơlah khân păng mâu iăt ôh ma may, mâu mra iăt đŏng ôh nau ngơi tă bơh nau mbên khlay tal nguay, klăp lah mra iăt ma nau mbên khlay tal bar.

Nau Ngluh Êjipt 7:9

“Lah Pharaôn đă khân may: ‘Ƀư hom du nau mbên khlay,’ ăn may ngơi đah Y-Arôn: ‘Sŏk hom mâng jra may jêh ri klŭp păng tanăp măt Pharaôn, păng mra jêng bêh.’”

Êsai 5:19

Khân păng lah: “Dăn ƀư ndal jêh ri ƀư gơnh nau kan Păng, Gay ma hên dơi saơ! Dăn nau dăp dơm Nơm Kloh Ueh Israel dơi ƀư, dơi jêng Gay ma hên dơi gĭt!”

Markôs 15:32

Hơi Brah Krist, Hađăch Phung Israel, aƀaơ aơ jŭr hom bơh si tâm rkăng, gay hên saơ jêh ri chroh!” Bar hê bunuyh ntŭng bu pâng kđĭn ndrel ma Păng suai rak ma Păng tâm ban lĕ.

Markôs 8:11

Geh ƀaƀă bunuyh Pharisi văch jêh ri rlăch đah Păng, khân păng dăn du nau mbên khlay tă bơh trôk gay rlong uănh Păng.

Yôhan 10:38

Bi tơlah Gâp pah kan, lah khân may mâu chroh ma Gâp kđôi lĕ, chroh hom ma kan Gâp ƀư aơ, gay khân may dơi gĭt năl jêh ri gĭt rbăng Mbơ̆ gŭ tâm Gâp jêh ri Gâp gŭ tâm Mbơ̆.”

Yôhan 12:37

Nđâp tơlah Brah Yêsu hŏ ƀư âk nau khlay tanăp khân păng kđôi lĕ, ƀiălah khân păng ăt mâu chroh lĕ ma Brah Yêsu,

Yôhan 2:18

Phung Yuđa ôp ma Brah Yêsu: “Moh nau mbên khlay Kôranh mpơl ăn hên saơ Kôranh geh nau dơi ƀư nau nây?”

Yôhan 4:8

Nôk nây, phung oh mon Păng hŏ hăn rvăt ndơ sa tâm ƀon.

Yôhan 6:14

Lĕ phung bunuyh saơ nau mbên khlay Brah Yêsu hŏ ƀư jêh ri lah: “Aơ ngăn jêng Nơm mbơh lor hŏ văch tâm neh ntu.”

Yôhan 6:2

Du mpôl bunuyh âk ngăn hăn tĭng Brah Yêsu, yorlah khân păng hŏ tă saơ jêh lĕ nau mbên khlay Brah Yêsu ƀư ma phung bunuyh ji kuet.

Yôhan 6:36

Ƀiălah Gâp hŏ lah jêh ma khân may pô aơ: Khân may hŏ saơ jêh Gâp, ƀiălah mâu ŭch chroh ôh.

Kôranh Oh Mon 4:30

Dăn yơr ti May gay ƀư bah jêh ri ƀư lĕ nau khlay, nau mbên khlay tâm amoh Oh Mon kloh ueh May jêng Brah Yêsu.”

I Kôrintô 1:22

Dôl phung Yuđa dăn nau mbên khlay, phung Grek joi nau blau mĭn

ហេឞ្រើ 2:4

Brah Ndu mbơh nkoch đŏng ma nau mbên khlay, nau khlay jêh ri lĕ nau brah nđâp ma lĕ nau dơi ăn bơh Brah Huêng Ueh, pă jêh tĭng nâm Păng ŭch.